ខេត្តបាត់ដំបង ៖ សេចក្ដីរាយការណ៍ឱ្យដឹងថា រថយន្តម៉ាកហាយឡិនឌ័រមួយគ្រឿង បើកបុកអ្នកជិះម៉ូតូបណ្ដាលឱ្យស្លាប់មនុស្ស២នាក់ កាលពីវេលាម៉ោង០៦ និង២០យប់ថ្ងៃទី២៧ ធ្នូ ស្ថិតតាមបណ្តផយផ្លូវជាតិលេខ៥ ត្រង់ចំណុចភូមិស្រះកែវ ឃុំកំពង់ព្រះ ស្រុកសង្កែ ។
សេចក្ដីរាយការណ៍ឱ្យដឹងទៀតថា រថយន្តបង្កម៉ាកហាយឡិនឌ័រ ពណ៌ប្រផេះ ពាក់ស្កាកលេខភ្នពេញ2AL-6422 បើកបរដោយឈ្មោះហ៊ិន សៅរិទ្ធ អាយុ៤៤ឆ្នាំ មានទីលំនៅក្នុងខណ្ឌសែនសុខ រាជធានីភ្នំពេញ (ឃាត់ខ្លួនបាន) បើករថយន្តនេះជ្រុលចង្កូតទៅបុកអ្នកជិះម៉ូតូ ដែលធ្វើដំណើបញ្ច្រាសទិសគ្នា បណ្ដាលឲ្យមនុស្ស២នាក់ស្លាប់ជាបន្តបន្ទាប់ ។
ជនរងគ្រោះទាំង២នាក់ ១-ឈ្មោះវី សម្បត្តិ អាយុ២១ឆ្នាំ រស់នៅភូមិអូសទូក ឃុំកំពង់ព្រៀង ស្រុកសង្កែ (ស្លាប់នៅនឹងកន្លែងកើតហេតុ) និង២-ឈ្មោះអ៊ុក ផល្លា ភេទស្រី អាយុ២៩ឆ្នាំ បានស្លាប់ពេលបញ្ជូនដល់មន្ទីរពេទ្យ ទាំង២នាក់ជិះម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខបាត់ដំបង 1F-2081 ។
សមត្ថកិច្ចបាននាំយករថយន្តបង្ក និងម៉ូតូជនរងគ្រោះទៅកាន់ការិយាល័យចរាចរណ៏ខេត្តដើម្បីចាត់វិធានការតាមផ្លូវច្បាប់ហើយ៕
ចែករំលែកព័តមាននេះ