រាជធានីភ្នំពេញ ៖ សមត្ថកិច្ចជំនាញនៃមន្ទីរប្រឆាំងគ្រឿងញៀ.នបង្ក្រាបករណីរក្សាទុកជួញដូរគ្រឿងញៀ.ន ដោយចាប់ខ្លួនជនសង្ស័យជនជាតិចិន១នាក់ និងរឹបអូសគ្រឿងញៀ.នជាង៤៥ គីឡូក្រាម ។ យោងតាមបណ្តាញសង្គមរបស់នគរបាលប្រឆាំងគ្រឿងញៀ.នបានឲ្យដឹងថា អនុវត្តតាមបញ្ជាឯកឧត្តម នាយឧត្ដមសេនីយ៍…
រាជធានីភ្នំពេញ ៖ សមត្ថកិច្ចជំនាញនៃមន្ទីរប្រឆាំងគ្រឿងញៀ.នបង្ក្រាបករណីរក្សាទុកជួញដូរគ្រឿងញៀ.ន ដោយចាប់ខ្លួនជនសង្ស័យជនជាតិចិន១នាក់ និងរឹបអូសគ្រឿងញៀ.នជាង៤៥ គីឡូក្រាម ។
យោងតាមបណ្តាញសង្គមរបស់នគរបាលប្រឆាំងគ្រឿងញៀ.នបានឲ្យដឹងថា អនុវត្តតាមបញ្ជាឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀ.ន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀ.ន សមត្ថកិច្ចជំនាញនៃមន្ទីរប្រឆាំងគ្រឿងញៀ.ន បង្ក្រាបករណីរក្សាទុក ជួញដូរគ្រឿងញៀ.ន ចាប់ខ្លួនជនសង្ស័យជនជាតិចិន១នាក់ និងរឹបអូសគ្រឿងញៀ.នជាង ៤៥ គីឡូក្រាម ។
ប្រភពថា កាលពីថ្ងៃទី២១ ខែ០៧ ឆ្នាំ២០២២ វេលាម៉ោង០១និង៣០នាទី កម្លាំងជំនាញ(ក១០) នៃមន្ទីរប្រឆាំងគ្រឿងញៀ.ន ដឹកនាំដោយលោកឧត្ដមសេនីយ៍ទោ សារី បុត្រសត្យា. លោក វរសេនីយ៍ឯក យឹម សែនឧត្តម នាយករងមន្វីរ. លោក វរសេនីយ៍ឯក តឹក សូនី នាយការិយាល័យ(ក១០). មានការចូលរួមពីកម្លាំងជំនាញនៃស្នងការដ្ឋាននគរបាលរាជាធានីភ្នំពេញ ព្រមទាំងមានការដឹកនាំសម្របសម្រួលពីលោក អ៊ុំ សុភ័ក្រ ព្រះរាជអជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេត ស្រាវជ្រាវបង្ក្រាប នៅ ៤គោលដៅផ្សេងគ្នាជាបន្តបន្ទាប់: -គោលដៅទី១: នៅចំណុច: បន្ទប់លេខ C3-1521 ជាន់ទី១៥ ខុនដូអូឡាំព្យា ផ្លូវ១៨២ ស្ថិតក្នុង សង្កាត់វាលវង់ ខណ្ឌ៧មករា ។ -គោលដៅទី២: នៅបន្ទប់លេខ C4-1103 ជាន់ទី១១ ខុនដូអូឡាំព្យា ផ្លូវ១៨២ ស្ថិតក្នុង សង្កាត់វាលវង់ ខណ្ឌ៧មករា ។ -គោលដៅទី៣: បន្ទប់លេខ C4-1219 ជាន់ទី១២ ខុនដូអូឡាំព្យា ផ្លូវ១៨២ ស្ថិតក្នុង សង្កាត់វាលវង់ ខណ្ឌ៧មករា ។ -គោលដៅទី៤: នៅចំណុច បន្ទប់លេខ៨៧០៨ ជាន់ទី៦ សណ្ឋាគារចយ ផ្លូវលេខ១៨២ សង្កាត់អូរប្ញស្សី ៧មករា ។
ប្រភពបានលើកឡើងថា ក្រោយចុះតាមគោលសមត្ថកិច្ចបាន ឃាត់ខ្លួនជនសង្ស័យ ០១នាក់:ឈ្មោះ HU FENGWEN ភេទប្រុស កើតឆ្នាំ ១៩៨៩ ជនជាតិ ចិន ។
ដោយចាប់បានវត្ថុតាងគ្រឿងញៀនមាន៖ -អ៊ិចស្តាស៊ី(MDMA)ទម្ងន់ ៧ គ.ក្រ ១៥០.១៦ក្រាម។ -មេតំហ្វេតាមីន(ICE)ទម្ងន់ ១៤ គ.ក្រ ០២៤ក្រាម។ -កេតាមីន(KETAMIN)ទម្ងន់ ២៤ គ.ក្រ ៣៨០ក្រាម។ -នីមេតាហ្សេប៉ាម(NIMETAZEPAM)ទម្ងន់ ១៤៤ក្រាម។
សរុបសារធាតុញៀនចំនួន ៤៥ គ.ក្រ ៦៩៨.១៦ក្រាម និងកញ្ឆា៤០៨ ក្រាម។សារធាតុគីមី ២៥ គ.ក្រ ១៥៣.៣៨ក្រាម។
បច្ចុប្បន្ន ជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញយើងបានកសាងសំណុំរឿងបញ្ជូនទៅសាលាដំបូងរាជធានីភ្នំពេញបន្តតាមនីតិវិធី ៕
ចែករំលែកព័តមាននេះ