ក្រសួងការបរទេសបារាំង កាលពីថ្ងៃសុក្រ ទី ២៩ កក្កដា បានកោះហៅឯកអគ្គរដ្ឋទូតមីយ៉ានម៉ាប្រចាំទីក្រុងប៉ារីស ដើម្បីតវ៉ាប្រឆាំងនឹងការប្រហារជីវិតលើអ្នកទោសនយោបាយចំនួន ៤រូបពីសំណាក់របបយោធាមីយ៉ានម៉ា។ នេះបើយោងតាមប្រភពការទូតថ្លែងប្រាប់ទីភ្នាក់ងារសារព័ត៌មាន AFP។…
ក្រសួងការបរទេសបារាំង កាលពីថ្ងៃសុក្រ ទី ២៩ កក្កដា បានកោះហៅឯកអគ្គរដ្ឋទូតមីយ៉ានម៉ាប្រចាំទីក្រុងប៉ារីស ដើម្បីតវ៉ាប្រឆាំងនឹងការប្រហារជីវិតលើអ្នកទោសនយោបាយចំនួន ៤រូបពីសំណាក់របបយោធាមីយ៉ានម៉ា។ នេះបើយោងតាមប្រភពការទូតថ្លែងប្រាប់ទីភ្នាក់ងារសារព័ត៌មាន AFP។
ប្រភពនិយាយថា «ឯកអគ្គរដ្ឋទូតមីយ៉ាន់ម៉ាក៏ត្រូវបានរម្លឹកផងដែរអំពីការអំពាវនាវរបស់យើង ឲ្យបញ្ចប់ជាបន្ទាន់ចំពោះការប្រព្រឹត្តិអំពើហិង្សាដោយរបបយោធាមីយ៉ាន់ម៉ា ការដោះលែងអ្នកទាំងអស់ដែលត្រូវបានឃុំខ្លួនដោយបំពានចាប់តាំងពីរដ្ឋប្រហារក្នុងខែកុម្ភៈឆ្នាំ ២០២១ និងការបង្កើតដំណើរការសន្ទនាគ្នាដែលមានការចូលរួមពីភាគីពាក់ព័ន្ធទាំងអស់»។
មីយ៉ានម៉ាបានប្រកាសកាលពីថ្ងៃចន្ទដើមសប្តាហ៍នេះថា ខ្លួនបានប្រហារជីវិតមនុស្ស ៤រូប ។ វាគឺជាការប្រ.ហារជីវិតលើកដំបូងបង្អស់នៅក្នុងរយៈពេលប៉ុន្មានទសវត្សរ៍ចុងក្រោយ និងបានបង្កើនការព្រួយបារម្ភថាការប្រហារជីវិតនឹងកើតឡើងបន្ថែមទៀត បណ្តាលឲ្យមានការអំពាវនាវឲ្យមានវិធានការអន្តរជាតិប្រឆាំងនឹងរបបយោធាដ៏ឯកោនោះ។
ក្នុងចំណោមអ្នកត្រូវបានប្រហារជីវិត ៤នាក់មាន លោក Phyo Zeya Thaw អតីតសមាជិកសភារបស់គណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី និងសកម្មជនប្រជាធិបតេយ្យជើងចាស់លោក Kyaw Min Yu។អ្នកទាំងពីរត្រូវបានកាត់ទោប្រហារជីវិតក្រោមច្បាប់ប្រឆាំងអំពោះភេរវកម្ម។
ជុំវិញការថ្កោលទោសរបស់អន្តរជាតិ របបយោធាមីយ៉ានម៉ាបានឆ្លើយតបវិញថា អ្នកទោសទាំង ៤នាក់នោះសមនឹងទទួលទោសប្រ.ហារជីវិតច្រើនដង ៕ (យោងតាមប្រភព៖ AFP)
ចែករំលែកព័តមាននេះ