ខេត្តបាត់ដំបង៖ ក្រុមជនទុច្ចរិកចំនួន០៣នាក់ ដែលសកម្មភាពបំផុតក្នុងការស្ទាក់កា.ប់ប្ល.ន់អ្នកដំណើរយកទ្រព្យសម្បត្តិនិងម៉ូតូតាមដងផ្លូវ ដែលសមត្ថកិច្ចចាប់ខ្លួនបាន ពេលនេះត្រូវបានកសាងសំណុំរឿងបញ្ជូនទៅកាន់សាលាដំបូង នៅព្រឹកថ្ងៃទី ២៥ កក្កដា នេះ ក្រោយពីបញ្ចប់ការសួរនាំ។…
ខេត្តបាត់ដំបង៖ ក្រុមជនទុច្ចរិកចំនួន០៣នាក់ ដែលសកម្មភាពបំផុតក្នុងការស្ទាក់កា.ប់ប្ល.ន់អ្នកដំណើរយកទ្រព្យសម្បត្តិនិងម៉ូតូតាមដងផ្លូវ ដែលសមត្ថកិច្ចចាប់ខ្លួនបាន ពេលនេះត្រូវបានកសាងសំណុំរឿងបញ្ជូនទៅកាន់សាលាដំបូង នៅព្រឹកថ្ងៃទី ២៥ កក្កដា នេះ ក្រោយពីបញ្ចប់ការសួរនាំ។
ជនសង្ស័យទាំង០៣នាក់ ឈ្មោះ ហម ហៀ ហៅ ភូ អាយុ១៧ឆ្នាំ ឈ្មោះទី ស៊ីឡុង ហៅ បញ្ញា ទី អាយុ២២ឆ្នាំ និង ឈ្មោះ ហូរ វ៉ា ហៅ សី អាយុ១៧ឆ្នាំ។ ជនសង្ស័យទាំង០៣នាក់នេះ ត្រូវកម្លាំងការិយាល័យព្រហ្មទណ្ឌកំរិតស្រាល នៃស្នងការខេត្តបាត់ដំបង ធ្វើការស្រាវជ្រាវនិងឃាត់ខ្លួនបានជាបន្តបន្ទាប់ កាលពីថ្ងៃទី ២១ រហូតដល់ថ្ងៃទី ២៣ កក្កដា ពាក់ព័ន្ធនឹងអំពើប្លន់តាមដងផ្លូវ។
ប្រធានការិយាល័យព្រហ្មទណ្ឌកំរិតស្រាល ដែលដឹកនាំកិច្ចប្រតិបត្តិការនេះផ្ទាល់ លោក ឈឿង
គឹមសុង បានប្រាប់ថា ក្នុងចំណោមជនសង្ស័យទាំង០៣នាក់នេះ មានម្នាក់ឈ្មោះ ហម ហៀ ត្រូវកម្លាំងរបស់លោកតាមចាប់ខ្លួនបានមុនគេ នៅក្រុងប៉ោយប៉ែត ខេត្តបន្ទាយមានជ័យ បន្ទាប់មកទើបតាមចាប់ខ្លួនបក្សពួកបាន០២នាក់ទៀត នៅក្នុងក្រុងបាត់ដំបង។ លោក ឈឿង គឹមសុង បានបញ្ជាក់ថា បើតាមចម្លើយសារភាពរបស់ពួកចោរប្លន់នេះ ពួកគេមានបក្សពួកយ៉ាងតិចជាង១០នាក់ ដែលតែងចេញធ្វើសកម្មភាពស្ទាក់កា.ប់ប្លន់អ្នកដំណើតាមដងផ្លូវនាពេលកន្លងមក នៅខេត្តបាត់ដំបង និង ខេត្តបន្ទាយមានជ័យ។
ប៉ុន្តែពេលនេះ ត្រូវកម្លាំងរបស់លោក ឃាត់ខ្លួនបាន០៣នាក់ និង ប៉ុន្មាននាក់ទៀត ត្រូវកម្លាំងសមត្ថកិច្ចខេត្តបន្ទាយមានជ័យ ឃាត់ខ្លួនបានដែរ តែនៅមានគួរក្រុមចោរនេះប៉ុន្មាននាក់ទៀតកំពុងគេចខ្លួន ។ បើយោងរបាយការណ៍សមត្ថកិច្ច ក្រុមចោរប្លន់វ័យឈាមរក្ដៅ ដែលកម្លាំងសមត្ថកិច្ចឃាត់ខ្លួនមួយហ្វូង ទាំងនៅខេត្តបាត់ដំបង និងនៅខេត្តបន្ទាយមានជ័យខាងលើនេះ បានធ្វើសកម្មភាព ប្លនយកម៉ូតូអ្នកដំណើរជាច្រើនករណី នៅក្នុងទឹកដីខេត្តទាំង០២ ដែលមានព្រំដែនជាប់គ្នាខាងលើនេះ ។
