អាមេរិក ៖ តាមប្រភពពី Viral4real ឱ្យដឹងថា ស្ត្រីជាម្តាយម្នាក់ មានអាយុ៣៦ឆ្នាំ ឈ្មោះ Sascha Collins ត្រូវបានប៉ូលិសចាប់ខ្លួន ពីបទបង្ករបួសស្នាមទៅលើកូនប្រុសពីរនាក់របស់នាង ដោយសារតែពួកគេបានបើកកាដូថ្ងៃណូអែលមុនថ្ងៃកំណត់ ។
ប្រភពឱ្យដឹងថា កូនប្រុសទាំង២នាក់របស់នាង បានរកឃើញកាដូដែលនាងខំលាក់ ហើយបានបើកកាដូនោះភ្លាម មុនថ្ងៃកំណត់។ នៅពេលនាងទាន់ឃើញកូនប្រុសលួចបើកកាដូ នាងក៏ឆេះឆួលកំហឹងយ៉ាងខ្លាំង រហូតធ្វើឱ្យនាងវាយពួកគេយ៉ាងដំណំ ហើយចាប់ខាំទៀត ។ មិនត្រឹមតែប៉ុណ្ណោះ នាងបានចាប់ពួកគេគ្រវែងបោកនឹងជញ្ជាំង ដែលធ្វើឲ្យពួកគេរងរបួស ។ ក្នុងចំណោមកូនប្រុសទាំងពីរនាក់របស់នាង ម្នាក់មានបញ្ហាសតិ ។
កូនស្រីនាងដែលជាក្មេងជំទង់ម្នាក់ទៀត ដោយទ្រាំមិនបានពេលឃើញម្តាយធ្វើបាបប្អូន ក៏ទូរស័ព្ទទៅប្រាប់ប៉ូលិសឱ្យមកចាប់ម្តាយរបស់ខ្លួន។ ម្តាយដែលជាជនល្មើស ត្រូវបានគេចោទប្រកាន់ពី បទបង្ករបួសស្នាមទៅលើកុមារ និងបង្ករបួសស្នាមទៅលើមនុស្សខ្សោយសតិ ។
ចែករំលែកព័តមាននេះ