ឆ្នាំ១៨៨៩
នៅវេលាថ្ងៃត្រង់ក្នុងទីក្រុងយូណាស៊ីញឡេន ឬអូក្លាហូម៉ា និងតំបន់ហ្គូតរី មានការលើកគ្នាមកចាប់ដីរបស់ប្រធានាធិបតីអាមេរិកទី២៣ លោកបេនចាមីន ហារីសុន លើផ្ទៃដីប្រហែល២លានហិកតា និងមានមនុស្សមករានដីប្រមាណ៥០.០០០នាក់ ។
ឆ្នាំ១៨៩៨
ក្នុងអំឡុងមានសង្គ្រាមរវាងប្រទេសអេស្ប៉ាញ និងសហរដ្ឋអាមេរិក កងទ័ពនាវារបស់អាមេរិកបានចាប់ផ្ដើមបិទកំពង់ផែគុយបា ហើយនាវាអាមេរិក USS Nashville ចាប់នាវាដឹកទំនិញរបស់ប្រទេសអេស្ប៉ាញ ។
ឆ្នាំ១៩១២
កាសែតប្រាវដា របស់បក្សកុំមុយនីស្ដនៃសហភាពសូវៀត បានចាប់ផ្ដើមបោះពុម្ព ផ្សាយជាលើកទី១ នៅក្នុងទីក្រុងសាំងភីធ័រប៊ើក (Saint Petersburg)។
ឆ្នាំ១៩១៥
ឧស្ម័នពុលត្រូវបានប្រើក្នុងសង្គ្រាមលោកលើកទី១កាន់តែច្រើនឡើង ដោយប្រើឧស្ម័នក្លូរីន ដែលជាអាវុធគីមីរបស់ប្រទេសអាល្លឺម៉ង់ ហើយបានប្រើក្នុងការប្រយុទ្ធគ្នានៅ Ypres ដោយស្លាប់មនុស្សប្រមាណ១០៥.០០០នាក់ រួមនឹងអ្នករបួសនិងបាត់ខ្លួនផង ។
ឆ្នាំ១៩៣០
សន្ធិសញានាវាទីក្រុងឡុងត្រូវបានចុះហត្ថលេខាដោយចក្រភពអង់គ្លេស សហរដ្ឋអាមេរិក ចក្រភពជប៉ុន ប្រទេសបារាំង និងអ៊ីតាលី ក្នុងគោលបំណងកំណត់នាវាមុជទឹកចំបាំង និងការផលិតនាវា ។
ឆ្នាំ១៩៤៤
ក្នុងសង្គ្រាមលោកលើកទី២ កងទ័ពសម្ព័ន្ធមិត្ដបានប៉ះទង្គិចគ្នាជាមួយប្រទេសជប៉ុននៅតំបន់ហូលឡេនឌៀ (Hollandia ) ដែលបច្ចុប្បន្នជាតំបន់ហ្សាយ៉ាពូរ៉ា ប្រទេសញូវហ្គីណេ ។
ឆ្នាំ១៩៤៥
ក្នុងអំឡុងមានសង្គ្រាមលោកលើកទី២ អ្នកទោសនៅក្នុងជំរំហ្សាសេនណូវ៉ាក ដែលជាជំរំដ៏ធំបំផុតនៅក្នុងប្រទេសក្រូអាតគ្រប់គ្រងដោយប្រទេសយូហ្គោស្លាវី បានងើបបះបោរធ្វើឱ្យមនុស្សប្រមាណ៥២០នាក់ស្លាប់ ហើយមានមនុស្ស៨០នាក់គេចខ្លួនរួចចេញពីជំរំ ។
-ក្រោយពីដឹងថាកងទ័ពសូវៀតបានចូលកាន់កាប់ទីក្រុង Eberswalde របស់អាល្លឺម៉ង់ដោយគ្មានការប្រយុទ្ធគ្នានោះ មេដឹកនាំ អាដុល ហ៊ីទ្លែរ បានសំរេចចុះចាញ់ពីក្រោមដីដែលលាក់ខ្លួន ហើយក៏ជាថ្ងៃដែលធ្វើអត្ដឃាតរបស់មេដឹកនាំចាញ់សង្គ្រាមរូបនេះដែរ ។
ឆ្នាំ១៩៧០
ថ្ងៃដែលពិភពលោកប្រារឰជាលើកទី១ ដើម្បីដឹងគុណដល់បរិស្ថានដ៏ល្អរបស់ផែនដី ហើយមានប្រទេសប្រមាណ១៧០បានប្រារឰ ពិធីនេះ ។
ឆ្នាំ១៩៧២
ការបង្កើននៃការទំលាក់គ្រាប់បែកនៅក្នុងប្រទេសវៀតណាមបានធ្វើឱ្យមានបាតុកម្មប្រឆាំងសង្គ្រាមនៅវៀតណាមកើនឡើងខ្លាំងនៅក្នុងទីក្រុងឡូសអេនចឺឡេស ញូវយ៉ក និងសាន់ហ្វ្រាន់ស៊ីស្កូ ។
