រាជធានីភ្នំពេញ ៖ មុននេះបន្តិច បានរកឃើញជនបរទេសដែលកើតជម្ងឺ អុតស្វាហើយ គិតត្រឹមម៉ោងនេះ សមត្ថកិច្ចបានឃាត់ខ្លួនជនជាតិនីហ្សេរីយ៉ាដែលរត់គេចពីព្រះរាជាណាចក្រថៃចូលមកព្រះរាជាណាចក្រកម្ពុជាបានហើយ គឺនៅត្រង់ចំណុចផ្ទះសំណាក់ព័ណ៌មាស ផ្លូវ៤៣០ កែងផ្លូវ៤៨០…
រាជធានីភ្នំពេញ ៖ មុននេះបន្តិច បានរកឃើញជនបរទេសដែលកើតជម្ងឺ អុតស្វាហើយ គិតត្រឹមម៉ោងនេះ សមត្ថកិច្ចបានឃាត់ខ្លួនជនជាតិនីហ្សេរីយ៉ាដែលរត់គេចពីព្រះរាជាណាចក្រថៃចូលមកព្រះរាជាណាចក្រកម្ពុជាបានហើយ គឺនៅត្រង់ចំណុចផ្ទះសំណាក់ព័ណ៌មាស ផ្លូវ៤៣០ កែងផ្លូវ៤៨០ ក្បែររង្វង់មូលផ្សារដើមថ្កូវ សង្កាត់ទូលទំពូង២ ខណ្ឌចំការមន រាជធានីភ្នំពេញ។
នេះបើយោងតាមផេក រដ្ឋបាលខណ្ឌដូនពេញបានផ្សាយ បន្ទាប់ពីមានការស្វែងរក យ៉ាងសស្រាក់សស្រាំ ពីអជ្ញាធរជំនាញ សហការណ៍ជួយអជ្ញាធរខណ្ឌដូនពេញ និងខណ្ឌក្នុងរាជធានីភ្នំពេញ ដែលមានព័ត៌មានថាជនសង្ស័យខាងលើ កំពុងស្ថិតនៅតំបន់ រមណីយដ្ឋានវត្តភ្នំ និង ធ្វើស្រាវជ្រាវ រហូតរដល់រកឃើញជនខាងលើ នេះនៅម្ដុំផ្សារដើមថ្កូវខណ្ឌចំការមន រាជធានីភ្នំពេញវិញ ។
ជនជាតិនីហ្សេរីយ៉ារូបនេះ ត្រូវបានប្រគល់ជូនមន្ដ្រីជំនាញរបស់ក្រសួងសុខាភិបាល ដើម្បីអនុវត្តវិធានការបន្ដ ។
សូមបញ្ជាក់ថា ថៃបានរកឃើញករណីជំងឺអ៊ុតស្វា (Monkeypox) ជាលើកដំបូងនៅលើជនបរទេសម្នាក់ ប៉ុន្តែអ្នកជំងឺជនជាតិនីហ្សេរីយ៉ាវ័យ ២៧ឆ្នាំរូបនោះ បានបាត់ខ្លួន ក្រោយពេលមានការប្រាប់ពីលទ្ធផលធ្វើតេស្តវិជ្ជមានរបស់គាត់កាលពីថ្ងៃចន្ទ ទី១៨ កក្កដាកន្លងទៅនេះ ។
មន្ត្រីសុខាភិបាលថៃ និងអាជ្ញាធរមូលដ្ឋានបាននឹងកំពុងតាមដានអ្នកជំងឺ ដើម្បីផ្តល់ការព្យាបាលដល់គាត់ និងដើម្បីគ្រប់គ្រងការរីករាលដាលនៃជំងឺនេះ ចាប់តាំងពីថ្ងៃច័ន្ទ ៕
ចែករំលែកព័តមាននេះ