រាជធានីភ្នំពេញ ៖ ការតុបតែងខ្លួនប្លែកៗ ធ្វើឱ្យមុខរបរលក់លៀសហាលមានការចាប់អារម្មណ៍ពីអ្នកទិញ និងកើននូវប្រាក់ចំណូលដើម្បីធ្វើយ៉ាងណា ឱ្យទទួលបាននូវប្រាក់ចំណូលមានការកើនឡើងនោះ បុរសម្នាក់បានគូរមុខ និងខ្លួនជាយក្សល្ខោន ដើរលក់លៀសហាលនៅគ្រប់ច្រកល្ហកក្នុងរាជធានីភ្នំពេញ ។
ពិសេសនៅម្តុំផ្សារបឹងកេងកង ផ្សារថ្មី អូរឬស្សី និងផ្សារដេប៉ូ ហើយក៏មានគារចាប់អារម្មយ៉ាងខ្លាំង ពីសំណាក់ប្រជាពលរដ្ឋទូរទៅ ជាពិសេសអ្នកតំណើរនៅតាមដងផ្លូវ និងពេញបណ្តាញសង្គមហ្វេសប៊ុកផងដែរ។
ជួបជាមួយកោះសន្តិភាព បុរសរូបនោះបានប្រាប់ឱ្យដឹងថា រូបគាត់មានឈ្មោះម៉ុក បិន អាយុ២៤ឆ្នាំ ជាលក់លៀសហាល ស្នាក់នៅផ្ទះជួលនៅក្នុងសង្កាត់បឹងត្របែក ខណ្ឌចំការមន មានស្រុកកំណើតនៅភូមិពោធិ ឃុំ ប្រធាតុ ស្រុកកំពង់ត្របែក ខេត្តព្រៃវែង។
ដោយសារតែជីវភាពគ្រួសាររបស់ឪពុកម្តាយគាត់មានភាពក្រីក្រ និងមានការលំបាកយ៉ាងខ្លាំងនោះ រូបគាត់ក៏បានសម្រេចចិត្តចេញពីស្រុកកំណើត មករកស៊ីនៅក្នុងរាជធានីភ្នំពេញ អស់រយៈពេលជិត១០ឆ្នាំហើយ ដោយប្រកបរបរចិញ្ចឹមជីវិត «លក់លៀសហាល» ។
ដោយកាលពីមុនតំបូងរូបគាត់បានដើរលក់លៀសហាលនៅគ្រប់ច្រកល្ហកនៅក្នុងរាជធានីភ្នំពេញ ដើម្បីរកប្រាក់យកទៅផ្គត់ផ្គង់ជីវភាពគ្រួសាររបស់គាត់នៅឯស្រុក ដែលជួបនូវការលំបាកយ៉ាងខ្លាំងនោះ។តាមប្រភពដដែលបានប្រាប់បន្តទៀតថា តែការប្រកបមុខបរលក់លៀសហាលរបស់គាត់នោះ ហាក់បីដូចជាមិនទួលបាននូវការគាំទ្ររអំពីសំណាក់ប្រជាពលរដ្ឋទូរទៅក៏ដូចជាអតិថិជនដែលនិយមហូបលៀសហាលឡើយ ហើយរូបគាត់ក៏មិនបានតុបតែងខ្លួនអ្វីឱ្យប្លែកនោះដែរ។រហូតមកដល់ប៉ុន្មានឆ្នាំចុង្រោយនេះ រូបគាត់ក៏មានគំនិតកែច្នៃដោយយកធុងបាស់ដាក់ភ្ជាប់ជាមួយនិងរទេះលៀសហាលរបស់គាត់ ដោតដើរលក់ជាធ្មតា ដោយការចាក់ធុងបាស់ដើរលក់លៀសហាលនោះហាក់បីដូចជាមានការចាប់អារម្មណ៍គ្រាន់បើអំពីសំណាក់អ្នកទិញ និងទទួលបាននូវប្រាក់កំរៃកើនឡើងជាងមុនដោយក្នុងមួយថ្ងៃលក់បានប្រាក់ចំនួនជាង១០ម៉ឺនរៀល។
រហូតមកដល់ប៉ុន្មានខែចុងក្រោយនេះ រូបគាត់ក៏បែកគំនិតដោយតុបតែងខ្លួន និងគូមុខជាយក្សល្ខោនរុញរទេះដើរលក់លៀសហាលវិញម្តង ដោយក្នុងមួយថ្ងៃៗរូបគាតើលក់លៀសហាលអស់ចំនួន ៣ តៅ និងបានប្រាក់ចំណូលកើនឡើងជាងមុនដោយក្នុងមួយថ្ងៃៗមិនតិចជាង ២០ម៉ឺនរៀលឡើយ មិនតែប៉ុណ្ណោះជួនកាលក៏មានសប្បុរសជនទាំងខ្មែរ និងបរទេសផ្តល់ប្រាក់ឱ្យថែមទៀតផង។
ក្រោយពីមានការតុបតែងខ្លួនប្លែកៗ បែបជាយក្សល្ខោនរបស់គាត់ដើរលក់លៀសហាលរបស់គាត់ក្នុងមួយរយះចុងក្រោយកន្លងមកនេះ មុខរបរបស់គាត់ហាក់បីដូចជាមានការចាប់អារម្មណ៍យ៉ាងខ្លាំងអំពីសំណាក់មនុស្សទូរទៅយ៉ាងខ្លាំង និងទទួលបាននូវភាពជោគជ័យផងដែរ។
លោកក៏បានរៀបរាប់បន្តទៀតថា ក្រោយពីទទួលបាននូវការគាំទ្ររអំពីសំណាក់ប្រជាពលរដ្ឋយ៉ាងច្រើននូវការតុបតែងខ្លួនជាយក្សល្ខោនដើរលក់លៀសហាលរបស់គាត់នេះដែរ លោកក៏មានគម្រោងនិងធ្វើអ្វីឱ្យកាន់តែប្លែកៗជាងនេះតទៅទៀតផងដែរ ដោយនឹងធ្វើការតុមតែងម៉ូដសក់ និងតុបតែងខ្លួនឱ្យដូចជាតារាសម្តែងជាបន្តទៅទៀតផងដែរ។
គូរបញ្ជាក់ថា ក្នុងការតុបតែងខ្លួន និងគូមុខមាត់ជាយក្សល្ខោនដើរលក់លៀសហាលរបស់បុរសម្នាក់ខាងលើនេះដែរគឺមានការចាប់អារម្មរណ៍អំពីសំណាក់មនុស្សជាច្រើន និងជាពិសេសគឺនៅលើបណ្តាញសង្គមហ្វេសប៊ុកផងដែរ ដែលបងប្អូនមួយចំនួនបានប្រទះឃើញនៅតាមដងផ្លូវនិងនាំគ្នាថតបង្ហោះធ្វើអោយមានការភ្ញាក់ផ្អើលយ៉ាងខ្លាំងនោះ។
ចែករំលែកព័តមាននេះ