ប្រទេសជប៉ុន ៖ ថ្នាក់ដឹកនាំក្រុមហ៊ុនដ៏ធំរបស់ជប៉ុន ខាងផ្នែកផ្សាយពាណិជ្ជកម្ម Dentsu បានលាលែងពីតំណែង ក្រោយពេលមានការធ្វើអត្តឃា.តរបស់បុគ្គលិកម្នាក់ ដោយសារតែសម្ពាធការងារដែលតម្រូវ
ប្រទេសជប៉ុន ៖ ថ្នាក់ដឹកនាំក្រុមហ៊ុនដ៏ធំរបស់ជប៉ុន ខាងផ្នែកផ្សាយពាណិជ្ជកម្ម Dentsu បានលាលែងពីតំណែង ក្រោយពេលមានការធ្វើអត្តឃាតរបស់បុគ្គលិកម្នាក់ ដោយសារតែសម្ពាធការងារដែលតម្រូវឲ្យធ្វើការច្រើនម៉ោងពេក ។
ក្រុមហ៊ុនខាងលើបានបញ្ជាក់កាលពីថ្ងៃព្រហស្បតិ៍ថា លោក Tadashi Ishii ប្រធាន និងជានាយកប្រតិបត្តិរបស់ក្រុមហ៊ុន Dentsu នឹងចុះចេញពីតំណែងក្រោយបើកការប្រជុំនៅខែមករា ខាងមុខនេះ ។
ក្រុមអ្នករៀបចំសណ្តាប់ធ្នាប់រកឃើញថា ស្ត្រីសម្លាប់ខ្លួនដែលមានឈ្មោះ Matsuri Takahashi ត្រូវបានគេបង្ខំឲ្យធ្វើការជាច្រើនម៉ោង ។ ពួកគេសន្និដ្ឋានថា ការស្លាប់របស់នាងមកពីសម្ពាធការងារ ។
អ្នកនាង Takahashi ត្រូវបានគេឲ្យធ្វើការថែមម៉ោង១០៥ម៉ោងក្នុងមួយខែ ដែលធ្វើឲ្យនាងសម្រេចចិត្តសម្លាប់ខ្លួន ។
លោក Ishii បានមានប្រសាសន៍នៅពេលធ្វើសន្និសីទកាសែតថា ៖ « ពួកយើងមានការសោកស្តាយណាស់ចំពោះការមិនបានបង្ការទុកជាមុន ដែលធ្វើឲ្យបុគ្គលិកថ្មីរបស់យើងធ្វើការលើសម៉ោង ។ ខ្ញុំសូមសម្តែងការសោកស្តាយ និងសូមអភ័យទោសចំពោះគ្រួសាររបស់ជនរងគ្រោះ និងមហាជនក្នុងសង្គមទាំងមូល » ។
គួរបញ្ជាក់ថា ជប៉ុន ល្បីថាជាប្រទេសដែលតម្រូវឲ្យបុគ្គលិកធ្វើការជាច្រើនម៉ោង ។ នេះគឺដោយសារតែគេគិតថា អ្នកធ្វើការគឺជាសសរទ្រូងសេដ្ឋកិច្ចជាតិទាំងមូល ទើបគេបង្ខំឲ្យអ្នកទាំងនោះខំធ្វើការ ហើយយកក្រុមហ៊ុនជាធំបែបនេះ ៕
ចែករំលែកព័តមាននេះ