កសិករចិញ្ចឹមត្រីស្ពុងច្រើនគ្រួសារ លើកគ្នាតវ៉ា រឿងលួចចាក់ដី ធ្វើឱ្យងា.ប់ត្រីស្ទើរគ្មានសល់
- ព្រះសីហនុ
ខេត្តព្រះសីហនុ ៖ កសិករចិញ្ចឹមត្រីស្ពុងជាច្រើនគ្រួសារដែលមានទីតាំងនៅចំណុចព្រែក៣ ភូមិ១ ក្នុង
ខេត្តព្រះសីហនុ ៖ កសិករចិញ្ចឹមត្រីស្ពុងជាច្រើនគ្រួសារដែលមានទីតាំងនៅចំណុចព្រែក៣ ភូមិ១ ក្នុងឃុំទំនប់រលក ស្រុកស្ទឹងហាវ ខេត្តព្រះសីហនុ កាលពីរសៀលថ្ងៃទី ២៩ ខែកក្កដាឆ្នាំ ២០២២ កន្លងមកនេះ បានមកប្រមូលផ្ដុំគ្នាជួបជុំតវ៉ានៅមុខអាជ្ញាធរស្រុក ដែលបានចុះមកពិនិត្យទីតាំងចាក់ដីមួយកន្លែងនៅចំណុចព្រែក៣ខាងលើដែលក្រុមមិនស្គាល់អត្តសញ្ញាណបានឃុបឃិតគ្នាលួចចាក់ដីធ្វើឲ្យពេលភ្លៀងម្ដងៗទឹកហូរនាំល្បាយភក់ហូរចូលទៅក្នុងព្រែក៣ដែលតភ្ជាប់ទៅក្នុងសមុទ្រជាកន្លែងដែលពួកគាត់ធ្វើបែរចិញ្ចឹមត្រីឆ្ពុង ធ្វើឲ្យប៉ះពាល់ដល់ត្រីដែលពួកគាត់កំពុងចិញ្ចឹមងា.ប់ស្ទើរគ្មានសល់។
លោក អេងឡាយ ជាតំណាងឲ្យប្រជាកសិករប្រកបរបរចិញ្ចឹមត្រីឆ្ពុងនៅទីតាំងខាងលើបានឱ្យដឹងថា រូបលោកក៍ដូចជាប្រជាកសិករជាច្រើនគ្រួសារ ដែលប្រកបរបរចិញ្ចឹមត្រីឆ្ពុងនៅតាមដងព្រែក៣ បើគិតពីរយៈពេលប្រមាណជាង៥ឆ្នាំកន្លងមកហើយ ។ លោកបានបន្តឲ្យដឹងទៀតថា តាំងពីចាប់ផ្តើមចិញ្ចឹមត្រីឆ្ពុងមកដល់ពេលនេះពុំដែលមានបញ្ហាត្រីងា.ប់ទ្រង់ទ្រាយធំបែបនេះនោះទេ ទើបតែមួយរយៈចុងក្រោយនេះ ដោយសារតែជនមិនស្គាល់អត្តសញ្ញាណគេឃុបឃិតគ្នា លួចចាក់ដីរំលោ.ភយកដីចំណីព្រែកនៅផ្នែកខាងលើក្នុងព្រៃកោងកាងពេលភ្លៀងធ្លាក់ម្តងៗ ទឹកហូរចូលព្រែកដែលពួកគាត់ចិញ្ចឹមត្រីឆ្ពុងធ្វើឲ្យត្រីឆ្ពុងដែលកំពុងចិញ្ចឹមក្នុងបែរងា.ប់ពេញក្នុងបែរទាំងអស់។
លោក អេង ឡាយ បានបញ្ជាក់ឲ្យដឹងទៀតថា គ្រួសារលោកមានគ្នាបីនាក់បងប្អូនចិញ្ចឹមត្រី១៥បែរ។ក្នុងមួយបែរៗមាន១៦ប្រឡោះ ហើយក្នុងនោះមួយប្រឡោះៗដាក់កូនត្រីឆ្ពុងចំនួន១៥០០កូនត្រី បើសរុបកូនត្រីដែលកំពុងតែចិញ្ចឹមទាំងអស់មានជាង៣០០០០ កូនត្រីឆ្ពុង។ ប៉ុន្តែឥឡូវនេះបន្ទាប់ពីមានគេលួចចាក់ដីរំលោ.ភយកចំណីព្រែកធ្វើឲ្យទឹកក្នុងព្រែកល្អក់កូនត្រីឆ្ពុងរបស់ពួកគាត់បានងា.ប់ជាច្រើនក្បាល បើតាមការប៉ាន់ប្រមាណអស់ជិត ៥០%ហើយពេលនេះ។
លោក អេង ឡាយ បានបញ្ជាក់បន្ថែមទៀតថាក្រៅពីបងប្អូនលោកទាំង៣នាក់គឺមានប្រជាពលរដ្ឋជាច្រើនគ្រួសារទៀតបានប្រកបរបរចិញ្ចឹមត្រីឆ្ពុងដូចជារូបលោកដែរ ហើយមួយរយៈនេះក៏រងគ្រោះដោយសារទឹកហូរពីកន្លែងចាក់ដីខាងលើនាំកាកសំណល់ដីដែលគេចាក់នោះប៉ះពាល់ដល់ត្រីពួកគាត់ធ្វើឲ្យងា.ប់ជាច្រើនម៉ឺនក្បាលផងដែរ។
ប្រជាកសិកដែលកំពុងប្រកបរបរចិញ្ចឹមត្រីឆ្ពុងនៅទីតាំងខាងលើស្នើសុំឲ្យអាជ្ញាធរមានសមត្ថកិច្ចពាក់ព័ន្ធមានវិធានការចំពោះអ្នកចាក់ដីតាមដងព្រែកខាងលើជាបន្ទាន់ដើម្បីបញ្ជៀសផលប៉ះពាល់បង្ករឲ្យងាប់ត្រីរបស់ពួកគាត់បន្តទៀត។
លោកគីម ចំរើន សង្កាត់រដ្ឋបាលជលផលស្រុកស្ទឹងហាវ និងលោក អ៊ុង ឆាលី អភិបាលរងស្រុកស្ទឹងហាវ ដែលដឹកនាំក្រុមការចំរុះរដ្ឋបាលស្រុកស្ទឹងហាវចុះដល់ទីតាំងដែលជនមិនស្គល់អត្តសញ្ញាណបានលួចចាក់ដីរំលោ.ភយកដីចំណីព្រែកដែលមានព្រៃកោងកាងដុះអមដងព្រែកផងនោះបានបញ្ជាក់ឲ្យដឹងដូចគ្នាថា ៖ សង្កាត់រដ្ឋបាលជលផលនិងរដ្ឋបាលស្រុកស្ទឹងហាវនិងបន្តបើកការស្វែងរកអត្តសញ្ញាណអ្នកដែលបានធ្វើសកម្មភាពចាក់ដីរំលោ.ភយកដីចំណីព្រែក ដើម្បីមានវិធានការទៅតាមផ្លូវច្បាប់និងឲ្យកាយយកដីចេញពីព្រែកវិញបំពេញតាមសំណូមពររបស់ប្រជាកសិករដែលជាម្ចាស់បែរចិញ្ចឹមត្រីក្នុងទីតាំងខាងលើឡើងវិញ ៕
ចែករំលែកព័តមាននេះ