នាយករដ្ឋមន្ត្រីថៃ Prayuth Chan-o-cha បានឆ្លងផុតពីការបោះឆ្នោតដកទំនុកចិត្តនៅក្នុងរដ្ឋសភានៅថ្ងៃសៅរ៍ ទី២៣ ខែកក្កដានេះ មុនពេលមានការបោះឆ្នោតសកលដែលនឹងធ្វើឡើងនាពេលខាងមុខ។ អតីតមេទ័ពវ័យ ៦៨ឆ្នាំ ដែលបានឡើងកាន់អំណាច…
នាយករដ្ឋមន្ត្រីថៃ Prayuth Chan-o-cha បានឆ្លងផុតពីការបោះឆ្នោតដកទំនុកចិត្តនៅក្នុងរដ្ឋសភានៅថ្ងៃសៅរ៍ ទី២៣ ខែកក្កដានេះ មុនពេលមានការបោះឆ្នោតសកលដែលនឹងធ្វើឡើងនាពេលខាងមុខ។
អតីតមេទ័ពវ័យ ៦៨ឆ្នាំ ដែលបានឡើងកាន់អំណាច បន្ទាប់ពីមានការធ្វើរដ្ឋប្រហារក្នុងឆ្នាំ ២០១៤ ទទួលបានសំឡេងគាំទ្រគ្រប់គ្រាន់ដែលធានាឲ្យលោកនៅរក្សាតំណែងបានរហូតដល់ចប់អាណត្តិនៅខែមីនា ឆ្នាំ ២០២៣ខាងមុខ។
លោកទទួលបានសំឡេងឆ្នោតគាំទ្រចំនួន ២៥៦សំឡេង និងប្រឆាំង ២០៦សំឡេង និងអនុប្បវាទ ៩សំឡេង។ គណបក្សប្រឆាំងត្រូវការសំឡេងច្រើនជាង ២៣៩ ក្នុងចំណោម ៤៧៧សំឡេងក្នុងសភា ដើម្បីទម្លាក់លោក Prayuth Chan-o-cha ចេញពីតំណែង។
នាយករដ្ឋមន្ត្រី និងសមាជិកគណៈរដ្ឋមន្ត្រីចំនួន ១០រូប រួចផុតពីការឡាយផ្ទាល់តាមកញ្ចក់ទូរទស្សន៍រយៈពេល ៤ថ្ងៃពីបក្សប្រឆាំងដែលចោទពួកគេពីបទពុករលួយ និងការគ្រប់គ្រងសេដ្ឋកិច្ចមិនត្រឹមត្រូវ ដែលជាកិច្ចប្រឹងប្រែងរបស់បក្សប្រឆាំងដើម្បីធ្វើឲ្យខូចកិត្តិយសដល់សម្ព័ន្ធគណបក្ស ១៧ មុនពេលមានការបោះឆ្នោតខាងមុខ។
នេះជាលើកទី ៤ហើយដែលការដឹកនាំរបស់លោក Prayuth Chan-o-cha ត្រូវបានដាក់ឲ្យស្ថិតក្រោមការបោះឆ្នោតដកទំនុកចិត្ត ចាប់តាំងពីលោកត្រូវបានសភាជ្រើសរើសឲ្យបន្តកាន់តំណែងជានាយករដ្ឋមន្ត្រីនៅក្នុងឆ្នាំ ២០១៩៕ (យោងតាមប្រភព៖ Reuters)
ចែករំលែកព័តមាននេះ