ខេត្តបាត់ដំបង ៖ ជនសង្ស័យចំនួន០៤នាក់ ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីរសៀលថ្ងៃទី២៤ កក្កដា នៅស្រុកគាស់ក្រឡ និងនៅក្នុងក្រុងបាត់ដំបង ដែលពាក់ព័ន្ធនឹងបទល្មើសជូញដូរគ្រឿ.ងញៀ.ន។ សេចក្ដីរាយការណ៍បានឱ្យដឹងថា…
ខេត្តបាត់ដំបង ៖ ជនសង្ស័យចំនួន០៤នាក់ ត្រូវបានកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីរសៀលថ្ងៃទី២៤ កក្កដា នៅស្រុកគាស់ក្រឡ និងនៅក្នុងក្រុងបាត់ដំបង ដែលពាក់ព័ន្ធនឹងបទល្មើសជូញដូរគ្រឿ.ងញៀ.ន។
សេចក្ដីរាយការណ៍បានឱ្យដឹងថា ជនសង្ស័យទាំង០៤នាក់ ១-ឈ្មោះ សួន ធារិទ្ធ អាយុ១៨ឆ្នាំ ២-ឈ្មោះ ស៊ើង គារី អាយុ១៨ឆ្នាំ (២នាក់នេះចាប់ខ្លួននៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ) ៣-ឈ្មោះ ហឹង ចន្ត្រា អាយុ៣២ឆ្នាំ សុភ័ក្រ សុភ័ណ្ឌ អាយុ៣០ឆ្នាំ (២នាក់នេះចាប់ខ្លួននៅចំណុចភូមិអូរខ្ជាយ សង្កាត់ព្រែកព្រះស្ដេច ក្រុងបាត់ដំបង)។
បើតាមប្រភពពីសមត្ថកិច្ចថា ដំបូងកម្លាំងការិយាល័យជំនាញ បានឃាត់ខ្លួនជនសង្ស័យ០២នាក់នៅក្រុងបាត់ដំបង ដកហូតបានវត្ថុតាងមួយចំនួនពាក់ព័ន្ធនឹងបទល្មើសគ្រឿ.ងញៀ.ន។ ក្រោយពីសួរនាំ ទើបកម្លាំងជំនាញឈានដល់ការតាមចាប់ខ្លួនបក្សពួកចំនួន០២នាក់ទៀត នៅក្នុងស្រុកគាស់ក្រឡទៀត ។
ជាមួយនឹងការឃាត់ខ្លួនមុសសញ្ញាជូញដូរគ្រឿ.ងញៀ.នទាំង០៤នាក់នេះ បើតាមរបាយការណ៍របស់កងរាជអាវុធហត្ថបានឲ្យបង្ហាញថា កម្លាំងជំនាញដកហូតបានវត្ថុតាងរួមមាន៖ រថយន្តម៉ាកឡិចស៊ីស០១គ្រឿង ពណ៌ខ្មៅ ពាក់ស្លាកលេខ ភ្នំពេញ 2M-6175 ម៉ូតូ០១គ្រឿងម៉ាកវីនណឺ ពណ៏ខ្មៅ ថ្នាំញៀ.នប្រភេទ ICE (ម៉ាទឹកកក) ចំនួន០១ថង់ធំទម្ងន់១០៣,១៨ក្រាម និង សម្ភារៈសម្រាប់វេចខ្ចប់គ្រឿ.ងញៀ.នមួយចំនួនទៀត ។
មន្ត្រីកងរាជអាវុធហត្ថបានបញ្ជាក់ថា កម្លាំងការិយាល័យជំនាញ បានឃាត់ខ្លួនក្រុមជនសង្ស័យនៅពេលពួកគេកំពុងប្រព្រឹត្តបទល្មើសជាក់ស្ដែង។ ហើយវត្ថុតាងទាំងនេះចំនួនត្រូវកម្លាំងជំនាញឆែកឆេររកឃើញនៅក្នុងលំនៅឋានជនសង្ស័យនៅស្រុកគាស់ក្រឡ រីឯវត្ថុតាងមួយចំនួនដកហូតពីជនសង្ស័យ នៅក្រុងបាត់ដំបង។
ចម្លើយបឋមរបស់ក្រុមជនសង្ស័យជូញដូរគ្រឿ.ងញៀ.នទាំងនេះ បានសារភាពទទួលស្គាល់វត្ថុតាងទាំងនេះថា ពិតជារបស់ពួកគេ ។ ពេលនេះ មន្ត្រីជំនាញកំពុងសួរនាំ ដើម្បីកសាងសំណុំរឿងបញ្ជូនពួកគេនិងវត្ថុតាងទៅកាន់តុលាការហើយ៕
ចែករំលែកព័តមាននេះ