ព្រឹត្តិការណ៍ដ៏ធំដំបូងគេក្នុងឆ្នាំនេះ គឺកើតឡើងនៅថ្ងៃទី២៣ មិថុនា ជាពេលដែលប្រជាជនក្នុងចក្រភពអង់គ្លេសបោះឆ្នោតចាកចេញពីសហភាពអឺរ៉ុប ។
ការធ្វើប្រជាមតិ Brexit នេះបានប៉ះពាល់ភ្លាមៗ
ព្រឹត្តិការណ៍ដ៏ធំដំបូងគេក្នុងឆ្នាំនេះ គឺកើតឡើងនៅថ្ងៃទី២៣ មិថុនា ជាពេលដែលប្រជាជនក្នុងចក្រភពអង់គ្លេសបោះឆ្នោតចាកចេញពីសហភាពអឺរ៉ុប ។
ការធ្វើប្រជាមតិ Brexit នេះបានប៉ះពាល់ភ្លាមៗដល់ទីផ្សារពិភពលោក ដែលធ្វើឲ្យភាគហ៊ុនធ្លាក់ចុះយ៉ាងខ្លាំង ។ វាក៏បានងើបឡើងវិញក្នុងរយៈពេលខ្លីផងដែរ ប៉ុន្តែរូបិយវត្ថុរបស់អង់គ្លេសនៅតែមិនអាចងើបរួច ។
តម្លៃប្រាក់ផោនបានធ្លាក់ចុះយ៉ាងខ្លាំងមកដល់កម្រិតទាបជាងគេក្នុងរយៈពេល៣០ឆ្នាំមកនេះ ។ បច្ចុប្បន្ន វាបានថេរ ប៉ុន្តែវាបានបាត់បង់១៨%នៃតម្លៃដើម និងធ្វើឲ្យមានការកើនឡើងនៃផលិតផលប្រចាំថ្ងៃ ។ លើសពីនេះ អតិផរណាក្នុងឆ្នាំក្រោយក៏នឹងកើនឡើងផងដែរ ។
ប៉ុន្តែអ្វីដែលទទួលការប៉ះពាល់ខ្លាំងជាងនេះទៀតនោះ គឺភាពមិនប្រាកដប្រជារបស់សេដ្ឋកិច្ចអង់គ្លេសជួបប្រទះជាមួយដៃគូពាណិជ្ជកម្មធំជាងគេរបស់ខ្លួន និងការគំរាមកំហែងថា ក្រុមហ៊ុនអាចនឹងផ្លាស់ប្តូរទៅដំណើរការក្នុងប្រទេសផ្សេងវិញ ។
គួរបញ្ជាក់ថា ចក្រភពអង់គ្លេសធ្លាប់ជាប្រទេសដែលទទួលបានការលូតលាស់លឿនជាងគេក្នុងចំណោមប្រទេសអភិវឌ្ឍន៍ទាំង៧ (G7) ។ ប៉ុន្តែសេដ្ឋកិច្ចអាចនឹងជួបប្រទះភាពអន់ថយវិញក្នុងឆ្នាំ២០១៧ ។
តើនឹងមានរឿងអ្វីកើតឡើង ប្រសិនបើប្រទេសមួយដែលពឹងផ្អែកលើការប្រើ-ប្រាស់ក្រដាសប្រាក់ប្រកាសថា បញ្ឈប់ការចាយវាយប្រដាសប្រាក់មួយចំនួនធំរបស់ខ្លួន ?
ប្រទេសឥណ្ឌា ត្រូវបានបង្ខំឲ្យឆ្លើយនឹងសំណួរខាងលើកាលពីថ្ងៃទី៨ វិច្ឆិកា នៅពេលដែលលោកនាយករដ្ឋមន្ត្រី Narendra Modi ប្រកាសថា ក្រដាសប្រាក់៥០០ និង១០០០រូពី នឹងមិនអាចចាយបានទៀតទេ ។ ក្រដាសប្រាក់ទាំងនោះនឹងត្រូវបានជំនួសដោយក្រដាសប្រាក់៥០០ និង២០០០ថ្មី ។
ការសម្រេចចិត្តនេះបានបង្កឲ្យមានភាពចលាចលដល់មនុស្សរាប់លាននាក់ក្នុងការទៅដូរយកប្រាក់ថ្មី ។ អាជីវកម្មក៏ត្រូវបានប៉ះពាល់ពីព្រឹត្តិការណ៍នេះផងដែរ ហើយជាលទ្ធផល សេដ្ឋកិច្ចដែលលូតលាស់យ៉ាងលឿនរបស់ឥណ្ឌាបានជួបប្រទះនឹងភាពអន់ថយ ។
អត្រាលូតលាស់ប្រមាណ៧,៣% នៃសេដ្ឋកិច្ចឥណ្ឌា បានធ្វើឲ្យសេដ្ឋកិច្ចធំៗទាំងអស់ច្រណែនចង់បាន ។ ប៉ុន្តែពេលនេះ គេគិតថា វានឹងធ្លាក់ចុះយ៉ាងខ្លាំងទៅវិញ ។
កាលពីថ្ងៃទី៤ ធ្នូ ជនជាតិអុីតាលីបានបោះឆ្នោតប្រឆាំងនឹងការធ្វើកំណែទម្រង់ ដែលស្នើដោយលោកនាយករដ្ឋមន្ត្រី Matteo Renzi ។ ការធ្វើកំណែទម្រង់នោះមានគោលដៅបញ្ចប់ភាពគាំងស្ទះនយោបាយ និងធ្វើឲ្យសេដ្ឋកិច្ចអុីតាលីងើបឡើងវិញ ។
លោក Renzi ក៏បានចុះចេញពីតំណែងក្នុងថ្ងៃបន្ទាប់ ។ ភាពមិនប្រាកដប្រជាផ្នែកនយោបាយ និងសេដ្ឋកិច្ចនេះបានធ្វើឲ្យវិនិយោគិនបដិសេធក្នុងការផ្តល់ប្រាក់៥ប៊ីលានដុល្លារដល់ធនាគារចាស់ជាងគេរបស់ពិភពលោក គឺ Monte dei Pashi di Siena ដែលកំពុងជួបវិបត្តិ ។
រដ្ឋាភិបាលអីុតាលី ត្រូវបានបង្ខំឲ្យដកប្រាក់ចេញពីមូលនិធិជួយសង្គ្រោះរបស់ខ្លួន ដែលធ្វើឲ្យប្រទេសនេះកាន់តែធ្លាក់ក្នុងបំណុលខ្លាំងឡើង ៕
ចែករំលែកព័តមាននេះ