រន្ធត់ខ្លាំងពេករហូតសន្លប់បាត់ស្មារតី
រាជធានីភ្នំពេញ ៖ ស្ត្រីម្នាក់មានការរន្ធត់ចិត្តខ្លាំងពេករហូតសន្លប់បាត់ស្មារតីបង្កឲ្យមានការភ្ញាក់ផ្អើលកាលពីវេលាម៉ោង៦ និង៣០នាទីព្រលប់ ថ្ងៃទី០១ ខែមករា ឆ្នាំ២០១៧ …
រាជធានីភ្នំពេញ ៖ ស្ត្រីម្នាក់មានការរន្ធត់ចិត្តខ្លាំងពេករហូតសន្លប់បាត់ស្មារតីបង្កឲ្យមានការភ្ញាក់ផ្អើលកាលពីវេលាម៉ោង៦ និង៣០នាទីព្រលប់ ថ្ងៃទី០១ ខែមករា ឆ្នាំ២០១៧ …
រាជធានីភ្នំពេញ ៖ ស្ត្រីម្នាក់មានការរន្ធត់ចិត្តខ្លាំងពេករហូតសន្លប់បាត់ស្មារតីបង្កឲ្យមានការភ្ញាក់ផ្អើលកាលពីវេលាម៉ោង៦ និង៣០នាទីព្រលប់ ថ្ងៃទី០១ ខែមករា ឆ្នាំ២០១៧ ស្ថិតនៅផ្ទះជួលក្នុងភូមិតាកេ សង្កាត់កំបូល ខណ្ឌពោធិ៍សែនជ័យ បន្ទាប់ពីអ្នកជិតខាងទូរស័ព្ទប្រាប់ថា ប្តីរបស់នាងចងកធ្វើអត្តឃាតស្លាប់បាត់ទៅហើយ ។
បុរសដែលចងកសម្លាប់ខ្លួនឈ្មោះ យិន ខាន់ អាយុ២៦ឆ្នាំ មុខរបរកម្មករសំណង់ មានស្រុកកំណើតនៅភូមិអំពិលកញ្ជាញ់ ឃុំកោះជុំ ស្រុកសំពៅមាស ខេត្តពោធិ៍សាត់ ចំណែកស្ត្រីជាប្រពន្ធដែលសន្លប់បាត់ស្មារតីឈ្មោះ ហិន សុធា អាយុ២៤ឆ្នាំ មុខរបរកម្មកររោងចក្រ ស្នាក់នៅកន្លែងកើតហេតុជាមួយគ្នា មានស្រុកកំណើតនៅភូមិព្រៃកន្ទួត ឃុំតាលោ ស្រុកបាកាន ខេត្តពោធិ៍សាត់ មានកូនស្រីម្នាក់ អាយុ១ឆ្នាំ ។
តាមសម្តីស្ត្រីជាប្រពន្ធបាននិយាយថា មុនពេលកើតហេតុប្តីរបស់គាត់ត្រឡប់មកពីផឹកស៊ីជាមួយមិត្តភក្តិវិញ ពេលដល់ផ្ទះជួលស្រាប់តែបុរសជាប្តីបានរករឿងឈ្លោះប្រកែកជាមួយគាត់ជាប្រពន្ធ ទើបស្ត្រីជាប្រពន្ធបាននិយាយថា បើស្រវឹងហើយដេកទៅ កុំនិយាយច្រើនពេក ចាំស្វាងស្រាចាំនិយាយគ្នា បន្ទាប់មកនាងបានចេញពីបន្ទប់ហើយទៅផ្ទះជួលបងប្អូននៅម្តុំផ្លូវជាតិលេខ៤ ក្នុងសង្កាត់ចោមចៅ ខណ្ឌពោធិ៍សែនជ័យ ទុកឲ្យបុរសជាប្តីនៅតែម្នាក់ឯង ។
ប្រភពព័ត៌មានបានឲ្យដឹងថា ពេលផឹកស៊ីស្រវឹងហើយជនរងគ្រោះបានយកទូរស័ព្ទមិត្តភក្តិដែលផឹកស៊ីជាមួយគ្នា ហើយដើរទៅបន្ទប់បាត់ទៅ បន្ទាប់មកមិត្តភក្តិបានទូរស័ព្ទទៅលេខខាងលើចូលម្តង បន្ទាប់មកទូរស័ព្ទខាងលើទាក់ទងលែងចូល មិត្តភក្តិបានដើរមកមើលនៅផ្ទះជួលជនរងគ្រោះឃើញចាក់សោពីខាងក្នុង ដោយមានការសង្ស័យបានរាយការណ៍ប្រាប់មេការផ្ទះជួលហើយនាំគ្នាគាស់ទ្វារចូលទៅឃើញជនរងគ្រោះបានចងកនឹងធ្នឹមមាត់ទ្វារបន្ទប់ទឹកស្លាប់បាត់ទៅហើយ ។
បន្ទាប់ពីឃើញហេតុការណ៍ដូច្នេះ ប្រជាពលរដ្ឋបានទាក់ទងទៅប្រពន្ធជនរងគ្រោះដោយប្រាប់ថាប្តីរបស់នាងបានចងកស្លាប់បាត់ទៅហើយ ស្ត្រីជាប្រពន្ធបានវិលត្រឡប់មកវិញ តែមិនទាន់ដល់បន្ទប់ជួលផងស្រាប់តែសន្លប់បាត់ស្មារតី ត្រូវបានបញ្ជូនទៅមន្ទីពេទ្យភ្លាមៗដែរ ចំណែកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