អភិបាលខេត្តក្រចេះទទួលអនុរដ្ឋមន្ត្រីក្រសួងការបរទេសនៃសាធារណរដ្ឋសង្គមនិយមវៀតណាម
- ក្រចេះ
ខេត្តក្រចេះ ៖ កាលពីល្ងាចថ្ងៃទី២៨ កក្កដា ឆ្នាំ២០២២ លោក វ៉ា ថន អភិបាលខេត្តក្រចេះ បានទទួលជួបសម្តែងការគួរសម…
ខេត្តក្រចេះ ៖ កាលពីល្ងាចថ្ងៃទី២៨ កក្កដា ឆ្នាំ២០២២ លោក វ៉ា ថន អភិបាលខេត្តក្រចេះ បានទទួលជួបសម្តែងការគួរសម…
ខេត្តក្រចេះ ៖ កាលពីល្ងាចថ្ងៃទី២៨ កក្កដា ឆ្នាំ២០២២ លោក វ៉ា ថន អភិបាលខេត្តក្រចេះ បានទទួលជួបសម្តែងការគួរសម ជាមួយអនុរដ្ឋមន្ត្រីក្រសួងការបរទេស នៃសាធារណរដ្ឋសង្គមនិយមវៀតណាម លោកផាម ហ្វាងហៀប ដើម្បីពង្រឹងចំណងមិត្តភាព និងកិច្ចសហប្រតិបត្តិការទ្វេភាគីរវាងខេត្តជាប់ព្រំដែននៃប្រទេសទាំងពីរ ។
ថ្លែងក្នុងកិច្ចស្វាគមន៍ ចំពោះលោកផាម ហ្វាងហៀប អនុរដ្ឋមន្ត្រីក្រសួងការបរទេសនៃសាធារណរដ្ឋសង្គមនិយមវៀតណាមលោក វ៉ា ថន អភិបាលខេត្ត បានមានប្រសាសន៍សង្ខេបអំពីលក្ខណៈភូមិសាស្ត្រ ប្រជាសាស្ត្រការអភិវឌ្ឍន៍ និងកិច្ចសហប្រតិបត្តិការទ្វេភាគី រវាងខេត្តក្រចេះ និងសាធារណរដ្ឋសង្គមនិយមវៀតណាម ដោយក្នុងនោះខេត្តក្រចេះមានច្រកទ្វារព្រំដែនចំនួន០៣ គឺច្រកទ្វារព្រំដែនទ្វេភាគី(ជ័យឃ្លាំង-ទិនទៀង)ច្រកទ្វារព្រំដែនទ្វេភាគី (អូរលាវ-ជ្រាវ) និងច្រកទ្វារព្រំដែនអន្តរជាតិ(ត្រពាំងស្រែ-វ៉ាលឺ) ។
ខេត្តក្រចេះមានក្រុមហ៊ុនវៀតណាមដលមកវិនិយោគដីសម្បទានសេដ្ឋកិច្ចលើដំណាំកសិ-ឧស្សាហកម្មចំនួន ១៦ក្រុមហ៊ុន ក្នុងនោះបុគ្គលិកវៀតណាម ចំនួន ៥៣៣នាក់ បុគ្គលិកជាជនជាតិខ្មែរចំនួន ៤៤០នាក់ និងកម្មករខ្មែរ ៣៧១៩នាក់ ។ ទន្ទឹមនេះ ក្នុងវិស័យរ៉ែមានក្រុមហ៊ុនវៀតណាមវិនិយោគលើវិស័យថ្មអាក្រានីតចំនួន ០១ក្រុមហ៊ុនផងដែរ ។
ដោយផ្អែកលើចំណងមិត្តភាព សាមគ្គីភាព កិច្ចសហប្រតិបត្តិការ រវាងប្រទេសទាំងពីរ នៃព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាមកាន់តែត្រូវបានពង្រឹង និងមានភាពល្អប្រសើរ ខេត្តក្រចេះ ខេត្តប៊ិញយឿង និងខេត្តប៊ិញភឿក សម្រេចបានលទ្ធផលគួរឲ្យកត់សម្គាល់ ក្នុងនោះបានបង្កលក្ខណៈងាយស្រួលដល់ប្រជាពលរដ្ឋនៅតាមតំបន់ព្រំដែន អាជីវករ ពាណិជ្ជករ បណ្ដាវិនិយោគិនឆ្លងកាត់ ក្នុងការទិញ លក់ដូរទំនិញ និងការសម្របសម្រួលសួរសុខទុក្ខញាតិមិត្ត និងចេញចូលព្យាបាលជម្ងឺ និងការងាររុករកគាស់លើកអដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតកាលសម័យសង្គ្រាមក្នុងភូមិសាស្ត្រខេត្តក្រចេះ ។
អនុរដ្ឋមន្ត្រីក្រសួងការបរទេស នៃសាធារណរដ្ឋសង្គមនិយមវៀតណាម លោក ផាម ហ្វាងហៀប បានលើកឡើងដែរថា ខេត្តក្រចេះ គឺជាទឹកដីជាប់ព្រំដែនរវាងប្រទេសទាំងពីរ និងជាទឹកដីអំណោយផលលើផ្នែកកសិកម្ម ឃើញថាប្រជាពលរដ្ឋបានបង្ករបង្កើនផលបានច្រើនពេញផ្ទៃដី និងបានផលល្អមានការនាំចេញទៅក្រៅ ហើយខេត្តក្រចេះបានសម្រេចបញ្ចប់ការឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី ៥ កន្លងមក ប្រកបដោយសុវត្ថិភាព តម្លាភាព ជោគជ័យ ហើយអ្វីគួរឲ្យកត់សម្គាល់នោះ គឺខេត្តក្រចេះបានគ្រប់គ្រងស្ថានភាពជំងឺកូវីដ ១៩ដោយប្រើប្រាស់យុទ្ធសាស្ត្រស្រោចវ៉ាក់សាំងជម្ងឺកូវីដ ១៩បានជោគជ័យ និងមានប្រសិទ្ធភាពដោយការចូលរួមរបស់ប្រជាពលរដ្ឋ ។ ហើយខេត្តនិងប្រទេសទាំង២ គឺជាចំណងមិត្តភាព និងជាបង្គោលគ្រឹះដ៏រឹងមាំក្នុងការកសាងនិងអភិវឌ្ឍន៍វិស័យសេដ្ឋកិច្ច រវាងព្រំដែនខេត្តទាំង២ឲ្យបន្តឆ្ពោះទៅរកភាពជោគជ័យ ទាំងបច្ចុប្បន្ននិងថ្ងៃអនាគត ។
គណៈប្រតិភូខេត្តទាំង២បានធ្វើឯកភាពព្រមព្រៀងគ្នាទៅលើសុំស្នើររវាងភាគីទាំង២ ដើម្បីបន្តជម្រុញសាមគ្គីភាពលើកិច្ចសហប្រតិបត្តការណ៍ច្រកព្រំដែនទាំង២ ដើម្បីបង្ករលក្ខណ:ងាយស្រួលដល់ក្រុមហ៊ុនវិនិយោគ និងប្រជាពលរដ្ឋដែលជាកម្មករ ពលករប្រទេសទាំង២ ទទួលបានការងារធ្វើ សំដៅលើកស្ទួយជីវភាពប្រជាពលរដ្ឋនៅតាមបន្ទាត់ព្រំដែន ៕
ចែករំលែកព័តមាននេះ