ប្រទេសចិន ៖ បទប្បញ្ញត្តិទីផ្សារជួលលំនៅឋាន និងការទប់ស្កាត់កំណើននៃតម្លៃអចលនទ្រព្យ គឺជាគម្រោងធំ២ ក្នុងការបម្រើតម្រូវការលំនៅឋានរបស់ប្រជាពលរដ្ឋចិន ។ នេះបើតាមប្រសាសន៍លោកប្រធានាធិបតី Xi Jinping
ប្រទេសចិន ៖ បទប្បញ្ញត្តិទីផ្សារជួលលំនៅឋាន និងការទប់ស្កាត់កំណើននៃតម្លៃអចលនទ្រព្យ គឺជាគម្រោងធំ២ ក្នុងការបម្រើតម្រូវការលំនៅឋានរបស់ប្រជាពលរដ្ឋចិន ។ នេះបើតាមប្រសាសន៍លោកប្រធានាធិបតី Xi Jinping កាលពីពេលកន្លងមក ។
លោក Xi បានថ្លែងក្នុងកិច្ចប្រជុំមួយនៃក្រុមនាំមុខកិច្ចការសេដ្ឋកិច្ច និងហិរញ្ញវត្ថុថា ៖ « លក្ខណៈពិសេសនៃលំនៅឋាន គួរតែត្រូវយកទៅពិចារណាឲ្យបានត្រឹមត្រូវ » ។
លោកបន្តថា ប្រទេសចិនគួរតែបង្កើតយន្តការលំនៅឋានមួយដែលស្របទាំងតម្រូវការនៃការទិញ និងការជួល ព្រមទាំងតម្រូវការលំនៅឋានរបស់ប្រជាពលរដ្ឋនៅតាមទីក្រុងថ្មីផងដែរ។
កិច្ចប្រជុំនេះបានពិនិត្យលើគម្រោងធំមួយដែលបានតាក់តែងឡើងរយៈពេល៥ឆ្នាំ (២០១៦-២០២០) និងពិភាក្សាពីការព្រួយបារម្ភជាសាធារណៈ ។ នេះបើតាមសេចក្តីថ្លែងការណ៍ចេញផ្សាយបន្ទាប់ពីកិច្ចប្រជុំ ។
លោក Xi បញ្ជាក់ថា ៖ « ទីផ្សារនេះនឹងដើរតួនាទីនាំមុខក្នុងការផ្តល់ជូនតាមតម្រូវការជាច្រើន ខណៈដែលរដ្ឋាភិបាលនឹងមើលការខុសត្រូវលើតម្រូវការលំនៅឋាន » ៕
ចែករំលែកព័តមាននេះ