ស៊យធំហើយលោកចោរអើយ ! គាស់ផ្ទះបុគ្គលិកធនាគារនោះ !
ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងនៅវេលាម៉ោង១១ និង៣០នាទីព្រឹក ថ្ងៃទី៣០ ខែធ្នូ ឆ្នាំ២០១៦ នៅភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង
ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងនៅវេលាម៉ោង១១ និង៣០នាទីព្រឹក ថ្ងៃទី៣០ ខែធ្នូ ឆ្នាំ២០១៦ នៅភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ដោយសារតែពេលម្ចាស់ផ្ទះទាំងពីរនាក់ ប្តីប្រពន្ធ ត្រឡប់មកពីធ្វើការវិញបើកទ្វារផ្ទះមិនរួច ព្រោះត្រូវគេដាក់គន្លឹះពីខាងក្នុង ដោយមានការសង្ស័យ ម្ចាស់ផ្ទះបានដើរមើលជុំវិញផ្ទះ ស្រាប់តែឃើញបង្អួចផ្ទះត្រូវបានចោរគាស់ ចំរឹងបង្អួចលួចចូល រើកកាយ យកទ្រព្យសម្បត្តិ ក្នុងផ្ទះ ។
ភ្លាមៗនេះ ម្ចាស់ផ្ទះក៏បានទូរសព្ទ័ហៅសមត្ថកិច្ចនគរបាល ដើម្បីទៅជួយអន្តរាគមន៍ និងគាស់ទ្វារចូលផ្ទះ ព្រោះសង្ស័យថាចោរមិនទាន់ចេញទៅណា ប៉ុន្តែពេលចូលដល់ក្នុងផ្ទះ ចោរបានចេញបានមុនពេលម្ចាស់ផ្ទះមកដល់ ។ សមត្ថកិច្ចនគរបាលមូលដ្ឋានបានឲ្យដឹងថា ម្ចាស់ផ្ទះរងគ្រោះខាងលើ មានឈ្មោះ នង សារ៉ន អាយុ៣៨ឆ្នាំ ជាគ្រូបង្រៀន ចំណែកប្រពន្ធឈ្មោះ អ៊ល ពិសាល អាយុ៣៦ឆ្នាំ ធ្វើការនៅធនាគារ អេស៊ីលីដា។ មុនពេលកើតហេតុ ជាទម្លាប់ប្តីប្រពន្ធបានចេញពីផ្ទះទៅធ្វើការរៀងៗខ្លួន រហូតដល់ម៉ោងជាង១១ទើបត្រឡប់ ដល់ផ្ទះវិញ ដោយហេតុនេះ សង្ស័យចោរលួចធ្វើសកម្មភាព ចម្លោះម៉ោង ៩ទៅម៉ោង១០ព្រឹក។
នៅថ្ងៃកើតហេតុ ពេលត្រឡប់មកវិញស្រាប់តែបើកទ្វារខាងមុខផ្ទះមិនរួចព្រោះជាប់គន្លឹះពីខាងក្នុង ហើយក៏បានដើរទៅខាងក្រោយឃើញ ដាច់របារបង្អួចផ្ទះបាយ ល្មមមនុស្សចូលរួចទើបដឹងថា ចោរបានលួចកាត់ចំរឹងបង្អួចលួចចូលក្នុងផ្ទះលួចយកទ្រព្យសម្បត្តិ។ ប្រភពដដែលបានបន្តថា ពេលគាស់ទ្វារបានចូលដល់ក្នុងផ្ទះ ឃើញមានស្នាមសកម្មភាព ការរុះរើកកាយពេញក្នុងផ្ទះ ទាំងក្នុង និងក្រៅបន្ទប់ សមត្ថកិច្ចបានឲ្យម្ចាស់ផ្ទះចូលមើលទ្រព្យសម្បត្តិក្នុងផ្ទះ តើមានបាត់របស់អ្វី ខ្លះ ហើយពេលចេញមកវិញ បានប្រាប់សមត្ថកិច្ចថា គឺបានលុយកាក់បន្តិចបន្តួចប៉ុណ្ណោះ មូលហេតុមកពីម្ចាស់ ផ្ទះជាប្រពន្ធ បានដាក់ប្រាក់ក្នុងធនាគារអស់ហើយគ្មានប្រាក់ច្រើនក្នុងផ្ទះឡើយ។
បើទោះបីបែបនេះក្តី សមត្ថកិច្ចបានឲ្យដឹងថា កំពុងធ្វើការស៊ើបអង្កេតករណីនេះតាមនីតិវិធី ព្រោះមិនអាចឲ្យជនល្មើសរួចខ្លួនបានឡើយ ហើយសង្ឃឹមថា សមត្ថកិច្ចនឹងវែកមុខជនសង្ស័យក្នុងករណីនេះបានឆាប់បំផុត៕
ចែករំលែកព័តមាននេះ