ដំណោះស្រាយក្នុងការព្យាបាលស្បែកដែលឆ្លងមេរោគផ្សិត
នៅពេលដែលស្បែកប្រែជាក្រហមហើយមានពងបែក ឈឺ និងរមាស់ អ្នកត្រូវតែមានការប្រុងប្រយ័ត្នខ្ពស់ ។ ទាំងនេះជាសញ្ញាដែលបង្ហាញថា ស្បែករបស់អ្នកបានឆ្លងមេរោគផ្សិត ។
នៅពេលដែលស្បែកប្រែជាក្រហមហើយមានពងបែក ឈឺ និងរមាស់ អ្នកត្រូវតែមានការប្រុងប្រយ័ត្នខ្ពស់ ។ ទាំងនេះជាសញ្ញាដែលបង្ហាញថា ស្បែករបស់អ្នកបានឆ្លងមេរោគផ្សិត ។
នៅពេលដែលមានការឆ្លងមេរោគផ្សិតលើស្បែកវាកើតឡើងជាពិសេសនៅចន្លោះម្រាមជើងរបស់អ្នក នៅតំបន់ប្រដាប់ភេទ និងនៅតំបន់ដែលមានផ្នត់លើស្បែក ។ ការរក្សាអនាម័យផ្ទាល់ខ្លួនគឺមានសារៈសំខាន់ខ្លាំងណាស់ដើម្បីជៀសវាងការឆ្លងមេរោគផ្សិត ។
អ្នកចាំបាច់ត្រូវមានការប្រុងប្រយ័ត្នបន្ថែមទៀតនៅពេលមានការឆ្លងមេរោគលើស្បែកដែលបង្កឡើងដោយផ្សិត ។ ប្រសិនបើមិនព្យាបាលឲ្យទាន់ពេលវេលាវាអាចនាំឱ្យមានបញ្ហាសុខភាពធ្ងន់ធ្ងរជាច្រើនទៀត ។ ទាំងនេះគឺជាមធ្យោបាយមួយចំនួនក្នុងការព្យាបាលការឆ្លងមេរោគផ្សិតលើស្បែក ៖
១-មៀត ៖ រមៀត មានលក្ខណៈសម្បត្តិប្រឆាំងនឹងមេរោគផ្សិត និងជាថ្នាំសម្លាប់មេរោគ ។
បុករមៀតឆៅមួយដុំបន្ទាប់មកច្របាច់ទឹកវា ហើយលាបលើតំបន់ដែលមានបញ្ហារលាក ។ ទុកវាចោលរយៈពេលប្រហែលពីរម៉ោង ។ លាងវាចេញជាមួយទឹកក្តៅឧណ្ហៗ និងទុកឲ្យវាស្ងួត ។ ធ្វើបែបនេះ១-២ដងក្នុងមួយថ្ងៃ ។
២-ទឹកខ្មេះ ៖ បន្តក់ទឹកខ្មេះពីរបីតំណក់ក្នុងទឹកមួយចាន ។ លាបទឹកខ្មេះដែលបានពង្រាវនេះលើតំបន់ដែលមានបញ្ហា ហើយទុកវាចោលប្រហែល១៥នាទីបន្ទាប់មកលាងវាចេញ នឹងជួយព្យាបាលការឆ្លងមេរោគផ្សិតលើស្បែកយ៉ាងមានប្រសិទ្ធភាព ។
៣-ខ្ទឹមស ៖ ខ្ទឹមស មានលក្ខណៈសម្បត្តិប្រឆាំងនឹងមេរោគផ្សិតវាអាចជួយក្នុងការព្យាបាលការឆ្លងមេរោគលើស្បែក ដែលបង្កឡើងដោយពពួកផ្សិតប្រកបដោយប្រសិទ្ធភាព។
បុកខ្ទឹមសពីរទៅបីកំពឹស បន្ទាប់មកបន្តក់ប្រេងអូលីវពីរទៅបីតំណក់ និងលាយល្បាយនេះឲ្យសព្វ ហើយលាបវានៅលើតំបន់ដែលមានការឆ្លងមេរោគផ្សិត និងទុកវាចោលកន្លះម៉ោង ។
បន្ទាប់មកលាងវាចេញជាមួយទឹកក្តៅឧណ្ហៗហើយទុកឲ្យវាស្ងួត ។
៤-យ៉ាអួ ៖ យ៉ាអួ មានសារធាតុប្រូបៃអូតិចដែលជួយក្នុងការការពារការលូតលាស់នៃមេរោគផ្សិត ។ អ្នកអាចជ្រលក់សំឡីទៅក្នុងយ៉ាអួ ហើយជូតវានៅលើតំបន់ដែលមានមេរោគផ្សិត ។ ទុកវាចោលរយៈពេលប្រហែលកន្លះម៉ោង បន្ទាប់មកលាងវាចេញជាមួយទឹកក្តៅឧណ្ហ រួចទុកឲ្យវាស្ងួត ។ ធ្វើដូចនេះយ៉ាងហោចណាស់ម្តងក្នុងមួយថ្ងៃវានឹងជួយកម្ចាត់បញ្ហាការឆ្លងមេរោគផ្សិតលើស្បែកបាន ។
៥-ប្រេងដូង ៖ ប្រេងដូង គឺជាឱសថបុរាណដែលល្អបំផុតសម្រាប់ព្យាបាលការឆ្លងមេរោគផ្សិតលើស្បែក ។ លាបប្រេងដូងទៅលើតំបន់ដែលមានការឆ្លងមេរោគផ្សិត ។ ធ្វើដូចនេះយ៉ាងហោចណាស់ពីរដងក្នុងមួយថ្ងៃដើម្បីទទួលបានលទ្ធផលល្អបំផុត ។ ប្រសិទ្ធភាពនៃប្រេងដូងគឺសម្អាតស្បែក ៕
ចែករំលែកព័តមាននេះ