ឱ្យតែបុណ្យម្តងៗ ហេតុអីកន្លែងលក់ដូរនៅតាមឆ្នេរសមុទ្រកំពង់សោម តម្លើងថ្លៃយ៉ាងនេះ?
ខេត្តព្រះសីហនុ ៖ ភ្ញៀវទេសចរជាតិ និងអន្តរជាតិបានចូលមកក្រុងព្រះសីហនុ មានចំនួនរាប់ម៉ឺននាក់ ក្នុងពេលឈប់សម្រាកបុណ្យឆ្លងឆ្នាំសកល2017
ខេត្តព្រះសីហនុ ៖ ភ្ញៀវទេសចរជាតិ និងអន្តរជាតិបានចូលមកក្រុងព្រះសីហនុ មានចំនួនរាប់ម៉ឺននាក់ ក្នុងពេលឈប់សម្រាកបុណ្យឆ្លងឆ្នាំសកល2017
ខេត្តព្រះសីហនុ ៖ ភ្ញៀវទេសចរជាតិ និងអន្តរជាតិបានចូលមកក្រុងព្រះសីហនុ មានចំនួនរាប់ម៉ឺននាក់ ក្នុងពេលឈប់សម្រាកបុណ្យឆ្លងឆ្នាំសកល2017 ចាប់តាំងពីថ្ងៃទី២៩ ធ្នូ មក ។ ប៉ុន្តែភ្ញៀវទេសចរជាតិហាក់ដូចជាមិនសូវសប្បាយចិត្តនឹងអ្នកលក់ដូរនៅតាមមាត់សមុទ្រ ដោយសារតែកាប់តម្លៃម្ហូបអាហារ និងកន្លែងអង្គុយតាមតែអំពើចិត្ត ។
ប្រភពពីភ្ញៀវទេសចរជាតិមួយក្រុមបានចូលទៅលេងកន្លែងលក់ដូរមួយនៅឆ្នេរសមុទ្រអូឈើទាល បានឲ្យដឹងថា កាលពីព្រឹក ថ្ងៃទី៣១ ធ្នូ នៅឆ្នេរសមុទ្រកំពង់សោម កន្លែងលក់ម្ហូបអាហារ ដែលមានកៅអីចំនួន០៦ បានតម្លើងថ្លៃដល់ទៅ៤០ដុល្លារ ឯកន្លែងខ្លះទៀតឡើងដល់៥០ដុល្លារ ។ ប្រភពបន្តថា ចំពោះម្ហូបអាហារវិញ ក៏មានការតម្លើងថ្លៃដែរ ជាក់ស្តែងដូចជា ក្ដាមសេះ១គីឡូក្រាម តម្លៃ៦ម៉ឺនរៀល និងក្តាមថ្មតម្លៃ១២ម៉ឺនរៀល និងរបស់របរដដៃទៀត ក៏មានការតម្លើងថ្លៃដូចៗគ្នាដែរ ។
ទោះជាយ៉ាងនេះក្តី មានអ្នកទេសចរច្រើនណាស់ រាប់ម៉ឺននាក់មកលេងនៅឆ្នេរសមុទ្រកំពង់សោម ប៉ុន្តែការលក់ដូរម្ហូបចំណី មិនអាចតម្លើងថ្លៃ បានតាមអំពើចិត្តនោះទេ ដោយសព្វថ្ងៃនេះ អាជ្ញាធរខេត្ត បានដាក់បទបញ្ជាឲ្យតាមហាង និងកន្លែងលក់ដូរគ្រប់ទិសទី ក្នុងក្រុងព្រះសីហនុ ត្រូវតែមានមីនុយតម្លៃម្ហូបអាហាររបស់ខ្លួន ដាក់ឲ្យភ្ញៀវមើល បើហាងឬកន្លែងលក់ដូរទាំងឡាយណា មិនអនុវត្តតាមអាជ្ញាធរខេត្ត នឹងមានវិធានការជាបន្ទាន់ហើយ ៕
ចែករំលែកព័តមាននេះ