ខ្សឹបដាក់មេក្រូមួយសិន! រឿងរ៉ាវ «ខ្ចីលុយ» ដែលកំពុងកក្រើកសង្គមសិល្បៈ ក្រោយតារាសម្តែងសិចស៊ី កញ្ញា តាន់ សុផា ហៅថា ជេស៊ីកា បានចោទប្រកាន់ថា អ្នកនាង ព្រំ រដ្ឋា ដែលជាចាងហ្វាងផលិតកម្ម PR បានជំពាក់លុយនាងចំនួន ៥០០០ ដុល្លារ ដែលលុយជំពាក់នោះ
រាជធានីភ្នំពេញ៖ ខ្សឹបដាក់មេក្រូមួយសិន! រឿងរ៉ាវ «ខ្ចីលុយ» ដែលកំពុងកក្រើកសង្គមសិល្បៈ ក្រោយតារាសម្តែងសិចស៊ី កញ្ញា តាន់ សុផា ហៅថា ជេស៊ីកា បានចោទប្រកាន់ថា អ្នកនាង ព្រំ រដ្ឋា ដែលជាចាងហ្វាងផលិតកម្ម PR បានជំពាក់លុយនាងចំនួន ៥០០០ ដុល្លារ ដែលលុយជំពាក់នោះ មិនពាក់ព័ន្ធលុយថ្លៃ «ការងារថត» អ្វីនោះទេ តែគឺអ្នកនាង ព្រំ រដ្ឋា សុំចងការ ពិសេសថាសុំចងការតែ ២ សប្តាហ៍តែប៉ុណ្ណោះ តែចុងក្រោយប្រែជារាប់ខែទៅវិញ។
ជាងនេះរឿងរ៉ាវកាន់តែក្តៅគគុកបន្ថែមទៀត ដោយនៅយប់ថ្ងៃទី ២៧ ខែកក្កដា នេះទៀតសោត ស្រីស្រស់ ជេស៊ីកា បានទម្លាយសារសម្លេងដែលអ្នកនាងព្រំ រដ្ឋា បានឆាតទៅសុំចងការប្រាក់ ៥០០០ ដុល្លារ និងសន្យាសងវិញ ត្រឹមរយៈពេល២សប្តាហ៍តែប៉ុណ្ណោះ ។ ដំបូងឡើយរឿងរ៉ាវជំពាក់បំណុលមិនទូទាត់សងនេះ ត្រូវបាន ជេស៊ីកា ទម្លាយជាសាធារណៈនៅលើបណ្តាញសង្គមហ្វេសប៊ុក ដែលបង្កអោយមានការភ្ញាក់ផ្អើលយ៉ាងខ្លាំង។
ថ្លែងប្រាប់សារព័ត៌មានកោះសន្តិភាព កញ្ញា ជេស៊ីកា បានបញ្ជាក់លម្អិតពីមូលហេតុដែលនាងសម្រេចបង្ហោះរឿងរ៉ាវខាងលើ តាមបណ្តាញសង្គមហ្វេសប៊ុកនាពេលនេះ គឺដោយសារអស់ភាពអត់ធ្មត់។ ជេស៊ីកាបានបន្តថា អ្វីដែលនាងបង្ហោះនាពេលនេះ មិនមែនលុយដែលគាត់ (ព្រំ រដ្ឋា) ជំពាក់ថតទេ ពោលគឺជាលុយដែលគាត់ចងការប្រាក់នាងចំនួន៥ពាន់ដុល្លារ។ នាងបញ្ជាក់ថា មុននឹងនាងបានផុសខាងលើនេះ មានខាងបងស្រីគាត់បានទាក់ទងមកនាងដែរ ប៉ុន្តែយើងនិយាយគ្នាមិនត្រូវពីការសងលុយមកវិញនេះឡើយ។ នាងថា នាងចង់បានលុយដើមមកវិញ មិនចង់បានតាមដំណាក់កាលឡើយ តែបងស្រីគាត់ក៏យល់ព្រមអោយនាងចង់ធ្វើអ្វីក៏ធ្វើទៅ ទើបនាងបង្ហោះរឿងនេះតែម្តង។
ជេស៊ីកា បន្ថែមថា លុះក្រោយពេលដែលនាងបានផុសហើយនោះ សាមីខ្លួន គឺអ្នកនាង ព្រំ រដ្ឋា ក៏បានឆាតផ្ទាល់មកនាងដោយសង្កត់ធ្ងន់ចង់ប្តឹងនាងដោយចោទថា នាងធ្វើដូច្នេះ គឺជាការបរិហារកេរ្តិ៍របស់គាត់។ យ៉ាងណានាងក៏បានឆ្លើយតបវិញថា អ្វីដែលនាងបានសរសេរបង្ហោះនោះ គឺមិនមានចំណុចណាដែលនាងបរិហារកេរ្តិ៍គាត់ឡើយ។
