សារព័ត៌មានបរទេសកាលពីពេល ថ្មីៗកន្លងមកផ្សាយថា មនុស្សជាច្រើនពាន់នាក់បានចូលរួមពិធីបុណ្យខួបកំណើតក្មេងស្រីម្នាក់គម្រប់១៥ឆ្នាំកាលពីថ្ងៃទី២៦ ធ្នូ ២០១៦ នៅប្រទេសម៉ិកស៊ិកពីការអញ្ជើញតាមហ៊េ្វសប៊ុក
សារព័ត៌មានបរទេសកាលពីពេល ថ្មីៗកន្លងមកផ្សាយថា មនុស្សជាច្រើនពាន់នាក់បានចូលរួមពិធីបុណ្យខួបកំណើតក្មេងស្រីម្នាក់គម្រប់១៥ឆ្នាំកាលពីថ្ងៃទី២៦ ធ្នូ ២០១៦ នៅប្រទេសម៉ិកស៊ិកពីការអញ្ជើញតាមហ៊េ្វសប៊ុករបស់ម្ចាស់កម្មវិធី ។
ខួបកំណើតនោះរៀបចំឡើងនៅកសិដ្ឋានមួយក្នុងរដ្ឋសានល្វីប៉ូតូស៊ី ប្រទេសម៉ិកស៊ិក ដល់នាងរូប៊ី អុីបារ៉ា ដោយមានស្លាកបដាធំមួយសរសេរថា «រីករាយក្នុងថ្ងៃខួបកំណើតគម្រប់១៥ឆ្នាំរបស់ខ្ញុំ» រួមទាំងមានពិធីជប់លៀងអាហារជូនភ្ញៀវ ។
មនុស្សជាច្រើនពាន់នាក់បានចូលរួមក្នុងពិធីខួបកំណើតនោះ ចាត់ទុកថាជាប្រពៃណីមួយដែលរៀបចំឡើងសម្រាប់កូនចៅនៅពេលធំពេញក្រមុំនៅម៉ិកស៊ិក ។ មានក្រុមគ្រួសារជាច្រើនចំណាយប្រាក់សន្ធឹកសន្ធាប់ដើម្បីបញ្ជាក់ពីភាពពេញវ័យរបស់កូនស្រីខ្លួន ។
ពិធីខួបកំណើតរបស់ក្មេងស្រីនោះបានក្លាយជារឿងដ៏ធំមួយ ព្រោះឪពុកម្តាយបានប្រកាសអញ្ជើញភ្ញៀវឱ្យចូលរួមតាមហ៊េ្វសប៊ុក ។ វាជាការអញ្ជើញអ្នករស់នៅក្នុងភូមិ ប៉ុន្តែដោយសារហ៊េ្វសប៊ុកមើលឃើញនៅគ្រប់ទិសទី ដូច្នេះមនុស្សម្នាបានទៅចូលរួមធ្វើឱ្យម្ចាស់កម្មវិធីភ្ញាក់ផ្អើលយ៉ាងខ្លាំង ៕
ចែករំលែកព័តមាននេះ