អេក្រង់យក្សធ្លា.ក់សង្ក.ត់អ្នកសម្តែងក្នុងព្រឹត្តិការណ៍ប្រគុំតន្ត្រីដ៏ធំមួយ (វីដេអូ)
ហុងកុង ៖ អេក្រង់ LED ដ៏ធំសម្បើមមួយបានធ្លា.ក់សង្ក.ត់លើអ្នករាំ២នាក់បណ្តាលឱ្យរងរបួសនៅ
ហុងកុង ៖ អេក្រង់ LED ដ៏ធំសម្បើមមួយបានធ្លា.ក់សង្ក.ត់លើអ្នករាំ២នាក់បណ្តាលឱ្យរងរបួសនៅចំពោះមុខអ្នកទស្សនាយ៉ាងរន្ធ.ត់បំផុត។ ដោយឧប្បត្តិហេតុនេះ បានកើតឡើងនៅឯការប្រគុំតន្ត្រីរបស់ក្រុមតន្ត្រីយុវជនមានឈ្មោះថា «Mirror» ដែលប្រព្រឹត្តទៅនៅទីក្រុងហុងកុង កាលពីថ្ងៃទី២៨ ខែកក្កដា ឆ្នាំ២០២២។
ខ្សែអាត់វីដេអូដ៏រន្ធ.ត់នេះ ត្រូវបានចែកចាយពាសពេញប្រព័ន្ធអ៊ីនធឺណិត។ ខណៈដែលការប្រគុំតន្ត្រីត្រូវបានផ្អាកភ្លាមៗ ហើយអ្នកគ្រប់គ្រងបានស្នើសុំអ្នកទស្សនាទាំងអស់ចាកចេញពីការប្រគុំតន្ត្រីដោយស្ងប់ស្ងាត់។
ប៉ូលិសហុងកុងបានបញ្ជាក់ប្រាប់សារព័ត៌មានក្នុងស្រុកថា អ្នករាំប្រុស២នាក់ ត្រូវបានបញ្ជូនទៅមន្ទីរពេទ្យភ្លាមៗ។ ដោយឡែក បើយោងតាមប្រភពពី South China Morning Post បានរាយការណ៍ថា អ្នកតំណាងមន្ទីរពេទ្យបាននិយាយថា អ្នករាំម្នាក់របួសកធ្ងន់ធ្ងរស្ថិតក្នុងការថែទាំយ៉ាងយកចិត្តទុកដាក់។ ហើយម្នាក់ទៀត ស្ថិតក្នុងស្ថានភាពល្អប្រសើរឡើងវិញ។ អ្នករងរបួសមិនត្រូវបានបញ្ចេញឈ្មោះទេ។ ខណៈដែលអ្នកចូលរួមការប្រគុំតន្ត្រីស្ត្រីជាច្រើននាក់ ក៏ត្រូវបានបញ្ជូនមកមន្ទីរពេទ្យផងដែរ ជាមួយស្ថានភាពតក់ស្លុតខ្លាំង។
សូមជម្រាបថា Mirror គឺជាក្រុមតន្ត្រីប៉ុបដ៏មានប្រជាប្រិយភាពរបស់ហុងកុង។ បច្ចុប្បន្នក្រុមនេះ កំពុងស្ថិតក្នុងកម្មវិធីប្រគុំតន្ត្រីទេសចរណ៍ក្នុងស្រុករបស់ខ្លួន។ ប៉ុន្តែក្រោយឧប្បត្តិហេតុនេះ អាជ្ញាធរបានបញ្ជាឱ្យផ្អាកដំណើរទេសចរណ៍តន្ត្រីដែលនៅសេសសល់ រហូតដល់ការត្រួតពិនិត្យសុវត្ថិភាពត្រូវបានអនុវត្តនៅកន្លែងផ្សេងទៀត។
លោក John Lee អភិបាលក្រុងថ្មី បាននិយាយថា «ខ្ញុំមានការភ្ញាក់ផ្អើលចំពោះឧប្បត្តិហេតុនេះ។ វាពិតជាសោកស្តាយសម្រាប់រឿងដែលកើតឡើងចំពោះអ្នករងរបួស ហើយសង្ឃឹមថាពួកគេនឹងជាសះស្បើយឆាប់ៗ»។ ជាមួយគ្នានោះ លោកក៏បានបញ្ជាឱ្យភ្នាក់ងារក្រុងស៊ើបអង្កេតឱ្យបានទូលំទូលាយអំពីឧប្បត្តិហេតុនេះ៕
ចែករំលែកព័តមាននេះ