ឆ្នាំ១៩៨៣
ទស្សនាវដ្ដីអាល្លឺម៉ង់ Der Stern ដែលអះអាងថា “Hilter Diaries” ឬកំណត់ហេតុប្រចាំថ្ងៃរបស់ហ៊ីទ្លែរត្រូវបានគេរកឃើញ នោះ ត្រូវបានឱ្យដឹងថាជារឿងក្លែងក្លាយ ។
ឆ្នាំ១៩៩១
គណបក្សសង្គមប្រជាធិបតេយ្យរបស់ ប្រទេសអាល់បានីត្រូវបានបង្កើតឡើង។
ឆ្នាំ១៩៩៧
វិបត្ដិចំណាប់ខ្មាំងនៅក្នុងស្ថានទូតជប៉ុនត្រូវបានបញ្ចប់នៅក្នុងប្រទេសប៉េរ៉ូ ។ ចំណាប់ខ្មាំងទាំងអស់ត្រូវបានគេចាប់ខ្លួនតាំងពីថ្ងៃទី១៧ ធ្នូ ១៩៩៦ គឺអស់រយៈពេល១២៦ថ្ងៃ ដោយពួកចលនាបដិវត្ដន៍ Tupac Amara ឬ MRTA ចំនួន១៤នាក់ បានឆ្មក់ចូលស្ថានទូតជប៉ុនក្នុងទីក្រុងលីម៉ា ពេលកំពុងប្រារឰពិធីជប់លៀងអបអរថ្ងៃបុណ្យចំរើនព្រះជន្មគំរប់៦៣ព្រះវស្សានៃព្រះចៅអធិរាជអាគីហ៊ីតូ ដែលមានមនុស្សរាប់រយនាក់បានចូលរួម ។
ពួក MRTA បានធ្វើការទាមទារឱ្យដោះលែងសមាជិកពួកគេដែលជាប់ក្នុងពន្ធនាគារក្នុងប្រទេសប៉េរ៉ូ និងសហរដ្ឋអាមេរិកដូចជា លោកឡូរី បេសេនសុន ហើយបានបន្ទោសពីភាពសាហាវព្រៃផ្សៃនិងអមនុស្សធម៌ក្នុងពន្ធនាគារនៅក្នុងប្រទេសប៉េរ៉ូ ។ ក្នុងការ រំដោះចំណាប់ខ្មាំង ប្រទេសប៉េរ៉ូប្រើកងកុំម្មង់ដូប្រមាណ១៤០នាក់ ហើយរំដោះបានដោយជោគជ័យ ដោយសម្លាប់ក្រុម MRTA ទាំង១៤នាក់ ចំណាប់ខ្មាំងម្នាក់ និងទាហាន២នាក់ ។
ឆ្នាំ២០០០
មានការប្រយុទ្ធគ្នាជាលើកទី២នៅតំបន់មានឈ្មោះថា ផ្លូវដំរីរវាងពួកឧទ្ទាមខ្លាតាមិល និងកងទ័ពស្រីលង្កាដែលត្រូវពួកឧទ្ទាមកាន់កាប់ធ្វើជាមូលដ្ឋានអស់រយៈពេល៨ឆ្នាំមកហើយ ។ ការប្រយុទ្ធគ្នានោះ បានធ្វើឱ្យឧទ្ទាមខ្លាតាមិលស្លាប់ប្រមាណ៣.៥០០នាក់ហើយទ័ពស្រីលង្កាស្លាប់ប្រមាណ៣៥៧នាក់ របួស១.០០០នាក់ ។
ឆ្នាំ២០០៤
យ៉ាងហោចណាស់មានមនុស្សប្រមាណ១៥៤នាក់ស្លាប់ និងរបួស១.២០០នាក់ ក្នុងការផ្ទុះរថភ្លើងមួយនៅក្នុងទីក្រុង Ryong Chon ប្រទេសកូរ៉េខាងជើងដោយសាររថភ្លើងនេះមានផ្ទុកគ្រឿងផ្ទុះ ។ មហន្ដរាយនេះបណ្ដាលឱ្យលំនៅឋាន១.៨៥០ខ្នងត្រូវបាន បំផ្លាញ ។
ឆ្នាំ២០០៧
ប្រទេសកូរ៉េខាងត្បូងយល់ព្រមផ្ដល់ជំនួយស្បៀងឡើងវិញ ទៅប្រទេសកូរ៉េខាងជើង ដោយបានបញ្ជូនស្បៀងប្រមាណ៤០០.០០០តោន។
ឆ្នាំ២០០៩
-ប្រទេសអាហ្សង់ទីន ធ្វើការទាមទារផ្ទៃមហាសមុទ្រ១.៧០០.០០០គីឡូម៉ែត្រ ការ៉េនៃផ្ទៃមហាសមុទ្រពិភពលោក ។
-ចំណាប់ខ្មាំងប្រមាណ៥០០នាក់ ត្រូវបានគេដោះលែងវិញហើយពីការប្លន់រថភ្លើងនៅទីក្រុងឡាតេហារ ប្រទេសឥណ្ឌា ៕
ចែករំលែកព័តមាននេះ