បង្ក្រាបសង្វៀនបញ្ជល់មាន់ចាប់បានខ្មោចអាគក និងចានអាប៉ោង
រាជធានីភ្នំពេញ ៖ កម្លាំងគណៈបញ្ជាការឯកភាពសង្កាត់ចោមចៅបានចុះទៅធ្វើការបង្ក្រាបសង្វៀនបញ្ជល់មាន់មួយកន្លែងបង្កប់វង់ល្បែងអាប៉ោង បៀ
រាជធានីភ្នំពេញ ៖ កម្លាំងគណៈបញ្ជាការឯកភាពសង្កាត់ចោមចៅបានចុះទៅធ្វើការបង្ក្រាបសង្វៀនបញ្ជល់មាន់មួយកន្លែងបង្កប់វង់ល្បែងអាប៉ោង បៀ
រាជធានីភ្នំពេញ ៖ កម្លាំងគណៈបញ្ជាការឯកភាពសង្កាត់ចោមចៅបានចុះទៅធ្វើការបង្ក្រាបសង្វៀនបញ្ជល់មាន់មួយកន្លែងបង្កប់វង់ល្បែងអាប៉ោង បៀ នៅក្នុងនោះ
ផងដែរ ដែលមានទីតាំងស្ថិតនៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៣និង៣០នាទីរសៀលថ្ងៃទី២៨ ធ្នូ ដោយរឹបអូសបានអាគកជើងខ្លាំងងាប់១ក្បាល និងកម្រាលព្រមទាំងចានអាប៉ោងមួយឈុតផងដែរ ។
អាជ្ញាធរបាននិយាយថា សង្វៀនបញ្ជល់មាន់ខាងលើនោះបានបើកលេងដោយលួចលាក់ មួយរយៈពេលមកហើយ ដោយមានមនុស្សចូលលេងច្រើន ហើយក្រុមអ្នកញៀនល្បែងខាងលើនោះម្នាក់ៗ បានភ្នាល់ចាញ់ឈ្នះ ផ្កាប់មុខ ខ្លះអស់លុយ ខ្លះអស់ម៉ូតូ ដែលជាការព្រួយបារម្ភពីការកើតមានអំពើហឹង្សា និងចោរកម្ម ។ ដើម្បីអនុវត្តឲ្យបាននូវគោលនយោបាយភូមិសង្កាត់មានសុវត្ថិភាព ទើបអាជ្ញាធរបានដាក់កម្លាំងចុះទៅធ្វើការស្រាវជ្រាវ ។ ដោយមានការសហការយ៉ាងល្អពីសំណាក់ប្រជាពលរដ្ឋនៅក្នុងមូលដ្ឋានទើបបានដឹងថា មានសង្វៀនបញ្ជល់មាន់មួយនោះកំពុងបើកលេង ហើយក៏បាននាំកម្លាំងប៉ូលិសចុះទៅបង្ក្រាបតែម្ដង ។
ប្រភពដដែលបានបន្តថា អ្វីដែលគួរឲ្យសោកស្ដាយនោះ គឺទីតាំងល្បែងខាងលើហាក់មានកម្លាំងបង្កប់ និយាយរួមគឺមានរនុកក្នុងចាំឲ្យការណ៏ដល់ម្ចាស់សង្វៀន និងអ្នកដែលចូលទៅលេងនៅទីនោះ ព្រោះនៅពេលដែលកម្លាំងចុះទៅដល់ស្រាប់តែទាំងក្រុមអ្នកញៀនល្បែង និងមេសង្វៀនបាននាំគ្នារត់គេចខ្លួនយ៉ាងទាន់ហន់បំផុតគ្មានសល់អ្នកណាម្នាក់ទេ ។ ប៉ុន្តែបានបន្សល់ទុកនៅកន្លែងកើតហេតុនូវខ្មោចអាគក១ក្បាលដែលបានបញ្ជល់ចាក់គ្នាងាប់រួមជាមួយកម្រាល និងចានអាប៉ោង១ឈុតផងដែរទុកឱ្យប៉ូលិសក្លែមទៅចុះ ។ មិនតែប៉ុណ្ណោះក្រុមអ្នកចូលទៅលេងនៅទីនោះក៏ឆ្លាតដែរមុនទៅលេងល្បែងបានយកយានជំនិះរបស់ខ្លួនមានម៉ូតូ និងរថយន្តទៅទុកនៅកន្លែងផ្សេងឆ្ងាយពីបរិវេណល្បែងរួចនាំគ្នាដើរទៅលេង ។ លុះពេលកម្លាំងសមត្ថកិច្ចចុះទៅចាប់ពួកគេរត់តែខ្លួនទៅ ដោយមិនបានបន្សល់ទុកយានជំនិះនៅកន្លែងនោះដូចពេលមុនៗទៀតឡើយសូម្បីស្បែកជើងក៏មិនបន្សល់ដែរ ។
លោក សុទ្ធ សាធ ចៅសង្កាត់ចោមចៅ បាននិយាយថា សង្កាត់របស់លោកនឹងធ្វើការចុះបង្ក្រាបរហូតតាមបែបភ្លៀងរលឹមមិនអនុញ្ញាតឲ្យកើតមានតទៅទៀតទេព្រោះដឹងរួចហើយ។ ហើយប្រសិនបើបងប្អូនប្រជាពលរដ្ឋទាំងអស់បានដឹងថា មានសង្វៀនបញ្ជល់មាន់ និងល្បែងស៊ីសងនៅកន្លែងណា សូមជួយផ្ដល់ព័ត៌មានផង ដើម្បីលោកបានចាត់កម្លាំងទៅបង្ក្រាបទាន់ពេលវេលា និងបានកាត់បន្ថយរាល់បទល្មើសនានានៅក្នុងមូលដ្ឋាន ៕
ចែករំលែកព័តមាននេះ