នីហ្សេរីយ៉ា ៖ បងប្អូនស្រីជនជាតិកាណាដាពីរនាក់ ដែលមានមនុស្ស Follow ជាច្រើនលើ Instagram ត្រូវបានចាប់ខ្លួនក្នុងប្រទេសនីហ្សេរីយ៉ា ដោយចោទពីបទគំរាមកំហែងទារប្រាក់ពីមហាសេដ្ឋីជនជាតិអាហ្វ្រិកដ៏ល្បីល្បាញម្នាក់លើអ៊ីនធើរណេត ។
គេហទំព័រ Nigeria Politics ដំបូងបានរាយការណ៍ថា បងប្អូនស្រី Jyoti និង Kiran Matharoon ទាំងពីរបានគំរាមដល់លោក Femi Otedola ថា នឹងផ្សព្វផ្សាយពីព័ត៌មានរបស់លោក និងបានអះអាងថា ពួកគេមានភស្តុតាងថា លោកបានលួចលាក់ជាមួយស្រីផ្សេង។ បងប្អូនទាំងពីរនេះ បានគំរាមថានឹងផ្សព្វផ្សាយយ៉ាងលម្អិតទៅកាន់សាធារណៈប្រសិនបើលោក Otedola មិនឲ្យប្រាក់ពួកគេ។
លោក Otedola ដែលត្រូវបានទស្សនាវដ្តី Forbes គិតថាមានទ្រព្យសម្បត្តិ ១.៨ប៊ីលានដុល្លា បានជួលអ្នកស៊ើបអង្កេតលើបងប្អូនស្រីនេះ។ ពួកគេបានប្រទះឃើញថា បងប្អូនស្រីទាំងពីរធ្វើការថតទុកនូវការសន្ទនា និងការរួមភេទជាមួយបុរសអ្នកមាន បន្ទាប់មកគម្រាមពួកគេថា នឹងបង្ហោះសំឡេងរូបភាព និងវីឌីអូលើ Neijagistlive.com ។ បន្ទាប់ពីដឹងរឿងលម្អិតហើយ លោក Otedola បានផ្ញើពាក្យបណ្តឹងស្ត្រីទាំងពីរនិងបានចាប់ខ្លួនពួកគេកាលពីថ្ងៃទី ២៣ខែធ្នូនេះ។
លោក Dumebi Ifeanyi ពី Nigeria Politics បានប្រាប់ CityNews.ca ថាបងប្អូនទាំងពីរត្រូវបានចាប់ខ្លួនដោយមានព័ត៌មានរបស់មនុស្សជាច្រើន រួមទាំងវិឌីអូរួមភេទរវាងពួកគេនិងបុរសផ្សេងៗដូចជាអ្នកនយោបាយ និងអ្នកមានធំៗក្នុងនីហ្សេរីលើកុំព្យូទ័រ និង iPad របស់ខ្លួន។ ពួកគេក៏បានរកឃើញសារជាមួយឹងមនុស្សជាច្រើនទៀតនិងមានការគម្រាមកំហែងនិងព្យាយាមទាមទារប្រាក់ពីពួកគេផងដែរ។”
គួរបញ្ជាក់ផងដែរថាមុនការចាប់ខ្លួននេះ បងប្អូនស្រីទាំងពីរទទួលបានអ្នក Follow លើ Instagram ប្រមាណ ៥០,០០០នាក់ឯណោះ។ បងប្អូនទាំងពីរនេះមានលក្ខណៈសម្បតិ្តដូចគ្រួសារ Kardashians ត្រង់ការប្រើប្រាស់ប្រព័ន្ធសង្គមដើម្បីបង្ហាញពីជីវិតដ៏ប្រណិតរបស់ពយកគេដូចជាការគេងលេងលើឆ្នេរសមុទ្រ ឬលើកប៉ាល ការក្រេបស្រាសាំប៉ាញ ជាដើម។ ប៉ុន្តែពួកគេក៏ទទួលបានការស្អប់ខ្ពើមយ៉ាងខ្លាំងក្នុងនីហ្សេរីផងដែរដោយមានការតតាំងពាក្យសម្តីជាមួយប្រពន្ធអ្នកមានក្នុងប្រទេសនេះតាមរយៈ Instagram។
កុងស៊ុលកាណាដាបានបញ្ជាក់ថា ពួកគេទាំងពីរពិតជាកំពុងជាប់ឃុំឃាំងក្នុង Lagos ប្រទេសនីហ្សេរីពិតមែន។ អ្នកនាំពាក្យមា្នក់បាននិយាយថា«ដើម្បីការពារព័ត៌មានឯកជនរបស់បុគ្គលដែលជាប់ពាក់ព័ន្ធ ព័ត៌មានលម្អិតលើករណីនេះ មិនអាចបញ្ចេញបាន
ទេ » នាង Jyoti និង Kiran Matharoo នឹងឡើងតុលាការម្តងទៀតក្នុងថ្ងៃទី២៦ មករា ឆ្នាំ ២០១៧ ខាងមុខ ។
ចែករំលែកព័តមាននេះ