ហួសហេតុ ! វាយឪកូនរបួសហើយ គំរាមកា.ប់ដល់ក្នុងផ្ទះទៀត
រាជធានីភ្នំពេញ ៖ យុវជនម្នាក់ត្រូវបានប្រជាពលរដ្ឋចាប់យកមកប្រគល់ឲ្យសមត្ថកិច្ច បន្ទាប់ពីបានអុកឡុង និងវាយបណ្តាលឲ្យបុរស២នាក់ឪពុកនិងកូនខៀវភ្នែក …
រាជធានីភ្នំពេញ ៖ យុវជនម្នាក់ត្រូវបានប្រជាពលរដ្ឋចាប់យកមកប្រគល់ឲ្យសមត្ថកិច្ច បន្ទាប់ពីបានអុកឡុង និងវាយបណ្តាលឲ្យបុរស២នាក់ឪពុកនិងកូនខៀវភ្នែក ។ ករណីនេះបង្កឲ្យមានការភ្ញាក់ផ្អើកាលពីម៉ោង១២ និង៣០នាទីរំលងអាធ្រាត្រឈានចូលថ្ងៃទី០១ ខែមករា ឆ្នាំ២០១៧ នៅភូមិអូរបែកក្អម សង្កាត់ទឹកថ្លា ខណ្ឌសែនសុខ ។
ជនបង្កឈ្មោះ ជ័យ សេរីវីហ្សា ហៅ គោ អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះលេខ៣៤០ ផ្លូវលំ ភូមិអូរបែកក្អម សង្កាត់ទឹកថ្លា ខណ្ឌសែនសុខ ។ ចំណែកជនរងគ្រោះឈ្មោះ ដួង រតនា អាយុ៤៩ឆ្នាំ និងឈ្មោះ រតនា រតនៈ អាយុ២២ឆ្នាំ (ជាឪពុកនិងកូន) ស្នាក់នៅភូមិអូរបែកក្អម សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានឲ្យដឹងថា មុនពេលកើតហេតុមានកម្មវិធីចាក់ធុងបាសរាំលេងក្នុងភូមិ ដើម្បីសប្បាយរីករាយឆ្លងឆ្នាំសកល ខណៈនោះដោយសាររាំប៉ះគ្នា ស្រាប់តែជនបង្កបានទៅរករឿងយុវជន២នាក់ដែលមករាំលេង ពេលនោះបុរសរងគ្រោះបានចូលទៅឃាត់កុំឲ្យឈ្លោះគ្នា ក៏ត្រូវជនបង្កវាយត្រូវភ្នែកខាងឆ្វេងមួយដៃបណ្តាលឲ្យខៀវភ្នែកមួយចំហៀងតែម្តង ហើយត្រូវបានអ្នកភូមិបំបែកចេញ ។
ប្រភពបានប្រាប់ទៀតថា ពេលអ្នកភូមិបំបែកហើយជនបង្កបានរត់ចូលក្នុងផ្ទះយកកាំបិតប៉័ងតោចេញមករករឿងកាប់គេឯងម្តងទៀត និងបានចូលទៅក្នុងផ្ទះជនរងគ្រោះគំរាមកាប់កូនគាត់ឈ្មោះ រតនា រតនៈ ទៀត ពេលនោះបានប្រតាយប្រតប់គ្នា និងវាយកូនជនរងគ្រោះត្រូវភ្នែកខាងឆ្វេងមួយដៃខៀវ ទើបអ្នកភូមិនាំគ្នាចាប់យកមកប្រគល់ឲ្យសមត្ថកិច្ចប៉ុស្តិ៍ទឹកថ្លាដើម្បីសាកសួរ ។
គួរបញ្ជាក់ថា ជនបង្ករខាងលើជាសមាសភាពជាបងធំក្នុងភូមិ ប្រើប្រាស់គ្រឿងញៀន និងធ្លាប់ជាប់ពន្ធនាគារផង ពីបទឆក់ខ្សែកតាមដងផ្លូវ ត្រូវបាននគរបាលខណ្ឌពោធិ៍សែនជ័យចាប់ខ្លួន។
ក្រោយពេលកើតហេតុ យុវជនបង្កខាងលើត្រូវបានសមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ៕
ចែករំលែកព័តមាននេះ