រាជធានីភ្នំពេញ ៖ អ្នកបើកបររថយន្តដឹកទំនិញស្ទើរភ្លើងមួយគ្រឿង ខណៈបត់ស្តាំចុះចំណោតមិនប្រយ័ត្ន ក៏ជ្រុលទៅបុករបងផ្ទះប្រជាពលរដ្ឋ តែសំណាងល្អមិនមានអ្នករងរបួស កើតឡើងនៅវេលាម៉ោង០៨ និង៣០នាទីយប់ថ្ងៃទី០៣ មករា ស្ថិតត្រង់ចំណុចផ្ទះលេខ៨៣២ ផ្លូវ៤៣២កែងនិងផ្លូវ២៧១ ក្នុងសង្កាត់បឹងទំពុន ខណ្ឌមានជ័យ ។
រាជធានីភ្នំពេញ ៖ អ្នកបើកបររថយន្តដឹកទំនិញស្ទើរភ្លើងមួយគ្រឿង ខណៈបត់ស្តាំចុះចំណោតមិនប្រយ័ត្ន ក៏ជ្រុលទៅបុករបងផ្ទះប្រជាពលរដ្ឋ តែសំណាងល្អមិនមានអ្នករងរបួស កើតឡើងនៅវេលាម៉ោង០៨ និង៣០នាទីយប់ថ្ងៃទី០៣ មករា ស្ថិតត្រង់ចំណុចផ្ទះលេខ៨៣២ ផ្លូវ៤៣២កែងនិងផ្លូវ២៧១ ក្នុងសង្កាត់បឹងទំពុន ខណ្ឌមានជ័យ ។
ប្រភពឱ្យដឹងថា មុនពេលកើតហេតុ គេឃើញរថយន្តដឹកទំនិញមួយគ្រឿងម៉ាក FUSU ពណ៌ទឹកប្រាក់លាយក្រហម ពាក់ស្លាកលេខភ្នំពេញ3A-4156 មានបិទស្លាកយីហោ «ស្រេង SLL» ដឹកជញ្ជូន បើកបរដោយបុរសម្នាក់ និងជំនួយការម្នាក់បានធ្វើដំណើរតាមផ្លូវតាមបណ្ដោយផ្លូវ២៧១ ក្នុងទិសដៅពីជើងទៅត្បូង ។
ខណៈជិះមកដល់ចំណុចផ្លូវកែង រថយន្តបានបត់ស្ដាំចុះចំណោទទៅផ្លូវ៤៣២ គោលបំណងចូលទៅឃ្លាំងដាក់ឥវ៉ាន់ តែដោយសារតៃកុងស្ទើរភ្លើងបត់មិនប្រយ័ត្ន ក៏ជ្រុលទៅបុកនិងរបងផ្ទះ បណ្ដាលឱ្យបាក់និងធ្លុះប្រមាណ៣ម៉ែត្រ កល់រថយន្តទៅមុខលែងរួច តែសំណាងល្អ មិនគ្រោះថ្នាក់ដល់មនុស្ស។
ភ្លាមៗ សមត្ថកិច្ចមូលដ្ឋានមកជួយអន្តរាគមន៍ សម្រួលចរាចរណ៍ហើយ ខាងតៃកុងរថយន្តបង្កបានទូរស័ព្ទ ហៅរថយន្តពួកគេម្នាក់ទៀត ឱ្យមកជួយទាញចេញពីកន្លែងកើតហេតុ កុំឱ្យស្ទះចរាចរណ៍ រួចចាំនិយាយគ្នា។ ក្រោយកើតហេតុភាគីបង្កបានសងសំណងទៅម្ចាស់ផ្ទះចំនួន៤០០ដុល្លារបញ្ចប់រឿង ។
ចែករំលែកព័តមាននេះ