ប្រទេសវៀតណាម ៖ ការនាំចេញកាហ្វេរបស់វៀតណាមបានកើនឡើងវិញ និងមានកំណើនពីរខ្ទង់នៅឆ្នាំ២០១៦ បន្ទាប់ពីប្រទេសនេះជួបប្រទះនឹងគ្រោះរាំងស្ងួតធ្ងន់ធ្ងរបំផុត។
ការនាំចេញកាហ្វេបានកើនឡើងកាលពីឆ្នាំមុន៣៣,៦ភាគរយ ដែលបានកើនឡើងជិត ១,៨លានតោន ។
ក្រសួងកសិកម្ម និងអភិវឌ្ឍន៍ជនបទ បានឱ្យដឹងថា ឧស្សាហកម្មកាហ្វេរបស់វៀតណាមទទួលបានសន្ទុះ បន្ទាប់ពីការនាំចេញធ្លាក់ចុះជាង២០ភាគរយកាលពីឆ្នាំ២០១៥។
ប្រទេសអាល្លឺម៉ង់ និងសហរដ្ឋអាមេរិកនៅតែជាអ្នកទិញធំបំផុតនៃគ្រាប់កាហ្វេវៀតណាម ហើយឆ្នាំ២០១៦ ការលក់ទៅកាន់ទីផ្សារទាំងពីរបានកើនឡើង៤២,៤ភាគរយ និង៤៩ ភាគរយរៀងគ្នា ។
ការនាំចេញកាហ្វេក៏មានការកើនឡើងគួរឱ្យចាប់អារម្មណ៍ផងដែរនៅក្នុងទីផ្សារកំពុងរីកចម្រើនដូចជាប្រទេសហ្វ៊ីលីពីន កើនឡើង ៨៣ភាគរយ, អាល់ហ្សេរី កើនឡើង៦៨ភាគរយ និងចិនកើនឡើង៥០ភាគរយ ។
ចម្ការប្រហែល១ភាគ៥នៃចកម្ការកាហ្វេទាំងអស់របសវៀតណាម ត្រូវបានខូចខាតដោយសារការខ្វះទឹក នេះបើយោងតាមសមាគមកាហ្វេនិងកាកាវរបស់វៀតណាម (VICOFA) ។
ទឹកជំនន់បានវាយប្រហារតំបន់ខ្សែក្រវាត់កាហ្វេតំបន់ខ្ពង់រាបភាគកណ្តាល ក្នុងអំឡុងខែ វិច្ឆិកា ដែលធ្វើឱ្យការប្រមូលផល និងការសម្ងួតជួបការលំបាក ។
ប្រធាន VICOFA លោក Luong Van Tu បាននិយាយថា សហគ្រាសវៀតណាមជាច្រើនគួរតែប្តូរការផ្ដោតអារម្មណ៍ដើម្បីដំណើរការកាហ្វេ ជាជាងបង្កើនបរិមាណវត្ថុធាតុដើមដើម្បីនាំចេញទៅក្រៅប្រទេស ។
លោកនិយាយថា ៖ « កិច្ចព្រមព្រៀងពាណិជ្ជកម្មសេរីថ្មី នឹងកាត់បន្ថយពន្ធនាំចូលលើការលក់កាហ្វេទៅកាន់សហភាពអឺរ៉ុប និងកូរ៉េខាងត្បូងចាប់ពី ១៥ភាគរយដល់ក្រោម៥ភាគរយនៅឆ្នាំខាងមុខ ៕
ចែករំលែកព័តមាននេះ