អតីតប្តីសម្លា.ប់ប្រុសស្នេហ៍អ្នកមេម៉ាយចាយរាង
ខេត្តកំពត ៖ ករណីឃាតក.ម្មដែលអតីតប្តីសម្លា.ប់ប្រុសស្នេហ៍របស់ប្រពន្ធកាលពីវេលាទៀបភ្លឺ ថ្ងៃទី២៨ ធ្នូ ឆ្នាំ២០១៦ នៅភូមិដំណាក់ចំបក់ ឃុំសំរោងលើ
ខេត្តកំពត ៖ ករណីឃាតក.ម្មដែលអតីតប្តីសម្លា.ប់ប្រុសស្នេហ៍របស់ប្រពន្ធកាលពីវេលាទៀបភ្លឺ ថ្ងៃទី២៨ ធ្នូ ឆ្នាំ២០១៦ នៅភូមិដំណាក់ចំបក់ ឃុំសំរោងលើ
ខេត្តកំពត ៖ ករណីឃាតកម្មដែលអតីតប្តីសម្លាប់ប្រុសស្នេហ៍របស់ប្រពន្ធកាលពីវេលាទៀបភ្លឺ ថ្ងៃទី២៨ ធ្នូ ឆ្នាំ២០១៦ នៅភូមិដំណាក់ចំបក់ ឃុំសំរោងលើ ស្រុកបន្ទាយមាស ខេត្តកំពត ត្រូវចាប់ខ្លួនបានហើយ ។
ក្រោយពីកាប់ប្រហារជាច្រើនពូថៅ បណ្តាលឲ្យបុរសជាដៃគូស្នេហ៍របស់ស្ត្រីមេម៉ាយស្លាប់យ៉ាងអណោចអធ័ម ហើយជនដៃដល់បានរត់គេចខ្លួនបាត់នោះ នៅរសៀលថ្ងៃទី២៩ ខែធ្នូ ឆ្នាំ២០១៦ កំលាំងមន្ទីរយុត្តិធម៌កងរាជអាវុធហត្ថខេត្តដឹកនាំដោយលោកវរសេនីយ៍ទោ ហែម ចន្ទ័ដារ៉ា មេបញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្តបានឱ្យដឹងថា កំលាំងរបស់លោកបានចុះទៅឃាត់ខ្លួនជនល្មើសឈ្មោះ ជ័យ ប៊ុនធឿន ដែលបានកាប់ប្រហារទៅលើឈ្មោះ សៅ ចាន់ថន ជាប្រុសស្នេហ៍របស់អតីតប្រពន្ធបណ្តាលឱ្យស្លាប់កាលពីវេលាទៀបភ្លឺថ្ងៃទី២៨ ខែធ្នូ ២០១៦ កន្លងមកថ្មីៗនេះ ត្រូវឃាត់ខ្លួនបានហើយ ។
ជននេះបានសារភាពប្រាប់សមត្ថកិច្ចយើងថា ករណីដែលខ្លួនហ៊ានលើកដៃកាប់ប្រហារឈ្មោះ សៅ ចាន់ថន នេះ ដោយសារខ្លួនមានកំហឹងជាមួយឈ្មោះនេះ ដែលខ្លួនមិនទាន់អស់អាល័យពីប្រពន្ធផង ឈ្មោះនេះហ៊ានទៅទាក់ទងប្រពន្ធខ្លួន ទើបខ្លួនទ្រាំមិនបានក៏សម្លាប់តែម្តង។
លោកបន្តទៀតថា ជនសង្ស័យក្រោយពីឃាត់ខ្លួនបាននៅក្នុងភូមិឃុំខាងលើកំលាំងមន្ទីរយុត្តិធម៌បាននាំខ្លួនទៅឱ្យធ្វើត្រាបនៅកន្លែងកើតហេតុរួចនាំមកកាន់មន្ទីរយុត្តិធម៌កងរាជអាវុធហត្ថខេត្ត ដើម្បីសាកសួរបន្ត ត្រៀមកសាងសំណុំរឿងបញ្ជូនទៅតុលាការចាត់ការតាមច្បាប់ ។
សូមរម្លឺកថា បុរសម្នាក់បានស្លាប់យ៉ាងអាណោចអាធ័ម ក្នុងថ្លុកឈាម កាលពីវេលាម៉ោង៤ទៀបភ្លឺថ្ងៃទី២៨ ធ្នូនៅចំណុចភូមិដំណាក់ចំបក់ ឃុំសំរោងលើ ស្រុកបន្ទាយមាស ។ យោងតាមប្រភពព័ត៌មានពីកន្លែងកើតហេតុ បានឲ្យដឹងថា ជនរងគ្រោះឈ្មោះ សៅ ចាន់ថន ហៅ ខូយ ឬញីវ ភេទប្រុស អាយុ៤៨ឆ្នាំ មានទីលំនៅភូមិ-ឃុំកើតហេតុខាងលើ បានទំនាក់ទំនងស្នេហា ជាមួយស្ត្រីជាប្រពន្ធរបស់ជនដៃដល់ឈ្មោះ ជ័យ ប៊ុនធឿន ភេទប្រុស អាយុ៣៨ឆ្នាំ មានទីលំនៅភូមិ-ឃុំកើតហេតុខាងលើជាមួយគ្នា ដែលទើបនឹងលែងលះគ្នារយៈពេល២ខែប៉ុណ្ណោះ ។
