ពពួកបាក់តេរីដែលបង្កឲ្យមានការឆ្លងមេរោគអញ្ចាញធ្មេញ ក៏បង្កឲ្យមានផលវិបាកមួយចំនួនដល់ជីវិតមនុស្សជាច្រើននៅជុំវិញពិភពលោក ។
ក្រុមអ្នកជំនាញបាននិយាយថា ការរកឃើញរបស់ពួកគេបានបន្ថែមភស្តុតាងថា ជំងឺរលាកសន្លាក់រ៉ាំរ៉ៃ (RA) មានទំនាក់ទំនងទៅនឹងអនាម័យមាត់ធ្មេញ ដែលជាទ្រឹស្តីគេសង្ស័យជាយូរមកហើយ ។
ការឆ្លងមេរោគដោយបាក់តេរីឈ្មោះ A. actinomycetemcomitans ដែលបាក់តេរីនេះបណ្តាលឱ្យកើតជំងឺអញ្ចាញធ្មេញ ក៏បង្កឲ្យមានការកើនឡើងនៃការផលិតប្រូតេអុីនដែលបង្កឱ្យប្រព័ន្ធភាពស៊ាំចុះខ្សោយ ។
ការបំផ្លែងអាស៊ីតអាមីនេអាស៊ីនីន ដែលធ្វើនិយ័តកម្មនៃការផលិតប្រូតេអុីន ត្រូវបានគេដឹងថា វាកើតឡើងដោយធម្មជាតិនៅក្នុងខ្លួនមនុស្ស ។ ប៉ុន្តែចំពោះអ្នកដែលមានជំងឺរលាកសន្លាក់រ៉ាំរ៉ៃ ដំណើរការនេះមានសកម្មភាពខ្លាំងពេក និងនាំឱ្យមានការរលាក និងការខូចខាតជាលិកា នេះបើយោងតាមក្រុមអ្នកស្រាវជ្រាវមកពីសាកលវិទ្យាល័យ Johns Hopkins បានរកឃើញ ។
ទោះជាយ៉ាងណា នៅក្នុងការរកឃើញថ្មីនេះ ពួកគេបានរកឃើញជាក់ស្តែងផងដែរនៅក្នុងសំណាកនៃអ្នកជំងឺដែលមានជំងឺអញ្ចាញធ្មេញ ។ ប៉ុន្តែក្រុមអ្នកស្រាវជ្រាវបានព្រមានថា ច្រើនជាងពាក់កណ្តាលនៃអ្នកចូលរួមដែលមានជំងឺរលាកសន្លាក់រ៉ាំរ៉ៃមិនមានបញ្ហាអញ្ចាញធ្មេញនោះទេ ។
ពួកគេបាននិយាយថា វាអាចបង្ហាញឲ្យឃើញថា បាក់តេរីផ្សេងទៀតនៅក្នុងពោះវៀន សួតឬនៅកន្លែងផ្សេងទៀតក៏មានមុខងារក្នុងការធ្វើឲ្យឈឺសន្លាក់ផងដែរ ។
ជំងឺនេះបង្កឡើងនៅពេលដែលប្រព័ន្ធភាពស៊ាំមានដំណើរការមិនប្រក្រតី និងវាយប្រហារលើកោសិកា ធ្វើឱ្យសន្លាក់រឹង និងឈឺចាប់ ។
មនុស្សច្រើនជាង700.000នាក់នៅប្រទេសអង់គ្លេសមានបញ្ហាខូចជាលិកាទន់ ឆ្អឹងខ្ចី និងឆ្អឹង។ វាប៉ះពាល់ជាចម្បង ប៉ុន្តែមិនមែនទាំងស្រុងលើមនុស្សចាស់ទេ ៕
ចែករំលែកព័តមាននេះ