ស្គាល់តាមទូរស័ព្ទកន្លះខែ ល្បួងយកទៅរំលោ.ភបូក
ខេត្តស្ទឹងត្រែង ៖ បុរស២នាក់ត្រូវបានកម្លាំងអធិការដ្ឋាននគរបាលស្រុកថាឡាបរិវ៉ាត់ចាប់ខ្លួនកាលពីវេលាថ្ងៃត្រង់ទី៣១ ខែធ្នូ ឆ្នាំ២០១៦ បន្ទាប់ពីមានបណ្តឹងចោទប្រកាន់ថា …
ខេត្តស្ទឹងត្រែង ៖ បុរស២នាក់ត្រូវបានកម្លាំងអធិការដ្ឋាននគរបាលស្រុកថាឡាបរិវ៉ាត់ចាប់ខ្លួនកាលពីវេលាថ្ងៃត្រង់ទី៣១ ខែធ្នូ ឆ្នាំ២០១៦ បន្ទាប់ពីមានបណ្តឹងចោទប្រកាន់ថា …
ខេត្តស្ទឹងត្រែង ៖ បុរស២នាក់ត្រូវបានកម្លាំងអធិការដ្ឋាននគរបាលស្រុកថាឡាបរិវ៉ាត់ចាប់ខ្លួនកាលពីវេលាថ្ងៃត្រង់ទី៣១ ខែធ្នូ ឆ្នាំ២០១៦ បន្ទាប់ពីមានបណ្តឹងចោទប្រកាន់ថា បានធ្វើសកម្មភាពរំលោភសេពសន្ថវៈបូក ប្រព្រឹត្តនៅឃុំស្រែឫស្សី ស្រុកថាឡាបរិវ៉ាត់ ។
តាមបញ្ជាក់របស់នារីរងគ្រោះឈ្មោះ ស.ដ អាយុ១៧ឆ្នាំ បានឲ្យដឹងថា រូបនាង និងជនសង្ស័យទើបស្គាល់គ្នាតាមទូរសព្ទ័រយៈពេលជិតកន្លះខែ ព្រមទាំងធ្លាប់ឃើញមុខគ្នាម្តងកាលទៅលេងក្នុងកម្មវិធីបុណ្យនៅវត្តស្រែឫស្សី ។ ក្រោយមកនៅយប់ថ្ងៃកើតហេតុ រូបនាងត្រូវបានជនសង្ស័យទូរស័ព្ទបបួលទៅលេងបុណ្យនៅភូមិសំអាង ឃុំឆ្វាំង ស្រុកថាឡាបរិវ៉ាត់ ។
នាងបន្តថា លុះព្រមព្រៀងការណាត់តាមទូរស័ព្ទ នាងបានបបួលមិត្តភ័ក្តិរបស់នាងម្នាក់ទៀតទៅបានជាគ្នាក្រោយចប់កម្មវិធីបុណ្យ ជនសង្ស័យក៏បានជូនពួកនាងត្រឡប់មកផ្ទះវិញ ដោយជនសង្ស័យមានគ្នា២នាក់ជិះម៉ូតូ២គ្រឿង ម្នាក់ឌុបម្នាក់ លុះធ្វើដំណើរតាមផ្លូវដល់ចំណុចទួលគឹម ស្ថិតក្នុងភូមិឃុំស្រែឫស្សី ស្រុកថាឡាបរិវ៉ាត់ ជនសង្ស័យក៏បានឈប់ម៉ូតូ ចាប់នាងតែម្តង ។
នាងបន្ថែមថា ខណៈពេលកើតហេតុជនសង្ស័យមានគ្នា២នាក់គោលបំណងចាប់ពួកនាងទាំង២នាក់ តែមិត្តភ័ក្តិរបស់នាងប្រវាយប្រតប់រត់រួចទៅហៅគេមកជួយ នៅតែនាងម្នាក់ត្រូវជនសង្ស័យចាប់រំលោភរហូតសម្រេចម្តងម្នាក់នៅកន្លែងកើតហេតុ ។
មន្ត្រីនគរបាលប៉ុស្តិ៍រដ្ឋបាលឃុំស្រែឫស្សីឲ្យដឹងថា នៅយប់រំលងអាធ្រាត្រឈានចូលថ្ងៃទី៣១ ខែធ្នូ ឆ្នាំ២០១៦ មានក្មេងស្រីជំទង់ម្នាក់រត់មកប្តឹងថា មានជនសង្ស័យចាប់ធ្វើបាបពួកនាងនៅចំណុចកើតហេតុ ភ្លាមៗនោះកម្លាំងប្រចាំការបានចេញទៅមើល ប្រទះឃើញតែនារីរងគ្រោះ ចំណែកជនសង្ស័យរត់គេចខ្លួនបាត់ទាំងអស់ ។
ក្រោយស្រាវជ្រាវអត្តអញ្ញាណនៅវេលាថ្ងៃត្រង់ទី៣១ធ្នូ កម្លាំងនគរបាលប៉ុស្តិ៍ចុះធ្វើការចាប់ខ្លួនជនសង្ស័យទាំង២នាក់នៅភូមិសំអាង ឃុំសំអាង ស្រុកថាឡាបរិវ៉ាត់ នាំមកអធិការដ្ឋាននគរបាលស្រុកធ្វើការសាកសួរចងក្រងសំណុំរឿងបញ្ជូនទៅស្នងការដ្ឋាននគរបាលខេត្ត ។
លោក ដួង ស៊ីវុត្ថា នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តស្ទឹងត្រែង បានឲ្យដឹងថា ជនសង្ស័យដែលត្រូវកម្លាំងនគរបាលយុត្តិធម៌ចាប់ខ្លួនមាន២នាក់ ម្នាក់ឈ្មោះ ខា វុទ្ធី អាយុ៣១ឆ្នាំ និងម្នាក់ទៀតឈ្មោះ ងិល យ៉ាឳន អាយុ២៣ឆ្នាំ អ្នកទាំងពីររស់នៅភូមិអូរត្រែល ស្រុកថាឡាបរិវ៉ាត់ ខេត្តស្ទឹងត្រែង ៕
ចែករំលែកព័តមាននេះ