រាជធានីភ្នំពេញ ៖ ព្រោះតែការបើកបរចង់ឈ្នះចង់លឿនជាងគេជាងឯង រថយន្តកូរ៉ូឡាមួយគ្រឿង អ្នកបើកជាជនជាតិចិន ខណៈផ្លូវកំពុងតែស្ទះចរាចរណ៍នៅតែខំប្រឹងរុលទៅមុខជ្រុលទៅកៀរថយន្តដឹកបេតុងលាយ បណ្ដាលឱ្យរងការខូចខាតខ្លួនឯង កាលពីវេលាម៉ោង៧យប់ថ្ងៃទី២៦ ធ្នូ ២០១៦ ស្ថិតត្រង់ចំណុចជិតស្ពានអាកាសសង់ថ្មីផ្សារដីហុយ តាមបណ្ដោយផ្លូវសហព័ន្ធរុស្សី ក្នុងសង្កាត់ទឹកថ្លា ខណ្ឌសែនសុខ។
តាមប្រភពពីកន្លែងកើតហេតុឱ្យដឹងថា ខណៈពេលដែរចរាចរណ៍កំពុងតែស្ទះណែនណាន់តាន់តាប់ ស្រាប់តែមានរថយន្តមួយគ្រឿងម៉ាកហ៊ីយ៉ាន់ដាយ ពណ៌សំបកឪឡឹក ពាក់ស្លាកលេខ ភ្នំពេញ2B-5071 បើកបរដោយបុរសម្នាក់ជាជនជាតិចិន បើកក្នុងទិសដៅពីកើតទៅលិច បើកបរមិនគោរពច្បាប់ចរាចរណ៍ ឃើញផ្លូវកំពុងតែស្ទះចរាចរណ៍ចេះតែបើករុលទៅមុខជ្រុលទៅកៀររថយន្តដឹកបេតុងលាយស្រេចរបស់ក្រុមហ៊ុនរូបក្រពើ ពាក់ស្លាកលេខព្រះសីហនុ 5A-0070 បើកបរដោយតៃកុងម្នាក់រួមជាមួយនិងព្រូម្នាក់ទៀតកំពុងតែឈប់នៅស្ងៀមមួយកន្លែងដោយសារតែផ្លូវខាងមុខមានសភាពស្ទះខ្លាំងហើយភ្លាមនោះរថយន្តដែលប្រឹងរុលទៅមុខនោះបានកៀទៅនិងថ្ពាល់មុខខាងស្ដាំរថយន្តដឹកបេតុងនោះបណ្ដាលអោយរថយន្តខ្លួនឯងកូតចំហៀងខាងឆ្វេងនិងបែកកង់ក្រោយខាងឆ្វេងថែមទៀតផង ។
ក្រោយពេលកើតហេតុ ខាងរថយន្តទាំងសងខាងបានធ្វើការសម្របសម្រួលគ្ នាហើយខាងរថយន្តរងគ្រោះនោះ ដោយគិតថាខ្លួនឯងខុសហើយ ទើបបានជាយល់ព្រមសុំសម្រួលជាមួយរថយន្តម្ខាងទៀត យករថយន្តទៅជួសជុលរៀងៗខ្លួនដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