អាណិតណាស់ ! ២ដងចបសន្លប់ស្តូក
រាជធានីភ្នំពេញ ៖ បុរសម្នាក់ត្រូវគេវាយត្រូវ២ដងចបបណ្ដាលឲ្យសន្លប់ស្តូកស្តឹង ខណៈបុរសរូបនោះចូលទៅឃាត់គេឈ្លោះគ្នាកាលពីវេលាម៉ោង១០ និង១៥នាទីព្រឹក …
រាជធានីភ្នំពេញ ៖ បុរសម្នាក់ត្រូវគេវាយត្រូវ២ដងចបបណ្ដាលឲ្យសន្លប់ស្តូកស្តឹង ខណៈបុរសរូបនោះចូលទៅឃាត់គេឈ្លោះគ្នាកាលពីវេលាម៉ោង១០ និង១៥នាទីព្រឹក …
រាជធានីភ្នំពេញ ៖ បុរសម្នាក់ត្រូវគេវាយត្រូវ២ដងចបបណ្ដាលឲ្យសន្លប់ស្តូកស្តឹង ខណៈបុរសរូបនោះចូលទៅឃាត់គេឈ្លោះគ្នាកាលពីវេលាម៉ោង១០ និង១៥នាទីព្រឹក ថ្ងៃទី៣ ខែមករា ឆ្នាំ២០១៧ ស្ថិតនៅចំណុចផ្ទះជួលមួយកន្លែងក្នុងភូមិអូរដឹម សង្កាត់ចោមចៅ ខណ្ឌពោធិ៍សែនជ័យ ។
យុវជនរងគ្រោះមិនត្រូវបានគេស្គាល់ឈ្មោះនៅឡើយទេ មានអាយុប្រហែលជាង២០ឆ្នាំ មានមុខរបរកម្មកររោងចក្រ ស្នាក់នៅផ្ទះជួលកន្លែងកើតហេតុ ។
ប្រភពព័ត៌មានបានឲ្យដឹងថា មុនពេលកើតហេតុ ជិតខាង២នាក់បងប្អូនបានមានទំនាស់គ្នារហូតឈានដល់ការវាយតប់គ្នាទៅវិញទៅមក ប៉ុន្តែមិនដឹងថាទំនាស់ខាងលើនោះផ្ដើមចេញពីរឿងអ្វីនោះទេ ហើយខណៈនោះអ្នកទំនាស់គ្នាម្នាក់មានកាន់ដងចបមួយដើមផង ។ បន្ទាប់ពីឃើញទិដ្ឋភាពបែបនេះ យុវជនខាងលើបានចូលទៅឃាត់កុំឲ្យពួកគេវាយតប់គ្នា ពេលចូលទៅដល់អ្នកកាន់ដងចបបានវាយគូទំនាស់របស់ខ្លួន ប៉ុន្តែគូទំនាស់គេចផុត បែរជាត្រូវយុវជនដែលទៅជួយឃាត់គេនោះ២ដងចបបណ្ដាលឲ្យដួលសន្លប់ស្ដូកស្ដឹងតែម្ដង ។
ប្រភពដដែលបានបន្តទៀតថា ក្រោយពេលកើយតហេតុគូទំនាស់២នាក់បងប្អូនបាននាំគ្នារត់គេចខ្លួនបាត់ស្រមោល ចំណែកជនរងគ្រោះត្រូវបានក្រុមគ្រួសារលើកដាក់រ៉ឺម៉កម៉ូតូកង់បីនាំទៅកាន់ប៉ុស្ដិ៍ប៉ុស្តិ៍ចោមចៅ ដើម្បីដាក់ពាក្យបណ្ដឹង ប៉ុន្តែពេលទៅដល់ប៉ុស្ដិ៍នគរបាល ដោយឃើញជនរងគ្រោះរបួសធ្ងន់ពេក សមត្ថកិច្ចក៏បានឲ្យនាំទៅកាន់មន្ទីរពេទ្យដើម្បីព្យាបាលរបួសសិន ឯរឿងដាក់ពាក្យប្ដឹង ចាំធ្វើនៅពេលក្រោយ ហើយគេមិនទាន់ដឹងថា តើនគរបាលប៉ុស្ដិ៍ចោមចៅអាចរកចាប់ខ្លួនក្រុមជនបង្កបានឬមិនបានយ៉ាងណានោះឡើយ ៕
ចែករំលែកព័តមាននេះ