ខេត្តកំពង់ចាម ៖ ស្របពេលដែលក្រុងកំពង់ចាម កំពុងតែធ្វើការអភិវឌ្ឈន៏ ឲ្យកាន់តែមានសោភ័ណភាព ដើម្បីទាក់ទាញភ្ញៀវទេសចរជាតិ និងអន្តរជាតិ ហើយក៏ជាទីក្រុងស្អាតមួយទទួលបានចំណាត់រំដួល២ទងផងដែរ ។
ប៉ុន្តែកាលពីព្រឹកថ្ងៃទី០១ មករា ២០១៧ គេបែរជាឃើញមានហ្វូងគោជាច្រើនក្បាល បានដើរយ៉ាងអនាធិបតេយ្យនៅសួនច្បារក្នុងភូមិទី៨ សង្កាត់កំពង់ចាម ក្រុងកំពង់ចាម ដោយថែមទាំងបានស៊ីស្មៅ សម្រាប់ដាំលំអរតាមសួនច្បារថែមទៀត ។
លោកវរសេនីយ៍ត្រី ស៊ឹង សំអូន អធិការនគរបាលក្រុងកំពង់ចាមឱ្យដឹងថា ពីមួយឆ្នាំទៅមួយឆ្នាំ ត្រូវបានលោកអភិបាលខេត្ត រួមនឹងស្ថាប័នពាក់ព័ន្ធ បានយកចិត្តទុកដាក់ខំកែលំអហេដ្ឋារចនាសម្ព័ន្ធនានា ដោយបានរៀបចំធ្វើសួនច្បារជាច្រើនកន្លែង រួមទាំងជួរតាមដងទន្លេមេគង្គរាល់ថ្ងៃឃើញថា មានសោភ័ណភាពល្អ ហើយនៅពេលយប់មានអំពូលសម្រាប់ បំភ្លឺតាមដងផ្លូវ កំពុងតែមាន ការទាក់ទាញនូវភ្ញៀវទេសចរគ្រប់ជាតិសាសន៍ មកកម្សាន្តលេងថែមទាំងស្ងើចសសើរ ដែលបានឃើញសមិទ្ធផលរីកចំរើនផុលផុសនោះ ។
កន្លងមកនេះ រូបលោកធ្លាប់បានចាប់គោរបស់ប្រជាពលរដ្ឋខ្មែរ-អ៊ិស្លាម ដែលបានចិញ្ចឹមមិនបានដាក់ក្នុងក្រោលត្រឹមត្រូវ ធ្វើឲ្យហ្វូងគោទាំងនោះ ដើរមកចូលក្នុងក្រុង បង្កប៉ះពាល់សណ្តាប់ធ្នាប់ក្នុងការធ្វើដំណើរ ចាប់ផាកពិន័យធ្វើឲ្យម្ចាស់គោរាចាលផងដែរ ។ក្នុងករណីខាងលើនេះ ប្រសិនបើរកឃើញម្ចាស់គោដដែលនោះ នឹងត្រូវធ្វើការផាកពិន័យទ្វេរដង ។
ចែករំលែកព័តមាននេះ