ទីក្រុងម៉ានីល ៖ រដ្ឋមន្ត្រីក្រសួងមហាផ្ទៃ បាននិយាយកាលពីថ្ងៃពុធថា គ្រោះរញ្ជួយដីដ៏ខ្លាំងមួយនៅភាគខាងជើងប្រទេសហ្វីលីពីនបានសម្លា.ប់មនុស្ស ០៤នាក់ និងរបួស ៦០នាក់។ រដ្ឋមន្ត្រីក្រសួងមហាផ្ទៃ បានថ្លែងប្រាប់ក្នុងសន្និសីទសារព័ត៌មានមួយតាមទូរទស្សន៍ថា…
ទីក្រុងម៉ានីល ៖ រដ្ឋមន្ត្រីក្រសួងមហាផ្ទៃ បាននិយាយកាលពីថ្ងៃពុធថា គ្រោះរញ្ជួយដីដ៏ខ្លាំងមួយនៅភាគខាងជើងប្រទេសហ្វីលីពីនបានសម្លា.ប់មនុស្ស ០៤នាក់ និងរបួស ៦០នាក់។
រដ្ឋមន្ត្រីក្រសួងមហាផ្ទៃ បានថ្លែងប្រាប់ក្នុងសន្និសីទសារព័ត៌មានមួយតាមទូរទស្សន៍ថា មនុស្ស០២នាក់ បានស្លា.ប់នៅក្នុងខេត្ត Benguet ០១នាក់នៅខេត្ត Abra និង០១នាក់ទៀត នៅខេត្តមួយផ្សេងទៀត ។
សូមជម្រាបថា គ្រោះរញ្ជួយដីកម្រិត ៧,១រីស្ទ័របានវា.យប្រហារកោះ Luzon របស់ប្រទេសហ្វីលីពីននៅថ្ងៃពុធ ទី២៧ កក្កដានេះ ដោយធ្វើឲ្យខូចខាតយ៉ាងធ្ងន់ធ្ងរដល់មន្ទីរពេទ្យមួយកន្លែង និងអគារជាច្រើនខ្នងនៅខេត្តភាគខាងជើង ។
មន្ទីរពេទ្យមួយស្ថិតនៅក្នុងខេត្ត Abra ត្រូវបានជន្លៀសចេញ បន្ទាប់ពីអគារដួលរលំ បន្ទាប់ពីមានការរញ្ជួយដីដ៏ខ្លាំង ។ ការិយាល័យព័ត៌មានសាធារណៈនៃខេត្ត Abra បានបង្ហោះរូបថតនៅលើទំព័រហ្វេសបុករបស់ខ្លួន ដែលបង្ហាញពីអគារដែលរងការខូចខាតយ៉ាងធ្ងន់ធ្ងរ ជាមួយនឹងជញ្ជាំងដែលមានស្នាមប្រេះធំ ។
បើតាមស្ថាប័នវាស់ស្ទង់ភូមិសាស្ត្រអាមេរិកនិយាយថា ចំណុចកណ្តាល នៃគ្រោះរញ្ជួយដីនោះមានចំងាយប្រហែល ១១គីឡូម៉ែត្រពីខាងកើតទៅភាគអាគ្នេយ៍ នៃទីក្រុង Dolores ហើយវាកើតឡើងនៅជម្រៅ ១០គីឡូម៉ែត្រ ។
ក្រសួងដឹកជញ្ជូន បាននិយាយថា គ្រោះរញ្ជួយដីនោះក៏មានលំញ័រនៅក្នុងរដ្ឋធានី Manila ផងដែរ ហើយប្រព័ន្ធរថភ្លើងក្រោមដីរបស់ទីក្រុងបានបញ្ឈប់ប្រតិបត្តិការភ្លាមៗ ចំពេលម៉ោងមមាញឹក ។
ប្រព័ន្ធផ្សព្វផ្សាយបានរាយការណ៍ថា នៅអគារព្រឹទ្ធសភា ក៏មានការជម្លៀសមនុស្សចេញផងដែរ ៕
ចែករំលែកព័តមាននេះ