ខេត្តព្រះសីហនុ ៖ នៅវេលាម៉ោង១០ព្រឹកថ្ងៃទី២៥ ខែកក្កដា ឆ្នាំ២០២២ នេះ នាវាកងទ័ពជើងទឹកប៉ាគីស្ថានចំនួន០១គ្រឿងបានចូលចតនៅកំពង់ផែស្វយ័តក្រុងព្រះសីហនុ ដើម្បីធ្វើទស្សនកិច្ចជាផ្លូវការរយៈពេល០៤ថ្ងៃ គិតចាប់ពីថ្ងៃទី២៥ ដល់ថ្ងៃទី២៨…
ខេត្តព្រះសីហនុ ៖ នៅវេលាម៉ោង១០ព្រឹកថ្ងៃទី២៥ ខែកក្កដា ឆ្នាំ២០២២ នេះ នាវាកងទ័ពជើងទឹកប៉ាគីស្ថានចំនួន០១គ្រឿងបានចូលចតនៅកំពង់ផែស្វយ័តក្រុងព្រះសីហនុ ដើម្បីធ្វើទស្សនកិច្ចជាផ្លូវការរយៈពេល០៤ថ្ងៃ គិតចាប់ពីថ្ងៃទី២៥ ដល់ថ្ងៃទី២៨ ខែកក្កដា ឆ្នាំ២០២២ ។
អាជ្ញាធរបានឲ្យដឹងថា នាវានេះបានដាក់ឲ្យដំណើរការនៅឯប្រទេសចិន ហើយត្រូវធ្វើដំណើរត្រឡប់ទៅកាន់ប្រទេសប៉ាគីស្ថានវិញ តែត្រូវធ្វើទស្សនកិច្ចជាផ្លូវការនៅព្រះរាជាណាចក្រកម្ពុជាផងដែរ ដោយមានការដឹកនាំដោយមេបញ្ជាការនាវា លោកវរនាវីឯក Muhammad Yarsir Tahir ។
នាវា ឈ្មោះ PNS TAIMUR Warship (F-262) មានបណ្តោយ១៣៤,១ ម៉ែត្រទទឹង១៦ម៉ែត្រ ជម្រៅទឹក៧ម៉ែត្រ ទម្ងន់ផ្ទុកជាង៤ពាន់តោន នាយនាវីចំនួន១៦នាក់ ពលនាវិកចំនួន១៥៣នាក់។ នាវានេះ នឹងចាកចេញពីកំពង់ផែព្រះសីហនុវិញ នៅវេលាព្រឹកថ្ងៃទី២៨ ខែកក្កដា ខាងមុខ តាមកម្មវិធីកំណត់។
ចែករំលែកព័តមាននេះ