ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា សូរសម្លេងបាញ់គ្នាចំនួន៣គ្រា.ប់ បានបណ្តាលឲ្យមានជនជាតិចិនចំនួន២នាក់បានស្លា.ប់បាត់បង់ជីវិតនៅក្នុងកាស៊ីណូមួយកន្លែង ដែលមានស្លាកយីហោ «តុងហ្វាង ប៉ាលីរិន» ហេតុការណ៍នេះបង្កឱ្យមានការភ្ញាក់ផ្អើលកាលម៉ោង១១និង២០នាទីយប់ ថ្ងៃទី៣០ ខែកក្កដា ឆ្នាំ២០២២។
ជុំវិញហេតុការណ៍នេះផងដែរ បើយោងតាមប្រភពព័ត៌មានបឋមពីសមត្ថកិច្ចនៅទីតាំងកើតហេតុបានឱ្យដឹងថា ទីតាំងកើតហេតុខាងលើនេះ ស្ថិតនៅជិតមហោស្រពចាស់ ក្នុងសង្កាត់លេខ២ ក្រុងព្រះសីហនុ ។
សមត្ថកិច្ចបន្តថា ក្រោយពីកើតហេតុភ្លាមៗ គេបានឃើញសមត្ថកិច្ចចម្រុះបានចុះទៅដល់ទីតាំងកើតហេតុ និងបានកំពុងតែបើកការស្រាវជ្រាវ ដើម្បីស្វែងរកមូលហេតុនៃការផ្ទុះអាវុធ និងវែករកមុខខ្មាន់កាំភ្លើ.ងផងដែរ ដើម្បីយកមកដាក់ទោសទៅតាមនីតិវិធីច្បាប់ផងដែរ។
ហើយទាក់ទិនទៅនឹងករណីខាងលើនេះផងដែរ លោកវរសេនីយ៍ឯក តី វិសាល អធិការក្រុងព្រះសីហនុ បានគូសបញ្ជាក់ផងដែរថា ករណីផ្ទុះអាវុធនេះ បានបង្កឱ្យជនជាតិចិនចំនួន២នាក់បានបាត់បង់ជីវិតនៅនឹងកន្លែងកើតហេតុ និងពុំមានអ្នករងរបួសនោះទេ បច្ចុប្បន្នសមត្ថកិច្ចកំពុងតែបើកការស្រាវជ្រាវ និងស៊ើបអង្កេត ដើម្បីតាមចាប់ខ្លួនជនបង្កហើយ។
ដោយឡែកបើយោងតាមប្រភពពីសាក្សីនៅកន្លែងកើតហេតុបានឱ្យដឹងថា នៅវេលាម៉ោងកើតហេតុខាងលើ មានករណីផ្ទុះអាវុធមួយកើតឡើងបង្កដោយជនមិនស្គាល់អត្តសញ្ញាណ បានធ្វើសកម្មភាពប្រើប្រាស់អាវុធ (កាំភ្លើ.ង) បាញ់ទៅលើជនជាតិចិនចំនួន០៣នាក់ បណ្តាលឱ្យជនជាតិចិនចំនួន០២នាក់បានស្លា.ប់ និងជនជាតិចិនម្នាក់ទៀតត្រូវរបួស ។
ប្រភពដដែលបានបញ្ជាក់ថា បើយោងតាមនិយាយតៗគ្នាពីបុគ្គលិកក្នុងកាស៊ីណូដែលបានឃើញហេតុការណ៍ក៏បាននិយាយដែរថា ករណីនេះកើតឡើងដោយសារជម្លោះរឿងជំពាក់លុយរវាងជនរងគ្រោះ ជាមួយនឹងជនបង្ក រហូតឈានដល់ការបាញ់បោះនេះតែម្តង។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