ឃា.តករបា.ញ់សម្លា.ប់អតីតនាយករដ្ឋមន្ត្រីជប៉ុន ហ្សិនហ្សូ អាបេ (Shinzo Abe) នឹងត្រូវទទួលការវា.យតម្លៃផ្លូវចិត្ត រហូតដល់ចុងឆ្នាំ២០២២នេះ ។ នេះបើយោងតាមប្រព័ន្ធផ្សព្វផ្សាយជប៉ុន នៅថ្ងៃសៅរ៍ ទី ២៣ កក្កដានេះ ។
Tetsuya Yamagami វ័យ ៤១ឆ្នាំ ត្រូវបានប៉ូលិសកំណត់ថា ជាជនសង្ស័យដែលបានបា.ញ់ប្រហារលើលោក ហ្សិនហ្សូ អាបេ ទាំងកណ្តាលថ្ងៃ ខណៈលោកកំពុងថ្លែងសុន្ទរកថា នៅតាមដងផ្លូវនៅក្នុងទីក្រុង Nara កាលពីថ្ងៃទី៨ ខែកក្កដាកន្លងទៅនេះ ។
ជនសង្ស័យត្រូវបានចាប់ខ្លួនភ្លាមៗនៅកន្លែងកើតហេតុ បន្ទាប់ពីប្រើកាំភ្លើ.ងច្នៃធ្វើឃា.តលោក អាបេ ដែលជានាយករដ្ឋមន្ត្រីកាន់តំណែងយូរបំផុតក្នុងប្រវត្តិសាស្ត្រជប៉ុន ។
តុលាការនៅក្នុងទីក្រុង Nara ស្ថិតនៅភាគខាងលិចជប៉ុន កន្លែងដែលជនសង្ស័យរស់នៅបានយល់ព្រមតាមសំណើររបស់រដ្ឋអាជ្ញាដែលស្នើថា ជនសង្ស័យត្រូវឃុំខ្លួន ដើម្បីធ្វើការពិនិត្យជំងឹផ្លូវចិត្ត ។ នេះបើយោងតាមប្រព័ន្ធផ្សព្វផ្សាយ Nikkie បានចុះផ្សាយ ។
ការវា.យតម្លៃជំងឺផ្លូវចិត្តលើជនសង្ស័យនឹងមានរយៈពេលរហូត ដល់ថ្ងៃទី២៩ ខែវិច្ឆកា និងត្រូវកំណត់ថា តើជនសង្ស័យនោះត្រូវចោទប្រកាន់ពីបទបា.ញ់ប្រហារឬយ៉ាងណា ៕ (យោងតាមប្រភព៖ Reuters & Nikkie)
ចែករំលែកព័តមាននេះ