ខ្លាំងណាស់តើ ! បុកគេហើយ ស្តីឲ្យនគរបាលទៀត
រាជធានីភ្នំពេញ ៖ ស្ត្រីម្នាក់បើករថយន្តជ្រុលទៅរថយន្តមួយគ្រឿងទៀត ហើយនិយាយមិនសមរម្យជាមួយម្ចាស់រថយន្ត ថែមទាំងស្តីឲ្យនគរបាលទៀត រួចបើករថយន្តរត់ …
រាជធានីភ្នំពេញ ៖ ស្ត្រីម្នាក់បើករថយន្តជ្រុលទៅរថយន្តមួយគ្រឿងទៀត ហើយនិយាយមិនសមរម្យជាមួយម្ចាស់រថយន្ត ថែមទាំងស្តីឲ្យនគរបាលទៀត រួចបើករថយន្តរត់ …
រាជធានីភ្នំពេញ ៖ ស្ត្រីម្នាក់បើករថយន្តជ្រុលទៅរថយន្តមួយគ្រឿងទៀត ហើយនិយាយមិនសមរម្យជាមួយម្ចាស់រថយន្ត ថែមទាំងស្តីឲ្យនគរបាលទៀត រួចបើករថយន្តរត់ទៅរកអាវុធហត្ថជួយដោះស្រាយនៅតែដោះស្រាយមិនចេញ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០ និង០៥នាទីយប់ ថ្ងៃទី២៨ ខែធ្នូ ឆ្នាំ២០១៦ នៅចំណុចទល់មុខវត្តទួលទំពូង ផ្លូវម៉ៅសេទុង កែងផ្លូវលេខ១៤៣ សង្កាត់បឹងកេងកង៣ ខណ្ឌចំការមន ។
ប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្តម៉ាក ហ៊ីលុច វីហ្គោ ពណ៌ស ពាក់ស្លាកលេខ ភ្នំពេញ 2AH-5669 ជិះគ្នា៣នាក់ឪពុក ម្ដាយ និងកូន បានធ្វើដំណើរតាមផ្លូវម៉ៅសេទុង ក្នុងទិសដៅពីជើងទៅត្បូង ខណៈមកដល់ចំណុចកើតហេតុដែលជាផ្លូវអក្សរតេ ស្រាប់តែស្ត្រីម្នាក់អាយុប្រហែល៣០ឆ្នាំ និងបុរសវ័យចំណាស់ម្នាក់ បានបើករថយន្តម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2AK-4350 ធ្វើដំណើរតាមផ្លូវលេខ១៤៣ ក្នុងទិសដៅពីកើតទៅលិច ក្នុងល្បឿនលឿន និងស្រវឹងទាំង២នាក់ ជ្រុលទៅបុករថយន្តម៉ាកវីហ្គោចំកន្ទុយក្រោយចំហៀងខាងស្តាំបណ្តាលឲ្យកំពិត និងវៀចកាង តែមិនគ្រោះថ្នាក់ដល់មនុស្សនោះទេ ។ ដោយឡែកខាងរថយន្តបង្កវិញរងកាខូចខាតបែកស្តុបមុខចំហៀងខាងឆ្វេង និងកំពិតថ្ពាល់ខាងឆ្វេងបន្តិច តែមិនមានគ្រោះថ្នាក់ដល់មនុស្សដូចគ្នា ។
ប្រភពបន្តទៀតថា ភ្លាមៗនោះភាគីទាំងសងខាងបានចុះពីលើរថយន្តប្រកែកយកត្រូវរៀងៗខ្លួន រួចហើយបានធ្វើការចរចាគ្នានៅតែមិនត្រូវរ៉ូវគ្នាទៀត ដោយខាងរថយន្តវីហ្គោទារសំណងជាលុយ ឯខាងរថយន្តកាមរីបាឡែន ទាមទារយករថយន្តទៅជួសជុលឲ្យ ដោយសារតែស្ត្រីជាអ្នកបើករថយន្តបង្កស្រវឹងខ្លាំងពេក បានស្តីឲ្យសមត្ថកិច្ចមូលដ្ឋានដែលចុះទៅសម្របសម្រួលលនៅកន្លែងកើតហេតុទៀតថា សមត្ថកិច្ចមិនជួយដោះស្រាយ តែសមត្ថកិច្ចមូលដ្ឋានបានប្រាប់ថា ចាំខាងជំនាញមក ព្រោះអីគាត់មិនមែនជំនាញចរាចរណ៍នោះទេ ។ លុះមួយសន្ទុះក្រោយមកខាងសមត្ថកិច្ចជំនាញបានមកដល់ដើម្បីធ្វើវាស់យករថយន្តទៅដោះស្រាយនៅខណ្ឌ ស្រាប់តែស្ត្រីជាអ្នកបើករថយន្តបង្កខឹង រួចហើយបានឡើងបើករថយន្តចេញពីកន្លែងកើតហេតុទៅឈប់នៅមុខទីបញ្ជាការកងរាជអាវុធហត្ថខណ្ឌចំការមនដើម្បីឲ្យលោកមេបញ្ជាការអាវុធហត្ថខណ្ឌចំការជួយដោះស្រាយ ធ្វើឲ្យផ្អើលមេអាវុធហត្ថខណ្ឌចំការមនចេញមុខមកជួយសម្របសម្រួលហើយនៅតែមិនត្រូវគ្នាទៀត ។
ក្រោយពេលកើតហេតុ ដោយសារតែការសម្របសម្រួលមិនត្រូវគ្នា ហើយស្ត្រីជាបើករថយន្តបង្កមានអាកប្បកិរិយា និងសម្តីមិនសមរម្យទៅលើសមត្ថកិច្ចផងនោះ រថយន្តទាំង២គ្រឿងត្រូវបានសមត្ថកិច្ចជំនាញចរាចរណ៍យកទៅរក្សារទុកនៅអធិការដ្ឋាននគរបាលខណ្ឌចំការមន ដើម្បីធ្វើការដោះស្រាយនៅពេលក្រោយ ៕
ចែករំលែកព័តមាននេះ