ដោយឡែក នៅខេត្តបាត់ដំបង បើតាមព្រឹត្តហេតុ របស់សមត្ថកិច្ច ក្រុមចោរប្លន់នេះ មានជាប់ពាក់ព័ន្ធនឹងអំពើប្លន់និងលួចចំនួន០៣លើកផ្ទូនៗ នៅក្នុងស្រុកបវេល និង ស្រុកថ្មគោល។ លើកទី១ នៅវេលារំលងអាធ្រាត្រឈានចូលថ្ងៃទី ១៤ កក្កដា ក្រុមនេះបានធ្វើសកម្មភាពលួចយកម៉ូតូម៉ាកZoomer X មួយគ្រឿង នៅភូមិបឹងសង្កែ ឃុំអំពិលប្រាំដើម ស្រុកបវេល របស់ជនរងគ្រោះឈ្មោះខន សុឃឿត ស្រីអាយុ៣៣ឆ្នាំ។ ក្រោយពីលួចម៉ូតូខាងលើនេះមិនបានប៉ុន្មានម៉ោងផង ស្រាប់តែក្រុមនេះបានប្រើប្រាសកាំបិតខ្វែងស្ទាក់កាប់អ្នកដំណើរប្លន់យកម៉ូតូម៉ាកហុងដាឌ្រីមមួយគ្រឿងទៀត នៅត្រង់ចំណុចភូមិអំពិល ឃុំអំពិលប្រាំដើម ដដែលរបស់ជនរងគ្រោះឈ្មោះ ទឹម មាន អាយុ៣៤ឆ្នាំ ខណៈគាត់កំពុងឌុបប្រពន្ធ តែមិនបណ្ដាលឲ្យរងរបួសទេ។
ករណីទី២ នៅវេលារំលងអធ្រាត្រឈានចូលថ្ងៃទី ១៩ កក្កដា ក្រុមចោរហារយដដែលនេះ ដែលមានបក្សពួកជាង១០នាក់ជិះម៉ូតូហែរហមគ្នាចំនួន០៤គ្រឿង បានធ្វើសកម្មភាពស្ទាក់កា.ប់ជនរងគ្រោះប្លន់យកម៉ូតូបានចំនួន០២គ្រឿងក្នុងពេលតែមួយ នៅចំណុចភូមិតាសី ឃុំតាម៉ឺន ស្រុកថ្មគោល ដែលជនរងគ្រោះឈ្មោះ ខេង សារ៉ែន ស្រីអាយុ៤១ឆ្នាំ និង ឈ្មោះហ៊ិន ឡៅហ៊ុន ហៅ ម៉ាប់ ប្រុសអាយុ៣១ឆ្នាំ រងរបួសដៃម្ខាង ។
លោក ឈឿង គឹមសុង ប្រធានការិយាល័យព្រហ្មទណ្ឌកំរិតស្រាល បាននិយាយថា ក្រោយពីប្លន់បានម៉ូតូប៉ុន្មានគ្រឿងជាបន្តបន្ទាប់ ក្រុមនេះបាននាំគ្នាជិះគេចខ្លួនទៅកាន់ក្រុងប៉ោងប៉ែត ហើយបានបន្តធ្វើសកម្មភាពប្លន់យកម៉ូតូអ្នកដំណើរនៅទីនោះទៀត។ លោកបានបញ្ជាក់ថា ស្របពេលកម្លាំងរបស់លោកកំពុងធ្វើការស្រាវជ្រាវ កំណត់បាននូវមុខសញ្ញាក្រុមនេះ និង តាមរហូតដល់ក្រុងប៉ោយប៉ែត ទើបឈានដល់ការឃាត់ខ្លួនបានម្នាក់ដោយមានកិច្ចសហការពីកម្លាំងអធិការក្រុងប៉ោងប៉ែត និងតំណាងអយ្យការអមសាលាដំបូងខេត្តទាំង០២ផង រីឯ០២នាក់ទៀតចាប់ខ្លួននៅក្រុងបាត់ដំបង ខណៈបក្សពួកក្រុមចោរនេះប៉ុន្មាននាក់ទៀត ត្រូវកម្លាំងអធិការក្រុងប៉ោយប៉ែតបង្ក្រាបបានដែរ តែនៅមានគួរកនប៉ុន្មាននាក់ទៀត កំពុងរត់ចោលស្រុក។
ជាមួយនឹងការឃាត់ខ្លួននេះ សមត្ថកិច្ចដកហូតបានម៉ូតូចំនួន០៣គ្រឿង ដែលក្រុមនេះជិះធ្វើសកម្មភាពប្លន់ និង ម៉ូតូជនរងគ្រោះ ដែលក្រុមនេះប្លន់បាន រួមទាំងកាំបិតខ្វែវដែលក្រុមនេះប្រើសម្រាប់កាប់ជនរងគ្រោះប្លន់យកទ្រព្យសម្បត្តិនិងម៉ូតូ។ យ៉ាងណាក្ដី បើតាមលោក ឈឿង គឹមសុង បានបញ្ជាក់ថា បើតាមការសើបអង្កេត និង ការផ្ដល់ចម្លើយរបស់ក្រុមចោរវ័យឈាមក្ដៅទាំងនេះ គឺពួកគេមានគ្នីគ្នាយ៉ាងតិចជាង១០នាក់ ហើយពួកគេភាពច្រើនសម្ងំលាក់ខ្លួននៅក្រុងប៉ោយប៉ែត ដែលជាតំបន់មានសុវត្ថិភាពបំផុតរបស់ពួកគេ ក្នុងការប្រព្រឹត្តបទល្មើសទាំងអំពើប្លន់ និង ប្រព្រឹត្តល្បែងស៊ីសង រួមទាំងការប្រើប្រាស់គ្រឿងញៀនផងដែរ។
នេះជាចម្លើយរបស់ក្រុមចោរប្លន់វ័យក្មេង។ ក្រុមនេះត្រូវលោកស្នងការខេត្ត បញ្ជាឲ្យកសាងសំណុំរឿងបញ្ជូនទៅប្រគល់ជូនតំណាងអយ្យការនៅព្រឹកថ្ងៃទី ២៥ កក្កដា នេះហើយ ៕
ចែករំលែកព័តមាននេះ