លោកយាយ Debbie Reyndds អតីតតារាហូលីវូដបានស្លា.ប់បាត់បង់ជីវិតក្នុងវ័យ៨៤ឆ្នាំកាលពីថ្ងៃទី២៨ ធ្នូ ២០១៦ ដោយជំងឺស្ពៀតសរសៃឈាមខួរក្បាល ។ ការស្លា.ប់របស់គាត់បន្ទាប់ពីកូនស្រី Carrie Fisher
លោកយាយ Debbie Reyndds អតីតតារាហូលីវូដបានស្លាប់បាត់បង់ជីវិតក្នុងវ័យ៨៤ឆ្នាំកាលពីថ្ងៃទី២៨ ធ្នូ ២០១៦ ដោយជំងឺស្ពៀតសរសៃឈាមខួរក្បាល ។ ការស្លាប់របស់គាត់បន្ទាប់ពីកូនស្រី Carrie Fisher ជាតារាភាពយន្តហូលីវូដដែរស្លាប់មុនមួយថ្ងៃ ។
លោកយាយ Debbie Reynold ត្រូវគេបញ្ជូនទៅមន្ទីរពេទ្យកាលពីរសៀលថ្ងៃទី២៨ ធ្នូ ខណៈពេលគ្រូពេទ្យប្រចាំការក្នុងរថយន្តសង្គ្រោះបន្ទាន់បញ្ជាក់ប្រាប់ AFP ថា «អាការរបស់លោកយាយហាក់ដូចធ្ងន់ » ក្រោយមកគាត់បានស្លាប់បាត់បង់ជីវិត ។
លោក Todd Fisher ជាកូនប្រុសរបស់លោកយាយប្រាប់សារព័ត៌មាន Variety ថា «ម្តាយខ្ញុំប្រហែលជាចង់ទៅរស់នៅជាមួយ Carrie ជាកូនស្រី» ។
«TMZ» បានផ្សាយដោយយោងតាមសម្តីរបស់កូនថា លោកយាយ Reynolds ស្លាប់ ព្រោះសរសៃឈាមក្នុងខួរក្បាលស្ពៀត ក្រោយពីអ្នកស្រី Carrie Fisher ជាកូនស្រីរបស់គាត់ស្លាប់មុនមួយថ្ងៃដោយការគាំងបេះដូងក្នុងអាយុ៦០ឆ្នាំ ។
លោកយាយ Debbie Reynolds ធ្លាក់ខ្លួនឈឺក្នុងពេលនៅផ្ទះរបស់កូនប្រុសដើម្បីពិគ្រោះទាក់ទងនឹងការរៀបចំបុណ្យសពកូនស្រី ។
លោកយាយ Debbie Reynolds កើតនៅថ្ងៃទី១ ខែមេសា ឆ្នាំ១៩៣២ នៅរដ្ឋតិចសាស់ និងបានក្លាយជាតារាសម្តែងនៅអាយុ១៦ឆ្នាំ ហើយមានឈ្មោះល្បីរន្ទឺក្នុងមជ្ឈដ្ឋានភាពយន្តហូលីវូដ ៕
ចែករំលែកព័តមាននេះ