ជំងឺភ្លេចភ្លាំងគឺជាមូលហេតុទូទៅបំផុតនៃជំងឺវង្វេងវង្វាន់ វាជាមូលហេតុ60ទៅ70 ភាគរយនៃករណីជំងឺវង្វេងវង្វាន់ ។ ប្រសិនបើអ្នកប្រឈមនឹងហានិភ័យខ្ពស់នៃការកើតជំងឺភ្លេចភ្លាំង ការជ្រើសរើសរបបអាហារសំខាន់មួយចំនួន
ជំងឺភ្លេចភ្លាំងគឺជាមូលហេតុទូទៅបំផុតនៃជំងឺវង្វេងវង្វាន់ វាជាមូលហេតុ60ទៅ70 ភាគរយនៃករណីជំងឺវង្វេងវង្វាន់ ។ ប្រសិនបើអ្នកប្រឈមនឹងហានិភ័យខ្ពស់នៃការកើតជំងឺភ្លេចភ្លាំង ការជ្រើសរើសរបបអាហារសំខាន់មួយចំនួនអាចជួយអ្នកបានយ៉ាងច្រើន ។ អាហារជាច្រើនដែលអាចធ្វើឱ្យសុខភាពនៃការយល់ដឹងប្រសើរឡើង និងកាត់បន្ថយហានិភ័យនៃការវិវឌ្ឍជំងឺ ។ ទាំងនេះជាអាហារពិសេសទាំង4ដើម្បីបន្ថយហានិភ័យនៃជំងឺភ្លេចភ្លាំង ៖
១-ប្រេងអូលីវ ៖ ប្រេងអូលីវមានសមាសភាគ phenolic ដែលគេហៅថា oleocan thal ដែលជួយជំរុញការផលិតប្រូតេអីុន និងអង់ស៊ីមដែលសំខាន់មួយចំនួនជួយកម្ចាត់បន្ទះប្រូតេអីុន amyloid ។ វាជាយន្តការការពារណឺរ៉ូនដ៏មានសក្តានុពលប្រឆាំងនឹងជំងឺភ្លេចភ្លាំង ។ ចូរប្រើប្រេងអូលីវនៅក្នុងការចម្អិនអាហារ និងជាធាតុផ្សំនៅក្នុងទឹកជ្រលក់ និងទឹកស្រោចសាឡាដដើម្បីជំរុញការចងចាំ និងសុខភាពខួរក្បាលរបស់អ្នក។
២-តែបៃតង ៖ នៅពេលនិយាយដល់អាហារសម្បូរសារធាតុប្រឆាំងអុកស៊ីតកម្មដើម្បីជួយពង្រឹងសុខភាពខួរក្បាល តែបៃតងពិតជាមានសារៈសំខាន់ខ្លាំងណាស់ ។ សារធាតុប្រឆាំងអុកស៊ីតកម្មពីធម្មជាតិដែលមានក្នុងតែបៃតងជួយពង្រឹងសុខភាពសរសៃឈាមក្នុងខួរក្បាល ដូច្នេះវាអាចដំណើរការបានត្រឹមត្រូវ។ ស្របគ្នានេះផងដែរ ការទទួលទានតែបៃតងអាចបញ្ឈប់ការរីកលូតលាស់បន្ទះប្រូតេអីុននៅក្នុងខួរក្បាលដែលមានទំនាក់ទំនងទៅនឹងជំងឺភ្លេចភ្លាំង និងជំងឺញ័រដៃញ័រជើងដែលជាជំងឺទូទៅទាំងពីរទាក់ទងនឹងការថយចុះណឺរ៉ូន ។
៣-ត្រីសាម៉ុង ៖ ត្រីរស់ក្នុងទឹកត្រជាក់ដូចជាត្រីសាម៉ុងអាចរក្សាសុខភាពខួរក្បាលរបស់អ្នកឲ្យមានវ័យក្មេង និងមានសារៈសំខាន់ផងដែរក្នុងការកាត់បន្ថយហានិភ័យនៃបញ្ហាខួរក្បាលដែលទាក់ទងនឹងអាយុ ។ អាស៊ីតខ្លាញ់អូមេហ្គា3ដែលមានក្នុងត្រីសាម៉ុងដើរតួនាទីយ៉ាងសំខាន់ក្នុងការការពារប្រឆាំងនឹងជំងឺភ្លេចភ្លាំង និងទម្រង់ដទៃទៀតនៃជំងឺវង្វេងវង្វាន់ ។
៤-រមៀត ៖ រមៀតមានផ្ទុកសារជាតិមួយឈ្មោះថាសារជាតិ Curcumin ដែលមានលក្ខណសម្បត្តិប្រឆាំងអុកស៊ីតកម្ម និងប្រឆាំងនឹងការរលាកដែលមានប្រយោជន៍ដល់សុខភាពខួរក្បាល ។ លក្ខណសម្បត្ដិប្រឆាំងនឹងការរលាករបស់រមៀតអាចទប់ស្កាត់ការរលាកខួរក្បាល ដែលត្រូវបានគេសង្ស័យថាជាមូលហេតុចម្បងនៃជំងឺខួរក្បាលដូចជាជំងឺភ្លេចភ្លាំង ។
លើសពីនេះទៅទៀត អនុភាពប្រឆាំងអុក ស៊ីតកម្មរបស់រមៀតគាំទ្រដល់សុខភាពខួរក្បាលជារួម ដោយទប់ស្កាត់មិនឲ្យមានការកើតជាបន្ទះប្រូតេអីុននៅក្នុងខួរក្បាល និងធ្វើឱ្យប្រសើរឡើងលំហូរនៃអុកស៊ីសែន ។ ជាលទ្ធផល វាការពារ ឬបន្ថយការវិវឌ្ឍនៃជំងឺភ្លេចភ្លាំងនេះ៕
ចែករំលែកព័តមាននេះ