រាជធានីភ្នំពេញ ៖ ក្រុមអ្នកប្រើប្រាស់គ្រឿងញៀនប្រុស ស្រីចំនួន១៤នាក់ ត្ររូវបានកម្លាំងគណៈបញ្ជាការឯកភាពខណ្ឌចំការមន ដែលដឹកនាំដោយលោកអភិបាលរងខណ្ឌចំនួនពីររូបគឺ លោក ប៊ុន សុភក្តិ និង លោក កែវ សំណាង ដោយមានការចូលរួមអំពីសំណាក់លោកវរៈសេនីយ៍ទោ ហ៊ាង ថារ៉េត អធិការរងនគរបាលខណ្ឌចំការមន ក្នុងការចុះធ្វើរដ្ឋបាលរៀបចំសណ្តាប់ធ្នាប់នៅក្នុងតំបន់មិនរៀបរយមួយកន្លែងនៅក្នុងភូមិផ្អេរ។ ការធ្វើរដ្ឋបាលនេះដែរបានធ្វើឡើងកាលពីវេលាម៉ោង២ និង៤៥នាទីល្ងាច ថ្ងៃទី០៤ ខែមករា ឆ្នាំ២០១៦ នៅក្នុងភូមិផ្អេរ (ខាងក្រោយយផ្សារសុវណ្ណា) ផ្លូវលេខ៣៤៤ ភូមិ៤ ក្រុម៣៤ ក្នុងសង្កាត់ទំនប់ទឹក ខណ្ឌចំការមន។
លោកវរៈសេនីយ៍ទោ ហ៊ាង ថារ៉េត អធិការរងនគរបាលខណ្ឌចំការមន បានប្រាប់ឱ្យដឹងថា អ្នកប្រើប្រាស់គ្រឿងញៀនទាំង១៤នាក់ដែលបានឃាត់ខ្លួនមានទី១-ឈ្មោះ យ៉ូវ ភេទប្រុស អាយុ ២៩ឆ្នាំ ជនជាតិវៀតណាម ទី២-ឈ្មោះ វឹង ចន្ថា ភេទប្រុស អាយុ១៨ឆ្នាំ ជនជាតិវៀតណាម ទី៣-ឈ្មោះ សៀង សំបូរ ភេទប្រុស អាយុ២៦ឆ្នាំ ទី៤-ឈ្មោះ ឈឹង សារ័ត្ន ភេទប្រុស អាយុ២៧ឆ្នាំ ទី៥-ឈ្មោះ សេង វាសនា ភេទប្រុស ៦-ឈ្មោះ សូ សុធា ភេទប្រុស អាយុ២៦ឆ្នាំ ទី៧-ឈ្មោះ ឃឹម មករា ភេទប្រុស អាយុ ២៦ឆ្នាំ ទី៨-ឈ្មោះ សុខ សុភក្តិ ភេទប្រុស អាយុ១៧ឆ្នាំ ៩-ឈ្មោះ ស្រី ចាន់កក្កដា ភេទប្រុស អាយុ១៨ឆ្នាំ ១០-ឈ្មោះ សៀម មករា ភេទប្រុស អាយុ៣០ឆ្នាំ ទី១១-ឈ្មោះ ណែម សុធារ៉ា ភេទប្រុស អាយុ៣១ឆ្នាំ ទី១២-ឈ្មោះ វីន វី ភេទប្រុស អាយុ២៨ឆ្នាំ ទី១៣-ឈ្មោះ ងឹន គឹមឡេង ភេទស្រី អាយុ៣២ឆ្នាំ និងទី១៤-ឈ្មោះ ចាន់ ដាវី ភេទស្រី អាយុ២៦ឆ្នាំ។
ក្រុមអ្នកប្រើប្រាស់គ្រឿងញៀនទាំង ១៤នាក់(ស្រី ២នាក់)ខាងលើនេះ ត្រូវបានកម្លាំងនៃគណៈបញ្ជាការឯកភាពខណ្ឌចំការមន ធ្វើការឃាត់ខ្លួនបាននៅពេលដែលចុះធ្វើរដ្ឋបាលដើម្បីរៀបចំសណ្តាប់ធ្នាប់សារធារណៈនៅក្នុងតំបន់មិនរៀបរយខាងលើ ហើយក៏ប្រទះឃើញពួកគេកំពុងតែធ្វើការប្រើប្រាស់គ្រឿងញៀននោះ។ ក្រោយពីការធ្វើរដ្ឋបាលរបស់គណៈបញ្ជាការឯកភាពខណ្ឌចំការមន នៅក្នុងតំបន់មិនរៀបរយខាងលើនេះរួចហើយ ក្រុមអ្នកប្រើប្រាស់គ្រឿងញៀនប្រុស ស្រីទាំង ១៤នាក់ ត្រូវបាននាំខ្លួនមកធ្វើការសាកសួរ និងកំណត់ហេតុ ដើម្បីបញ្ជូនទៅកាន់មន្ទីរសង្គមកិច្ចរាជធានៅភ្នំពេញជាបន្តទៅទៀត៕
ចែករំលែកព័តមាននេះ