សាហា.វណាស់ ! ចូលទៅអារកសម្លា.ប់ដល់ក្នុងផ្ទះ
ខេត្តសៀមរាប ៖ សេចក្តីរាយការណ៍បឋមបានឲ្យដឹងថា មនុស្សប្រុសស្រី៣នាក់ត្រូវបានគេចូលទៅអារកដល់ក្នុងផ្ទះបណ្ដាលឲ្យស្លា.ប់២នាក់ និងរបួសធ្ងន់ម្នាក់ …
ខេត្តសៀមរាប ៖ សេចក្តីរាយការណ៍បឋមបានឲ្យដឹងថា មនុស្សប្រុសស្រី៣នាក់ត្រូវបានគេចូលទៅអារកដល់ក្នុងផ្ទះបណ្ដាលឲ្យស្លាប់២នាក់ និងរបួសធ្ងន់ម្នាក់ បង្កឲ្យមានការភ្ញាក់ផ្អើលកាលពីព្រឹកថ្ងៃទី០១ ខែមករា ឆ្នាំ២០១៧ នៅក្នុងផ្ទះជួលលេខ០២៨ ភូមិសាលាកន្សែង សង្កាត់ស្វាយដង្គុំ ក្រុងសៀមរាប ។
សេចក្តីរាយការណ៍បានឲ្យដឹងទៀតថា ជនរងគ្រោះទាំង៣នាក់មាន ១-ឈ្មោះ ឃុយ សុឃឹន ភេទប្រុស អាយុ២៧ឆ្នាំ មានស្រុកកំណើតនៅភូមិស្រែស្រូវ ឃុំល្បើក ស្រុកឈូក ខេត្តកំពត (ស្លាប់ដោយអារក), ២-ឈ្មោះ វេត រដ្ឋា ភេទប្រុស អាយុ២៥ឆ្នាំ មានស្រុកកំណើតនៅភូមិគោព្រិច ឃុំសូភី ស្រុកអូរជ្រៅ ខេត្តបន្ទាយមានជ័យ (ស្លាប់ដោយអារក) និង ៣-ឈ្មោះ ឡេង ស្រីពៅ ភេទស្រី អាយុ២៨ឆ្នាំ មានស្រុកកំណើតនៅការ៉េនជោ ឃុំអង្កាញ់ ស្រុកទ្រាំង ខេត្តតាកែវ (រងរបួសធ្ងន់ធ្ងរ ពិសេសលើផ្ទៃមុខ) ។ ទាំង៣នាក់ជាបុគ្គលិកក្រុមហ៊ុនលក់អាហារបំប៉នសុខភាព BhiP ស្នាក់នៅផ្ទះជួលកើតហេតុ ។
សេចក្តីរាយការណ៍បានឲ្យដឹងទៀត ជាជំហ៊ានដំបូងសមត្ថកិច្ចបានធ្វើការសន្និដ្ឋានថា ឃាតកម្មអារកសម្លាប់យ៉ាងសាហាវនេះគឺជារឿងគំនុំ កើតឡើងចន្លោះម៉ោង៤ ទៅម៉ោង៦ព្រឹក ថ្ងៃទី០១ ខែមករា ឆ្នាំ២០១៦ ព្រោះទ្រព្យសម្បត្តិរបស់ជនរងគ្រោះនៅក្នុងផ្ទះមិនមានអ្វីបាត់បង់ឡើយ ។
សេចក្តីរាយការណ៍បញ្ជាក់ទៀតថា ក្រោយពេលកើតហេតុ សមត្ថកិច្ចឃាត់ខ្លួនបុគ្គលិកក្រុមហ៊ុនលក់អាហារបំប៉ន BhiP ២នាក់យកទៅធ្វើការសាកសួរផងដែរ ប៉ុន្តែសមត្ថកិច្ចមិនទាន់ទម្លាយឲ្យដឹងពីអត្តសញ្ញាណ និងមូលហេតុពិតប្រាកដដែលនាំឲ្យឃាត់ខ្លួនឡើយ ៕
ចែករំលែកព័តមាននេះ