មិនទាន់ស្ងប់! ស្រីស្អាត ជេស៊ីកា ត្រៀមផ្លូវច្បាប់សម្រាប់តតាំងក្តីជាមួយ ព្រំ រដ្ឋា ហើយ
- ភ្នំពេញ
រហូតមកទល់នាពេលនេះ រលកកំដៅពាក់ព័ន្ធពាក់រឿងបំណុលរវាងនាង ជេស៊ីកា និងអ្នកនាង ព្រំ រដ្ឋា នៅមិនទាន់ស្ងប់នៅឡើយទេ ខណៈពេល
រាជធានីភ្នំពេញ ៖ រហូតមកទល់នាពេលនេះ រលកកំដៅពាក់ព័ន្ធពាក់រឿងបំណុលរវាងនាង ជេស៊ីកា និងអ្នកនាង ព្រំ រដ្ឋា នៅមិនទាន់ស្ងប់នៅឡើយទេ ខណៈពេលនាង ជេស៊ីកា បានត្រៀមផ្លូវច្បាប់សម្រាប់តតាំងក្តីជាមួយនឹងអ្នកនាង ព្រំ រដ្ឋា រួចហើយ។
ការត្រៀមមេធាវី និងពាក្យបណ្តឹងរបស់នាង ជេ ស៊ីកា នាពេលនេះ បានធ្វើឡើង បន្ទាប់ពីអ្នកនាង ព្រំ រដ្ឋា បានព្រមា.នចាត់វិធានការលើច្បាប់ចំពោះ ជេស៊ីកា ក្រោយពេលដែលនាងបានបង្ហោះសារជាសាធារណៈពាក់ព័ន្ធការជំពាក់លុយ។
តារាសម្តែងនាង ជេស៊ីកា បានអះអាងប្រាប់កោះសន្តិភាពតាមសារអេឡិចត្រូនិចនៅថ្ងៃទី៣០ ខែកក្កដា ឆ្នាំ២០២២ថា បន្ទាប់ពីបានបង្ហោះសារអោយអ្នកនាង ព្រំ រដ្ឋា ចេញមុខដោះស្រាយបំណុលដែលជំពាក់ខ្លួននោះមក រហូតមកដល់ពេលនេះ នាងនៅមិនទាន់ឃើញអ្នកនាង ព្រំ រដ្ឋា ចេញមុខដោះស្រាយនៅឡើយទេ។ នាងខ្ញុំបានទុកពេលអោយគាត់ ប៉ុន្តែគាត់នៅតែមិនចេញមុខដោះស្រាយឡើយ ហេតុនេះវិធានការចុងក្រោយ គឺនាងនឹងធ្វើទៅតាមផ្លូវច្បាប់។
នាងបញ្ជាក់ថា នាងបានត្រៀមមេធាវី និងពាក្យបណ្តឹងរួចហើយលើរឿងនេះ ហើយនាងនឹងចាត់ចែងការប្តឹងនេះ បន្ទាប់ពីនាងរួចរាល់ការងារផ្ទាល់ខ្លួនរួច។ ជេស៊ីកា បន្ថែមថា អ្នកនាង ព្រំ រដ្ឋា បានមកខ្ចីលុយនាង ហើយមិនសង និងថែមទាំងចង់ប្តឹងនាងថែមទៀត ហេតុនេះនាងមានតែត្រៀមផ្លូវច្បាប់សម្រាប់តតាំងទៅវិញប៉ុណ្ណោះ។
នាងថា គាត់អត់លុយសងយើង ប៉ុន្តែមានលុយប្តឹងយើង អានឹងគេហៅថាម៉េច ប៉ុន្តែយើងមានលុយអោយគាត់ខ្ចី អញ្ចឹងយើងក៏មានលុយសម្រាប់តតាំងក្តីជាមួយគាត់វិញដែរ។ បើតាម ជេស៊ីកា ថា ករណីខាងលើនេះ នាងនឹងប្តឹងអ្នកនាង ព្រំ រដ្ឋា ដោយទាមទារលុយដើមរបស់នាងមកវិញ បូករួមជាមួយលុយសងជំងឺចិត្តផងដែរ។
ជេស៊ីកា លើកឡើងបន្ថែមថា ប្រសិនបើមានការប្តឹងផ្តល់គ្នាតាមផ្លូវច្បាប់មែននោះ នាងមិនទាន់សន្មត់ទេថា នាងនឹងឈ្នះរឿងនេះ ប៉ុន្តែនាងនឹងធ្វើរឿងនេះ ដើម្បីអោយមហាជនបានដឹង។
ជាការកត់សម្គាល់តារាសម្តែងនាង ជេស៊ីកា បានបង្ហោះសារទម្លាយរឿងរ៉ាវពីការជំពាក់លុយមិនទាន់សងប្រមាណជា៥ពាន់ដុល្លារពីចាងហ្វាងផលិតកម្ម PR គឺអ្នកនាង ព្រំ រដ្ឋា ។ ការប្រកាសនេះបានធ្វើអោយមានការភ្ញាក់ផ្អើលយ៉ាងខ្លាំងពីសំណាក់មហាជន ជាពិសេសបណ្តាអ្នកលេងហ្វេសប៊ុក ខណៈពេលរឿងរ៉ាវខាងលើនេះ ក៏បានរាលដាលធ្លាយដល់រឿងអ្នកនាង ព្រំ រដ្ឋា ក៏បានធ្លាប់ជំពាក់លុយតារាមួយចំនួនទៀតផងដែរ។
យ៉ាងណា ពាក់ព័ន្ធរឿងខាងលើនេះ អ្នកនាង ព្រំ រដ្ឋា មិនបានធ្វើការបកស្រាយលម្អិតណាមួយឡើយ ក្រៅពីព្រមា.នចាត់វិធានការផ្លូវច្បាប់វិញ ចំពោះនាង ជេស៊ីកា ដោយចោទប្រកាន់ពីបទបរិហារកេរ្តិ៍។
គួររំលឹកថា ៖ បែកធ្លាយ តារាសម្ដែងជើងចាស់ អ្នកនាង ព្រំ រដ្ឋា ត្រូវបាននារីម្នាក់ចោទប្រកាន់ រឿងជំពាក់បំណុល។ គួររំលឹកទៀតថា ៖ កាន់តែក្តៅគគុក! ស្រីស្រស់ ជេស៊ីកា ទម្លាយសារសម្លេង អ្នកនាងព្រំ រដ្ឋា សុំចង.ការប្រាក់៥០០០ដុល្លារត្រឹមតែ២អាទិត្យ ៕
ចែករំលែកព័តមាននេះ