ឆេះស៊ីទែនសាំង ផ្អើលពលរដ្ឋក្រុងស្ទឹងសែនទាំងព្រឹក
ខេត្តកំពង់ធំ ៖ ហេតុការណ៍ភ្ញាក់ផ្អើលមួយបានកើតឡើងដោយសារស៊ីទែនសាំងស្ថានីយប្រេងឥន្ធនៈរបស់លោកថៅកែ អៀង ម៉េង ត្រូវបានអគ្គិភ័យឆាបឆេះ …
ខេត្តកំពង់ធំ ៖ ហេតុការណ៍ភ្ញាក់ផ្អើលមួយបានកើតឡើងដោយសារស៊ីទែនសាំងស្ថានីយប្រេងឥន្ធនៈរបស់លោកថៅកែ អៀង ម៉េង ត្រូវបានអគ្គិភ័យឆាបឆេះ …
ខេត្តកំពង់ធំ ៖ ហេតុការណ៍ភ្ញាក់ផ្អើលមួយបានកើតឡើងដោយសារស៊ីទែនសាំងស្ថានីយប្រេងឥន្ធនៈរបស់លោកថៅកែ អៀង ម៉េង ត្រូវបានអគ្គិភ័យឆាបឆេះកាលពីវេលាម៉ោងប្រហែល១០ និង២០នាទីព្រឹក ថ្ងៃទី៤ ខែមករា ឆ្នាំ២០១៦ នៅតាមបណ្ដោយផ្លូវជាតិលេខ៦ ស្ថិតក្នុងភូមិក្តី សង្កាត់ព្រៃតាហូ ក្រុងស្ទឹងសែន ខេត្តកំពង់ធំ ។
ប្រភពព័ត៌មានពីកម្មករការដ្ឋានសំណង់ខាងលើបានឲ្យដឹងថា ស្ថានីយប្រេងឥន្ទនៈសូគីម៉ិចនេះជាកម្មសិទ្ធិរបស់លោកថៅកែ អៀង ម៉េង ដោយត្រូវរុះរើសាងសង់ជាថ្មី ហើយការឆេះនេះកើតមានចំនួន២ដងមកហើយ ដែលបណ្តាលមកពីការប្រើម៉ូទ័រកាត់ដែកកាត់ទុយោបំពង់ទីបសម្រាប់បង្ហូរប្រេងចូលក្នុងស៊ីទែនសាំងនោះ ធ្វើឲ្យផ្កាភ្លើងខ្ទាតទៅប៉ះនឹងចំហាយសាំងដែលនៅសេសសល់ក្នុងស៊ីទែនបណ្តាលឲ្យឆេះម្តងមកហើយកាលពីល្ងាចថ្ងៃទី០៣ ខែមករា តែត្រូវបានពន្លត់ទាន់ លុះព្រឹកថ្ងៃទី០៤ ខែមករា ឆ្នាំ២០១៧ លោកថៅកែ អៀង ម៉េង ក៏បានយកម៉ូទ័រទៅកាត់ម្តងទៀតធ្វើឲ្យផ្កាភ្លើងឆេះជាលើកទី២ទៀតមិនអាចពន្លត់ឈ្នះតែម្តង បង្កការភ្ញាក់ផ្អើលទាំងព្រឹកក្នុងក្រុងស្ទឹងសែន ។
ប្រភពបន្តថា អគ្គិភ័យនេះត្រូវបានរថយន្តពន្លត់អគ្គិភ័យ នៃស្នងការដ្ឋាននគរបាលខេត្តកំពង់ធំទៅជួយបាញ់ទឹកពន្លត់ដែរ ក៏នៅតែមិនរលត់ ខ្លះនាំគ្នាយកបំពង់ពន្លត់អគ្គិភ័យទៅបាញ់ ហើយអ្នកខ្លះទៀតទៅទិញសាប៊ូ និងអំបិលមកបាចទើបអាចគ្រប់គ្រងស្ថានភាពបាន សំណាងល្អមិនធ្វើឲ្យមានអ្នករងគ្រោះឡើយ ។
ប្រជាពលរដ្ឋដែលនៅជិតកន្លែងកើតហេតុ បានឲ្យដឹងថា ពួកគាត់មានការព្រួយបារម្ភណាស់ មិនហ៊ាននិយាយទេ ដោយខ្លាចឥទ្ធិពលរបស់លោកថៅកែ ម៉េង ។ ពួកគាត់បន្តថា ការរស់នៅជិតគ្នាចេះតែទ្រាំផ្តិតមេដៃឲ្យគេសាងសង់ស្ថានីយប្រេងទាំងទើសទាល់ ព្រោះថាប្រហែល១ខែមុននេះនៅពេលដែលផ្សារកាត់ដំបូលស្ថានីយ ភ្លើងបានឆាបឆេះម្តងដែរ តែត្រូវបានគេជួយពន្លត់ទាន់ ឥឡូវនេះឆេះទៀតដែលជាហេតុធ្វើឲ្យពួកគាត់ដែលមានផ្ទះសម្បែងនៅជិតស្ថានីយមួយនេះរស់នៅដោយការភ័យខ្លាច ។
ប្រជាពលរដ្ឋដែលរស់នៅជិតកន្លែងកើតហេតុបានសំណូមពរសូមឲ្យអាជ្ញាធរ និងមន្ទីរជំនាញ ធ្វើយ៉ាងណាមានវិធានការឲ្យការសាងសង់ ព្រមទាំងកាទុកដាក់ស៊ីទែនប្រេងឥន្ទនៈរបស់លោកថៅកែ អៀង ម៉េង នេះឲ្យត្រឹមត្រូវទៅតាមលក្ខណៈបច្ចេកទេសផង ដើម្បីកុំឲ្យពួកគាត់មានការព្រួយបារម្ភដូចជាករណីនៅថ្ងៃនេះទៀត ព្រោះរាល់ថ្ងៃនេះពួកគាត់រស់នៅដោយការភិតភ័យថា មិនដឹងថ្ងៃណាអគ្គិភ័យនឹងកើតមានឡើងទៀតឡើយ ៕
ចែករំលែកព័តមាននេះ