ឃាត់ខ្លួនមុខសញ្ញាចែកចាយថ្នាំញៀន២នាក់ និងដកហូតវត្ថុតាងបានមួយចំនួន
ខេត្តកំពង់ស្ពឺ ៖ ជនសង្ស័យ២នាក់ជាមុខសញ្ញាចែកចាយថ្នាំញៀនដ៏សកម្មត្រូវបាននគរបាលស្រុកឧដុង្គឃាត់ខ្លួន បន្ទាប់ពីពួកគេធ្វើសកម្មភាព
ខេត្តកំពង់ស្ពឺ ៖ ជនសង្ស័យ២នាក់ជាមុខសញ្ញាចែកចាយថ្នាំញៀនដ៏សកម្មត្រូវបាននគរបាលស្រុកឧដុង្គឃាត់ខ្លួន បន្ទាប់ពីពួកគេធ្វើសកម្មភាព
ខេត្តកំពង់ស្ពឺ ៖ ជនសង្ស័យ២នាក់ជាមុខសញ្ញាចែកចាយថ្នាំញៀនដ៏សកម្មត្រូវបាននគរបាលស្រុកឧដុង្គឃាត់ខ្លួន បន្ទាប់ពីពួកគេធ្វើសកម្មភាព ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់។
ការឃាត់ខ្លួននេះធ្វើឡើងកាលពីវេលាម៉ោង១២ និង៣០នាទី ថ្ងៃទី០៤ ខែមករា ឆ្នាំ២០១៧ នៅចំណុចលើផ្លូវលំ ស្ថិតក្នុងភូមិវត្តភ្នំ ឃុំភ្នំតូច ស្រុកឧដុង្គ ខេត្តកំពង់ស្ពឺ។ មុខសញ្ញាជួញដូរគ្រឿងញៀនខុសច្បាប់ចំនួន ០២នាក់ ទី១.ឈ្មោះ ប៉ា នៅ ភេទប្រុស អាយុ២៥ឆ្នាំ រស់នៅភូមិស្តុកស្លាត ឃុំភ្នំតូច ស្រុកឧដុង្គ ទី២.ឈ្មោះ ថុល ប៊ុនថន ភេទប្រុស អាយុ២៥ឆ្នាំ រស់នៅភូមិ ឃុំកើតហេតុខាងលើ ។
លោកវរសេនីយ៍ត្រី ពីងពៅ អធិការរងនគរបាលស្រុកឧដុង្គ បានឲ្យដឹងថា អនុវត្តតាមបទបញ្ជារបស់លោកឧត្តមសេនីយ៍ត្រី សមសាមួន ស្នងការនគរបាលខេត្ត ដឹកនាំដោយលោកវរសេនីយ៍ទោ ខឹម សាម៉ុន បានដឹកនាំកម្លាំងក្រោមបញ្ជាចុះល្បាតក្នុងភូមិសាស្ត្រខាងលើ ដើម្បីបង្កាការពារសន្តិសុខសណ្តាប់ធ្នាប់ជូនប្រជាពលរដ្ឋក្នុងមូលដ្ឋាន។ ក្នុងពេលល្បាតនោះកម្លាំងរបស់លោកបានប្រទះឃើញមុខសញ្ញាចែកចាយថ្នាំញៀន២នាក់ខាងលើធ្វើសកម្មភាពក៏ឃាត់ខ្លួនដើម្បិត្រួតពិនិត្យ។
លោកអធិការរងបន្តថា ក្រោយត្រួតពិនិត្យសមត្ថកិច្ចរបស់លោកបានរកឃើញមានម្សៅក្រាមសថ្លាសង្ស័យគ្រឿងញៀនចំនួន ០១កញ្ចប់តូច និងឧបករណ៍សម្រាប់ប្រើប្រាស់មួយចំនួន។ ក្រោយរកឃើញវត្ថុតាងសង្ស័យសមត្ថកិច្ចបានចុះទៅឆែកផ្ទះជនសង្ស័យបន្តទៀតក្នុងនោះរកឃើញ អាវុធច្នៃប្រើខ្យល់ ចំនួន ០២ដើម អាំងវ៉ាទ័រ ឆក់ត្រី ចំនួន០១គ្រឿង អាគុយ០១
និងម៉ូតូចំនួន០២គ្រឿងទូរសព្ទ័ចាស់ចំនួន០៣គ្រឿង ។
បច្ចុប្បន្នជនសង្ស័យត្រូវបានឃាត់ខ្លួននៅអធិការរដ្ឋាននគរបាលស្រុក ដើម្បីកសាងសំណុំរឿងបញ្ជូនទៅកាន់តុលាការចាត់ការបន្តតាមនីតិវិធី។ គួរបញ្ជាក់ថា ចាប់តាំងពីប្រមុខរដ្ឋាភិបាលប្រកាសបើកយុទ្ធនាការប្រឆាំងគ្រឿងញៀនមក ហាក់បីដូចជាដាស់ស្មារតីដល់មន្ត្រីនគរបាលជំនាញឲ្យរឹតតែខិតខំបន្តតាមចាប់ក្រុមជនសង្គមងងឹតទាំងនេះកាន់តែមានសន្ទុះកាន់តែខ្លាំងឡើង។ ក្នុងនោះគ្រប់បណ្តាស្រុកមួយចំនួនហាក់បីដូចជាបើកយុទ្ធនាការចាប់ក្រុមជួញរចែកចាយគ្រឿងញៀនបានជាបន្តបន្ទាប់លើកលែងតែស្រុកបរសេដ្ឋមួយនៅមិនទាន់ឃើញបញ្ចេញស្នាដៃបង្ក្រាបក្រុមជនសង្គមងងឹតបានម្នាក់នៅឡើយទេ។
មហាជនបានលើកឡើងថាលោកស្នងការថ្មីគួរណាស់តែរកមន្ត្រីដែលមានសមត្ថភាពឲ្យឡើងជាអធិការ ដឹកនាំកម្លាំងនគរបាលស្រុកធ្វើការបម្រើប្រជាពលរដ្ឋក្នុងមូលដ្ឋានដើម្បីធានាសន្តិសុខសណ្តាប់ធ្នាប់ជូនប្រជាពលរដ្ឋឲ្យរស់នៅប្រកបដោយភាពកក់ក្តៅ៕
ចែករំលែកព័តមាននេះ