តារាសម្តែងហូលីវូដគាំងបេះដូងលើយន្តហោះ
អ្នកស្រី Carrie Fisher តារាសម្តែងហូលីវូដបានគាំងបេះដូង ខណៈពេលធ្វើដំណើរតាមយន្តហោះពីក្រុងឡុងដ៍ទៅក្រុងឡូសអេនចឺឡេសកាលពីថ្ងៃទី២៣ ធ្នូ ២០១៦ ។ ប្អូនប្រុសរបស់អ្នកស្រីឱ្យដឹងថា
អ្នកស្រី Carrie Fisher តារាសម្តែងហូលីវូដបានគាំងបេះដូង ខណៈពេលធ្វើដំណើរតាមយន្តហោះពីក្រុងឡុងដ៍ទៅក្រុងឡូសអេនចឺឡេសកាលពីថ្ងៃទី២៣ ធ្នូ ២០១៦ ។ ប្អូនប្រុសរបស់អ្នកស្រីឱ្យដឹងថា Fisher អាយុ៦០ឆ្នាំ បច្ចុប្បន្នកំពុងស្ថិតក្រោមការថែទាំពីគ្រូពេទ្យ ។ ក្រុមគ្រួសារមិនបានបង្ហាញព័ត៌មានលម្អិតណាមួយទេគ្រាន់តែប្រាប់ថា អាការរបស់អ្នកស្រីមានលក្ខណៈល្អប្រសើរ ។
មិត្តភក្តិមួយចំនួនក្នុងមជ្ឈដ្ឋានសម្តែងបានផ្តល់កម្លាំងចិត្តដល់អ្នកស្រី Fisher ។ ចំណែកលោក Harrison Ford ដែលចូលរួមសម្តែងជាគូស្នេហ៍ក្នុងភាពយន្ត «Star Wars» និយាយថា «ខ្ញុំមានការរន្ធត់ និងពិបាកចិត្តដែលឮដំណឹងនេះ យើងសុំផ្តល់ជាកម្លាំងចិត្តដល់ Fisher ក្រុមគ្រួសារ និងមិត្តភក្តិរបស់នាង» ។
ហេតុការណ៍ដ៏រន្ធត់នោះកើតឡើងក្នុងខណៈដែលអ្នកស្រី Fisher ធ្វើដំណើរពីក្រុងឡុងដ៍ចក្រភពអង់គ្លេសទៅទីក្រុងឡូសអេនចឺឡេស ដោយក្រុមហ៊ុនអាកាសចរណ៍ «United Airline» ប៉ុន្តែកើតអាការគាំងបេះដូងធ្ងន់នៅលើយន្តហោះ ។
តាមការរៀបរាប់របស់អ្នកដំណើរម្នាក់ឱ្យដឹងថា អ្នកស្រី Fisher បានស្ទះដង្ហើម និងបេះដូងកន្ត្រាក់រហូតនៅលើយន្តហោះ ។ ចំណែកអ្នកដំណើរម្នាក់ទៀតឱ្យដឹងថា ស្ថានភាពនៅលើយន្តហោះក្នុងពេលនោះមានភាពជ្រួលច្របល់ ព្រោះតែអាការនៃអ្នកជំងឺនេះ ៕
ចែករំលែកព័តមាននេះ