ប្រទេសសិង្ហបុរី ៖ តាមអ្នកវិភាគទីផ្សារឲ្យដឹងថា ប្រទេសកូរ៉េខាងត្បូងគួរមានយុទ្ធសាស្ត្រសហការដោយខ្លួនឯងជាមួយអាស៊ាន តាមរយៈការពង្រឹងសហប្រតិបត្តិការផ្នែកនយោបាយ និងសង្គម ដើម្បីទទួលបាន
ប្រទេសសិង្ហបុរី ៖ តាមអ្នកវិភាគទីផ្សារឲ្យដឹងថា ប្រទេសកូរ៉េខាងត្បូងគួរមានយុទ្ធសាស្ត្រសហការដោយខ្លួនឯងជាមួយអាស៊ាន តាមរយៈការពង្រឹងសហប្រតិបត្តិការផ្នែកនយោបាយ និងសង្គម ដើម្បីទទួលបានជំហរមួយកាន់តែរឹងមាំ ។
ពួកគេអះអាងថា កូរ៉េខាងត្បូងមិនគួរព្យាយាមធ្វើត្រាប់តាមប្រទេសចិន និងជប៉ុនឡើយ ព្រោះឥទ្ធិពល និងវត្តមានរបស់ប្រទេសនេះក្នុងអាស៊ាន គឺខុសគ្នាយ៉ាងឆ្ងាយពីប្រទេសសេដ្ឋកិច្ចធំៗទាំងពីរនោះ ។
សេដ្ឋវិទូ លោក Su Sian Lim របស់ HSBC ASEAN ថ្លែងថា ៖ « ចំណាប់អារម្មណ៍ ការប្តេជ្ញារបស់កូរ៉េខាងត្បូងមកលើអាស៊ាន និងការធ្វើអាជីវកម្មក្នុងតំបន់នេះ ដែលត្រូវការពេលវេលាដើម្បីលូតលាស់ ។ ខ្ញុំដឹងថា ក្នុងប្រទេសកូរ៉េ តែងប្រៀបធៀបទំនាក់ទំនងរវាងប្រទេសចិន និងជប៉ុន ជាមួយអាស៊ាន » ។
លោកបន្ថែមថា ៖ « ប្រទេសទាំងពីរនេះមានប្រវត្តិសាស្ត្រ ផ្នែកនយោបាយ វប្បធម៌ និងសេដ្ឋកិច្ចរួមគ្នាជាមួយអាស៊ានយូរមកហើយ ដែលកូរ៉េមិនអាចធ្វើតាមបានឡើយ ។ ដូច្នេះហើយកូរ៉េត្រូវមានយុទ្ធសាស្ត្រដោយខ្លួនឯងជាមួយអាស៊ាន » ។
ចំណែកលោក Venkatachalam Anbumozhi ឧត្តមសេដ្ឋវិទូក្នុងវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីខាងកើត (ERIA) ថ្លែងថា ៖ « កូរ៉េគួរតែពង្រីកយុទ្ធសាស្ត្រសហការជាមួយវិស័យដទៃជាច្រើនទៀត » ។
លើសពីនេះ អ្នកការទូតជាន់ខ្ពស់របស់កូរ៉េ ចង្អុលបង្ហាញថា មានសក្តានុពលយ៉ាងធំក្នុងទីផ្សារអាស៊ាន ដោយសារការកើនឡើងនៃទឹកប្រាក់, កំណើននៃចំនួនគ្រួសារមធ្យម, ជាមូលដ្ឋានមានប្រជាជនច្រើនជាងគេលេខ៣របស់ពិភពលោក និងការលូតលាស់សេដ្ឋកិច្ចយ៉ាងលឿនក្នុងចំណោមប្រទេសដទៃ ។
ការចាប់ដំណើរការនៃ AEC ត្រូវបានមើលឃើញថា ជាដំណើរការបន្តបន្ទាប់មួយ ដូច្នេះហើយការផ្លាស់ប្តូរនឹងកើតមានឡើងក្នុងរយៈពេលខាងមុខ ។ ប្រសិនបើវាកើតឡើងតាមផែនការមែននោះ តំបន់នេះនឹងងើបជាទីផ្សារថ្មីមួយទៀត ។ ក្រុមហ៊ុនកូរ៉េត្រូវចាត់វិធានការដំណាក់កាលដំបូងចំពោះការធ្វើសមាហរណកម្មនេះ ។
អគ្គរដ្ឋទូតកូរ៉េនៃតំបន់អាស៊ាន លោក Suh Jeong-in ថ្លែងថា ក្រុមហ៊ុនកូរ៉េគួរតែមើលមកអាស៊ាន ជាទីផ្សារតែមួយ ។
គួរបញ្ជាក់ថា អាស៊ានត្រូវបានគិតថា នឹងមានប្រជាពលរដ្ឋកើនឡើងពី៦៣០លាននាក់ ដល់៧២០លាននាក់ក្នុងឆ្នាំ២០៣០ ហើយមនុស្សប្រមាណ៩០លាននាក់នឹងផ្លាស់ប្តូរទៅរស់នៅតំបន់ជិតក្រុង ៕
ចែករំលែកព័តមាននេះ