និស្សិតម្នាក់ជិះម៉ូតូធំទៅរៀន ជួបគ្រោះអកុសលតាមផ្លូវទាំងព្រឹក
- ភ្នំពេញ
រាជធានីភ្នំពេញ ៖ បុរសជានិស្សិតម្នាក់បានស្លា.ប់ភ្លាមៗនៅលើទ្រូងផ្លូវ ខណៈដែលជនរងគ្រោះជិះម៉ូតូ
រាជធានីភ្នំពេញ ៖ បុរសជានិស្សិតម្នាក់បានស្លា.ប់ភ្លាមៗនៅលើទ្រូងផ្លូវ ខណៈដែលជនរងគ្រោះជិះម៉ូតូ
រាជធានីភ្នំពេញ ៖ បុរសជានិស្សិតម្នាក់បានស្លា.ប់ភ្លាមៗនៅលើទ្រូងផ្លូវ ខណៈដែលជនរងគ្រោះជិះម៉ូតូមួយគ្រឿងម៉ាកយ៉ាម៉ាហា (YAMAHA) ធុនធំ ឆ្លងផ្លូវទៅរៀន ស្រាប់តែមានរថយន្តដឹកប្រេងក្រុមហ៊ុន SOKIMEX មួយគ្រឿងបើកទៅដល់បុ.កពីក្រោយផ្ទប់ខឿនសួនច្បារពុះចែកទ្រូងផ្លូវពេញទំហឹងតែម្ដង បន្ទាប់មកអ្នកបើកបររថយន្តបានចុះរត់គេចខ្លួនបាត់ស្រមោល។
ហេតុការណ៍ខាងលើនេះបានកើតឡើងកាលពីវេលាម៉ោង៧ព្រឹកថ្ងៃទី១ ខែសីហា ឆ្នាំ២០២២ នៅលើកំណាត់មហាវិថីឈ្នះឈ្នះ ត្រង់ចំណុចផ្លូវឆ្លងស្ថិតនៅមុខសាលាពហុបច្ចេកទេសកម្ពុជាហៅ(សាលាកូរ៉េ) ក្នុងភូមិព្រៃពពេល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលបាត់បង់ជីវិតខាងលើឈ្មោះនុត វុឌ្ឍី ភេទប្រុស អាយុ៣០ឆ្នាំ ជានិស្សិតរៀននៅសាលាពហុបច្ចេកទេសកម្ពុជាហៅ(សាលាកូរ៉េ) មានទីលំនៅក្នុងភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្ដាល ។ ជនរងគ្រោះជិះម៉ូតូ១គ្រឿងម៉ាកយ៉ាម៉ាហា (YAMAHA) ធុនធំ ពណ៍ខៀវលាយខ្មៅ ពាក់ស្លាកលេខ ភ្នំពេញ 1IF-6047 ។ ចំណែករថយន្តដឹកប្រេងក្រុមហ៊ុនSOKIMEX ពណ៍ទឹកប្រាក់ឆ្នូតក្រហមលាយលឿង ពាក់ស្លាកលេខភ្នំពេញ 3B-1069 អ្នកបើកបរពុំត្រូវបានស្គាល់អត្តសញ្ញាណឡើយ បានរត់គេចខ្លួនបាត់ ។
អ្នកឃើញហេតុការណ៍បានប្រាប់ឲ្យដឹងថា នៅមុនពេលកើតហេតុ គេបានឃើញបុរសរងគ្រោះជិះម៉ូតូធ្វើដំណើរឆ្លងផ្លូវក្នុងទិសដៅពីកើតទៅលិចចូលសាលារៀនខាងលើ ខណៈនោះរថយន្តបង្កបើកលឿនក្នុងទិសដៅពីជើងទៅត្បូងលុះពេលទៅដល់ត្រង់ចំណុចកើតហេតុ ក៏បានរថយន្តបុ.កម៉ូតូចំចំហៀងរុញផ្ទប់ខឿនសួនច្បារពុះចែកទ្រូងផ្លូវពេញទំហឹង បណ្ដាលឲ្យនិស្សិតរូបនោះស្លា.ប់ភ្លាមៗនៅនឹងកន្លែងតែម្ដង ចំណែកម៉ូតូបានកៀបជាប់ក្រោមរថយន្ត។
តាមប្រភពដដែលបានប្រាប់ឲ្យដឹងបន្តទៀតថា ក្រោយពេលកើតហេតុ អ្នកបើកបររថយន្តបានចុះរត់គេចខ្លួនបាត់ដោយសុវត្ថិភាព ហើយបន្ទាប់មកកម្លាំងនគរបាលប៉ុស្តិ៍សំរោងក្រោមបានចុះទៅសម្រួលមិនឲ្យមានការកកស្ទះចរាចរណ៍ ។ រួចរាយការណ៍បន្តទៅកាន់នគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះទៅធ្វើការវាស់វែងនិងនាំយករថយន្តនិងម៉ូតូទៅរក្សាទុករង់ចាំការដោះស្រាយ ព្រមទាំងប្រគល់សពជូនក្រុមគ្រួសារនាំយកទៅធ្វើបុណ្យតាមប្រពៃណី៕
ចែករំលែកព័តមាននេះ