ប្រភពព័ត៌មានមិនបានដឹងច្បាស់ថា ការទំនាក់ទំនងរវាងស្ត្រីមេម៉ាយ២ខែនេះ ធ្លាប់បានស្និទ្ធស្នាលគ្នាជាមួយបុរសរងគ្រោះស៊ីជម្រៅយ៉ាងណានោះទេ តាំងពីមិនទាន់លែងប្តី ឬបែបណាក៏មិនដឹងច្បាស់ដែរ ។ នៅថ្ងៃកើតហេតុត្រូវបានគេដឹងថា វេលាយប់ថ្ងៃទី២៧ ធ្នូ ជនរងគ្រោះបានជិះម៉ូតូមកផ្ទះស្ត្រីមេម៉ាយរូបនោះ ។ នៅពេលឡើងទៅដេកនៅជាមួយគ្នា មិនមានហេតុការណ៍អ្វីនោះទេ គឺសុខស្រួលណាស់ ។
លុះពេលចុះមកវិញនៅវេលាទៀបភ្លឺក៏ត្រូវប្តីដើមរបស់ស្ត្រីនោះ បានលបកាប់នឹងពូថៅធ្វើឱ្យជនរងគ្រោះបានរត់ចេញទៅខាងកើតផ្ទះកើតហេតុបានចម្ងាយជាង៤០ម៉ែត្រ ក៏ត្រូវជនដៃដល់តាមកាប់ប្រហារជាច្រើនពូថៅទៀត បណ្តាលឲ្យស្លាប់ក្នុងថ្លុកឈាម រួចរត់គេចខ្លួនបាត់ ។
ក្រោយពីកើតហេតុ នៅព្រឹកថ្ងៃទី២៨ ធ្នូ កម្លាំងសមត្ថកិច្ចនគរបាលបច្ចេកទេស និងកម្លាំងការិយាល័យនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត ដឹកនាំដោយលោកវរសេនីយ៍ទោ សុខ សាកាន នាយការិយាល័យបច្ចេកទេសវិទ្យាសាស្ត្រ ស្នងការដ្ឋានខេត្តបានឱ្យដឹងថា ជនដៃដល់ឈ្មោះ ជ័យ ប៊ុនធឿន ដែលជាប្តីដើម បានកាប់ប្រហារលើជនរងគ្រោះជាច្រើនពូថៅត្រូវត្រង់ក្បាលនិងដងខ្លួន បណ្តាលឲ្យស្លាប់យ៉ាងអាណោចអាធ័មបំផុត រួចរត់គេចខ្លួនបាត់ ។ មិនមែនកាប់ឱ្យរាងទេ គឺកាប់ឱ្យស្លាប់ភ្លាមតែម្តង ។
សមត្ថកិច្ចនៅកន្លែងកើតហេតុបានឲ្យដឹងដែរថា ជនដៃដល់ឈ្មោះ ជយ័ ប៊ុនធឿន នេះមានស្រុកកំណើតនៅកន្លែងកើតហេតុមែន ប៉ុន្តែកន្លងមកពុំសូវនៅស្រុកភូមិទេ គឺច្រើនតែចេញទៅរកស៊ីឡើងកាប់ឈើខ្លឹមច័ន្ទគ្រឹះស្នា ហើយក៏មិនទាន់មានប្រពន្ធកូនដែរ ។ លុះក្រោយមកពេលចូលស្រុកវិញ ក៏ឃើញស្ត្រីមេម៉ាយមានកូន៥នាក់នេះក៏បានចាប់ចិត្តស្រឡាញ់ និងបានដណ្តឹងសែនព្រេនយកគ្នាជាប្តី-ប្រពន្ធ ។ លុះយកគ្នាបានជិតមួយឆ្នាំ បុរសជាប្តីនេះបានលួចមានទំនាក់ទំនងស្រីថ្មី នៅក្នុងភូមិនោះដែរ ក៏កើតជាជម្លោះរវាងប្តីនិងប្រពន្ធ ហើយក៏លែងលះគ្នាតាំងពីពេលនោះមក បានជាងពីរខែមកហើយ ។ ជាបន្តស្ត្រីរូបនេះ ក៏ធ្លាក់មកជំពាក់ស្នេហ៍ជាមួយបុរសជាជនរងគ្រោះដោយសារតែបុរសស្នេហ៍ថ្មីនេះចេះជួយយកអាសារ ដូចជាបោកបែនប្រមូលទុកដាក់ផលស្រូវ ឲ្យស្ត្រីមេម៉ាយរូបនេះ ហើយក៏បានចាប់ចិត្តប្រតិព័ទ្ធជាមួយគ្នារហូតដល់ថ្ងៃកើតហេតុនេះ ។
ចំណែកសាកសពក្រោយពីពិនិត្យរួចរាល់សមត្ថកិច្ចបានប្រគល់ឲ្យក្រុមគ្រួសាររៀបចំធ្វើបុណ្យតាមប្រពៃណី ៕
ចែករំលែកព័តមាននេះ