រាជធានីភ្នំពេញ ៖ ព្រះមង្គលរក្ខិត ខឹម សម្បត្តិ នាមបញ្ញាតិសុវណ្ណជោតិ ងារដើមជាវិន័យធម៌អនុគណខណ្ឌឫស្សីកែវ និងជាចៅអធិការវត្តញាណរង្សី ត្រូវបានប្រកាស តែងតាំងជាព្រះគ្រូរតនប្បជ្ជោតិអនុគណស្តីទី
រាជធានីភ្នំពេញ ៖ ព្រះមង្គលរក្ខិត ខឹម សម្បត្តិ នាមបញ្ញាតិសុវណ្ណជោតិ ងារដើមជាវិន័យធម៌អនុគណខណ្ឌឫស្សីកែវ និងជាចៅអធិការវត្តញាណរង្សី ត្រូវបានប្រកាស តែងតាំងជាព្រះគ្រូរតនប្បជ្ជោតិអនុគណស្តីទីខណ្ឌឫស្សីកែវ ដើម្បីដឹកនាំភិក្ខុ សាមណេនៅក្នុងខណ្ឌឫស្សីកែវ បន្តពី ព្រះតេជគុណព្រះមុនីកោសល ហ៊ុល សុវណ្ណ ព្រះអនុគណខណ្ឌឫស្សីកែវ ដែលបានទទួលអនិច្ចធម្មទៅកាន់លោកខាងមុខ កាលពីពេលថ្មីៗកន្លងមកនេះ។
ពិធីនេះបានរៀបចំឡើងកាលពីព្រឹកថ្ងៃទី២៦ ខែធ្នូ ឆ្នាំ២០១៦ នៅក្នុងបរិវេណវត្តញាញរង្សី នៅក្នុងសង្កាត់ទួលសង្កែ ដោយមានការនិមត្តចូលរួមជាអធិបតីពីព្រះញាណវង្ស ឃឹម សន ព្រះមេគណរាជធានីភ្នំពេញ និងលោក ង៉ែត ចន្ទ័បូរ ប្រធាននាយកដ្ឋានកិច្ចការសាសនា នៃក្រសួងធម្មការ និងសាសនា, មន្ទីរធម្មការ និងសាសនារាជធានី និងអាជ្ញាធរ ពុទ្ធបរិសទ្ទ័យ៉ាងច្រើកុះករ។
ព្រះញាណវង្ស ឃឹម សន ព្រះមេគណរាជធានីភ្នំពេញ និងជាប្រធានកិត្តិយសសហគមន៍មូនិធិនគរកាយវត្តព្រះពុទ្ធសាសនាកម្ពុជា បានមានសង្ឃដីកា ផ្តាំផ្ញើដល់ព្រះមង្គលរក្ខិត ខឹម សម្បត្តិ ដែលទើបនឹងតែងតាំងឡើងជាព្រះគ្រូរតនប្បជ្ជោតិអនុគណស្តីទីខណ្ឌឫស្សីកែវ នាពេលនេះថា គឺដើម្បីឱ្យព្រះអង្គដឹកនាំពង្រឹងធម៌ វិន័យព្រះសង្ឃនៅក្នុងខណ្ឌឫស្សីកែវបន្តពីព្រះតេជគុណព្រះមុនីកោសល ហ៊ុល សុវណ្ណ ព្រះគ្រូអនុគណខណ្ឌឫស្សីកែវដែលបានទទួលអនិច្ចធម្មទៅកាលពីពេលកន្លងទៅថ្មីៗនេះ។
ចែករំលែកព័តមាននេះ