បើតាម ជេស៊ីកា ថា រឿងរ៉ាវនេះកន្លងមក នាងក៏ធ្លាប់បង្ហោះដែរ តែមិនបានបញ្ចេញឈ្មោះអ្នកនាង ព្រំ រដ្ឋា ឡើយ ទើបតែពេលនេះប៉ុណ្ណោះ។ នាងថា ខ្ញុំឆាតទៅគាត់មិនមើលមិនតប ហើយពេលដែលខ្ញុំផុស គាត់ឆាតមកថា គាត់ឈឺ គាត់សុំពេលមើលជំងឺសិន ហើយគាត់ថែមទាំងថា គាត់កាន់ទូរស័ព្ទមិនកើត ប៉ុន្តែខ្ញុំឃើញគាត់ផុសរូបដើរលេងធម្មតា និងអនឡាញហ្វេសប៊ុកអីក៏ធម្មតា។ នាងបញ្ជាក់ថា នាងពិតជាអស់ការអត់ធ្មត់ក្នុងរឿងនេះ ព្រោះនាងបានទុកពេលអោយគាត់យូរហើយ ហើយនាងក៏ត្រូវការលុយរបស់នាងមកវិញ។ ជេស៊ីកា លើកឡើងបន្ថែមថា ពេលគាត់មកខ្ចីនោះ គាត់ថាខ្ចីតែ២សប្តាហ៍ទេ ប៉ុន្តែរហូតមកទល់នាពេលនេះ គឺមានរយៈពេលកន្លះឆ្នាំហើយ ដែលគាត់នៅមិនទាន់សង។
ទោះជាយ៉ាងណា នាងបញ្ជាក់ថា ដល់ពេលនេះ នាងមានតែប្រើប្រាស់វិធានការច្បាប់ ព្រោះនាងបានសម្រេចផុសរូបគាត់ជាសាធារណៈហើយនោះ។
ដោយឡែកជុំវិញបញ្ហានេះ ម្ចាស់ផលិតកម្មPR អ្ននាង ព្រំ រដ្ឋា ក៏បានអះអាងប្រាប់កោះសន្តិភាពតាមសារអេឡិចត្រូនិចថា ការដែល ជេស៊ីកា បង្ហោះនាពេលនេះ គឺអត់មានពាក់ព័ន្ធទៅនឹងការថតឡើយ ហើយនាងក៏មិនចង់យកហ្វេសប៊ុកធ្វើការឆ្លើយតបគ្នាទៅវិញទៅមកនោះឡើយ។ អ្នកនាងបញ្ជាក់ថា នាងមិនចង់បកស្រាយអ្វីច្រើនឡើយ ដោយទុកអោយច្បាប់ជាអ្នកដោះស្រាយ ហើយចំណែកគេ (ជេស៊ីកា) មានខ្នងគេធ្វើអ្វីចេះតែត្រូវ ដូច្នេះនាងមានតែចំណាត់ការតាមច្បាប់ប៉ុណ្ណោះ។
ងាកមកអ្នកនាង ព្រំ រដ្ឋាវិញ ក្រោយមានការបង្ហោះសារចោទប្រកាន់ទៅតារាស្រីជើងចាស់រូបនេះថា ស្រាប់តែ អ្នកនាង ព្រំ រដ្ឋា នៅថ្ងៃទី ២៧ ខែកក្កដានេះ បានចេញមុខមកបកស្រាយបំភ្លឺការពិតកុំអោយមហាជនមានចម្ងល់ ដោយលើកឡើងថា «នាងខ្ញុំឈ្មោះ ព្រំ រដ្ឋា សូមជំរាបដល់បងប្អូនញាតិមិត្តក្នុងបណ្ដាញសង្គម Facebook ទាំងអស់ថា នាងខ្ញុំមិនដែលបានគេចវេសពីការពិត ឬបោ.កប្រាស់បុគ្គលណាទេ ការធ្វើការរកស៊ីតែងតែមានការខ្វះខាត និងដោយសារបញ្ហាកូវីដ១៩ រយៈពេល២ ៣ឆ្នាំនេះ ធ្វើអោយការងារខ្ញុំខាតបង់យ៉ាងធ្ងន់ធ្ងរ ហើយនាងខ្ញុំមានបញ្ហាសុខភាពធ្ងន់ធ្ងរ ដែលត្រូវចាំបាច់សំរាកព្យាបាល ហេតុដូចនេះសូមបងប្អូនកុំមានការយល់ច្រឡំដោយមិនដឹងការពិត ហើយស៊ែរ ឬ Comment អ្វីដែលធ្វើអោយពាក់ព័ន្ធដល់កិត្តិយស សេចក្ដីថ្លៃថ្នូ ដល់នាងខ្ញុំ និង ផលិតកម្ម PR នាងខ្ញុំនិងប្រគល់សិទ្ធិជូនមេធាវីចាត់វិធានការធ្វើតាមផ្លូវច្បាប់»។
យ៉ាងណាមិញ ស្រីស្អាត ជេ ស៊ីកា បានបង្ហោះសារបន្ថែមលើហ្វសេប៊ុករបស់អ្នកនាងឆ្លើយតបនឹងការលើកឡើងរបស់អ្នកនាងព្រំ រដ្ឋា ដែលថា ប្រគល់សិទ្ធិជូនមេធាវី ចាត់ចែងតាមផ្លូវច្បាប់ចំពោះការបង្ហោះរបស់កញ្ញា ជេស៊ីកានោះ ជេស៊ីកា ក៏បានតបយ៉ាងខ្លីថា «សងលុយសិនមកចាំរកមេធាវីតាមក្រោយ »។
គួររំលឹកថា ៖ បែកធ្លាយ តារាសម្ដែងជើងចាស់ អ្នកនាង ព្រំ រដ្ឋា ត្រូវបាននារីម្នាក់ចោទប្រកាន់ រឿងជំពាក់បំណុល ៕
ចែករំលែកព័តមាននេះ