ថ្ងៃក្រោយឲ្យរាង ! វាយគេហើយ បំផ្លាញរបងនិងផ្ទះគេទៀត
ខេត្តកណ្ដាល ៖ បុរសម្នាក់ត្រូវបាននគរបាលស្រុកស្អាងចាប់ខ្លួនបន្ទាប់ពីបុរសរូបនោះបានវាយគូទំនាស់ឲ្យរបួសបណ្ដាលឲ្យបាត់ខ្សែក ព្រមទាំងបានវាយបំផ្លាញរបង និងផ្ទះគេ …
ខេត្តកណ្ដាល ៖ បុរសម្នាក់ត្រូវបាននគរបាលស្រុកស្អាងចាប់ខ្លួនបន្ទាប់ពីបុរសរូបនោះបានវាយគូទំនាស់ឲ្យរបួសបណ្ដាលឲ្យបាត់ខ្សែក ព្រមទាំងបានវាយបំផ្លាញរបង និងផ្ទះគេ …
ខេត្តកណ្ដាល ៖ បុរសម្នាក់ត្រូវបាននគរបាលស្រុកស្អាងចាប់ខ្លួនបន្ទាប់ពីបុរសរូបនោះបានវាយគូទំនាស់ឲ្យរបួសបណ្ដាលឲ្យបាត់ខ្សែក ព្រមទាំងបានវាយបំផ្លាញរបង និងផ្ទះគេបាក់បែកខូចអស់ជាច្រើនកាលពីវេលាម៉ោង៥និង៣០នាទីល្ងាច ថ្ងៃទី៣ ខែមករា ឆ្នាំ២០១៧ នៅភូមិព្រែករុនក្រោម ឃុំព្រែកគយ ស្រុកស្អាង ។
មន្ត្រីនគរបាលស្រុកស្អាងបានឱ្យដឹងថា ជនសង្ស័យដែលត្រូវបានចាប់ខ្លួនឈ្មោះ ខុម សុភណ្ឌ ហៅ ខ្មៅ ភេទប្រុស អាយុ២៦ឆ្នាំ ជនជាតិខ្មែរ មុខរបររត់តុការ មានទីលំនៅភូមិកើតហេតុ ចំណែកជនរងគ្រោះឈ្មោះ វន្នី តាំងហេង ភេទប្រុស អាយុ២១ឆ្នាំ ជនជាតិខ្មែរខ្មែរ មុខរបរកសិករ មានទីលំនៅក្នុងភូមិកើតហេតុជាមួយគ្នា ។
មន្ត្រីនគរបាលបានឱ្យដឹងបន្ថែមទៀតថា មុនពេលកើតហេតុ ជនសង្ស័យមានសភាពស្រវឹងស្រា ហើយបានចោទប្រកាន់ជនរងគ្រោះថា បានរោទិ៍ម៉ាស៊ីនម៉ូតូខ្លាំងៗក៏មានទំនាស់ពាក្យសម្ដីគ្នា ភ្លាមៗនោះជនសង្ស័យបានក្របួចកអាវជនរងគ្រោះ រំពេចនោះជនរងគ្រោះក៏បានដាល់មុខជនសង្ស័យបណ្តាលឲ្យមុតហូរឈាមលើថ្ពាល់ខាងស្តាំមួយកន្លែង បន្ទាប់មកអ្នកទាំង២បានប្រតាយប្រតប់គ្នាទៅវិញទៅមក បណ្តាលឲ្យជនរងគ្រោះមានរបួសស្នាម និងបាត់ខ្សែ.កប្លាទីន១ខ្សែទម្ងន់៣ជីបន្ថែមទៀតផង ។
ប្រភពបន្តថា ពេលប្រតាយប្រតប់គ្នានោះ អ្នកជិតខាងបានចូលទៅឃាត់ទើបជនរងគ្រោះចូលក្នុងផ្ទះរបស់ខ្លួន ហើយបិទទ្វាររបង ភ្លាមៗនោះជនសង្ស័យបានយកដុំថ្ម និងអង្កត់អុសធំៗច្រើនដុំគប់ចូលផ្ទះ និងដំបូលផ្ទះជនរងគ្រោះជាច្រើនបណ្តាលឲ្យបាក់ក្បាច់របង និងបាក់បែកជញ្ចាំងផ្ទះ(ឈើ)មួយចំនួន ។
ពេលទទួលបានព័ត៌មានខាងលើភ្លាម នគរបាលស្រុកសហការជាមួយកម្លាំងប៉ុស្ដិ៍រដ្ឋបាលព្រែកគយបានចុះទៅអន្ដរាគមន៍ដល់កន្លែងកើតហេតុ និងបានឃាត់ខ្លួនជនសង្ស័យឈ្មោះ ខុម សុភណ្ឌ រួមទាំងវត្ថុតាងបញ្ជូនមកអធិការដ្ឋាននគរបាលស្រុកស្អាង ដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